އެމްޑީޕީގެ އެންމެ އިސް ލީޑަރު އަދި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު، އެމްޑީޕީގެ މާލެ ދާއިރާގެ މެމްބަރުންނާއެކު މިރޭ ބައްދަލުވުމެއް ބާއްވަން ހަމަޖައްސަވައިފިއެވެ.

މިއީ ކުރިއަށް އޮތް އެމްޑީޕީގެ ޕްރައިމަރީއަށް ތާއީދު ހޯއްދެވުމުގެ ގޮތުން ކުރިއަށްގެންދާ ކެމްޕެއިން ހަރަކާތްތަކުގެ ތެރެއިން ކުރިއަށްގެންދާ ބައްދަލުވުމެކެވެ.

ރައީސް ސާލީހުގެ ކެމްޕެއިން ޓީމުން ބުނީ މާލެ ދާއިރާގެ މެމްބަރުންނާއެކު ބާއްވާ ބައްދަލުވުން އޮންނާނީ މިރޭ 8:30 ގައި ދަރުބާރުގޭ ފާށަނާ މާލަމުގައި ކަމަށެވެ. މިބައްދަލުވުމުގައި މާލެ ދާއިރާގެ މެމްބަރުންގެ އިތުރުން ކެމްޕެއިން ޓީމުތަކާއިވެސް ރައީސް ސާލިހު ބައްދަލުކުރައްވާނެއެވެ.

Male City ge MDP Memberunnai Male ge campaign team thakaai eku Raees @ibusolih ge bahdhaluvumeh Mirey 8:30 gai Dharubaaruge Faashanaa Maalamugai#MDPKuriah #Ibu2023 pic.twitter.com/3uIWDHNtHM

— MDP Kuriah (@MDPKuriah) January 10, 2023

އެމްޑީޕީގެ ޕްރައިމަރީގެ ފޯރި ގަދަވެފައިވާއިރު ރައީސް ސާލިހު ވަނީ ރ، ނ، ޅ، އަދި ބ. އަތޮޅަށް މިދިޔަ ދެތިން ދުވަހުގެ ތެރޭގައި ދަތުރުކުރައްވާފައެވެ.

އެމްޑީޕީގެ ޕްރައިމަރީ ބޭއްވުމަށް ހަމަޖެހިފައިވަނީ މިމަހުގެ 28 ވަނަ ދުވަހުއެވެ.

މި ޕްރައިމަރީގައި ވާދަކުރައްވަނީ ރައީސް ސާލިހާއި ރައީސް ނަޝީދެވެ. ރައީސް ނަޝީދުވެސް ގެންދަވަނީ ބޮޑު ކެމްޕެއިނެއް ހިންގަމުންނެވެ.