މިދިޔަ އަހަރަކީ ގޮންޖެހުންތަކާއެކުވެސް ގިނަ ކަންތައްތަކެއް ހާސިލުކުރެވުނު އަހަރެއްކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.

މި ފެށުނު އާ އަހަރުގެ ހެޔޮ އެދުންތައް ފޮނުއްވައި ރައީސް މިއަދު ވިދާޅުވީ، މި އަހަރު ދިވެހީންނަށް ފާގަތި އަހަރަކަށް ވާނެ ކަމަށް އުއްމީދު ކުރައްވާ ކަމަށެވެ.

ހަމައެއާއެކު ނިމިގެން ދިޔަ 2022 ވަނަ އަހަރު ދިވެހީންނަށް ހޯދުނު ކާމިޔާބިތަކާމެދުގައި ފަޚުރުވެރިވެވަޑައިގަންނަވާ ކަމަށް ރައީސް ވިދާޅުވިއެވެ.

”ހުރިހާ ދިވެހިންނަށް އުފާވެރި، ދުޅަހެޔޮ އަދި ފާގަތި އަހަރަކަށް އެދެން.“ ރައީސް ވިދާޅުވިއެވެ.

Fazu and I wish everyone a very happy #NewYear. I’m proud of what we as Maldivians have achieved this past year in spite of the many challenges and I look forward to embrace the opportunities that the new year brings for us. I wish everyone a happy, healthy, and prosperous 2023! pic.twitter.com/vymB3GVUVI

— Ibrahim Mohamed Solih (@ibusolih) December 31, 2022

ރައީސް މިފަދައިން ވިދާޅުވިއިރު، އާ އަހަރު ފާހަގަ ކުރުމަށް އެމަނިކުފާނާއި އަނބިކަނބަލުން ފަޒްނާ މިވަގުތު ތިއްބެވީ ސްރީލަންކާގައެވެ.

މިއަހަރުގެ އާއަހަރު ކުލަގަދަކޮށް މާލޭގައިވެސް ވަނީ ފާހަގަ ކޮށްފައެވެ. އެގޮތުން ބަޑިބޭހުގެ ކުޅިވަރާއެކު މިއުޒިކްޝޯއެއް ހުޅުމާލޭގައި ވަނީ ކުރިއަށް ގެންގޮސްފައެވެ.