ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު އަމަލުކުރައްވަމުން ގެންދަވަނީ ޕާޓީގެ އަސާސީ ގަވާއިދާއި ހިލާފަށްކަމަށް މަރަދޫ ދާއިރާގެ މެމްބަރު އިބްރާހިމް ޝަރީފް (އައްޑޫ ޝަރީފް) ވިދާޅުވެއްޖެއެވެ.
ޝަރީފް މިހެން ވިދާޅުވީ އެމްޑީޕީގެ ރިޔާސީ ޓިކެޓް ރައީސް ސާލިހަށް ހަވާލުކުރުން ހުއްޓުވުމަށް ރައީސް ނަޝީދުގެ ފަރާތުން ކޯޓަށް މައްސަލަ ހުށަހެޅުމުންނެވެ.
ޝަރީފް މިއަދު ވިދާޅުވީ ޑިމޮކްރަޓިކް ހަމަތައް ގަބޫލުކުރާ ކޮންމެ މީހަކު އިންތިހާބެއްގައި ބަލިވުމުން ބަލި ގަބޫލުކުރާނެކަމަށެވެ. އަދި ރައްޔިތުންނަށް ހެޔޮ އެދޭ ބަޔަކު ކޯވިޑްގެ ހާލަތުން އަރައިގަނެ ގައުމު ކުރިއަށްދާން މަސައްކަތްކުރަމުންދާ ދަނޑިވަޅެއްގައި ގައުމު ހަލަބޮލިކޮށް ސަރުކާރު އިނދަޖައްސާކަށް މަސައްކަތެއް ނުކުރާނެކަމަށްވެސް ޝަރީފް ވިދާޅުވިއެވެ.
ޝަރީގް ވިދާޅުވީ ޕާޓީގެ މެންބަރުންގެ އަގްލަބިއްޔަތުން ނިންމި ނިންމުން ގަބޫލުނުކޮށް ޕާޓީ ފުނޑާލަން މަސައްކަތްކުރުމަކީ ރައްޔިތުންގެ މަސްލަހަތާއި މެދު ފިކުރު ކުރާ އެއްވެސް މީހަކު ކުރާނެ ކަމެއްް ނޫންކަމަށެވެ. އަދި ތިމާ އެދޭ ގޮތް ނޫން އެހެން އެއްވެސް ގޮތެއް ޤަބޫލު ނުކުރުމަކީ ހުދުމުހުތާރުކަމުގެ ސިފައެއްކަމަށްވެސް ޝަރީފް ވިދާޅުވިއެވެ.
ޝަރީފް ވިދާޅުވީ އެމްޑީޕީގެ ލިޑަރޝިޕްގައި ތިއްބެވި ބައެއް ބޭފުޅުން ޕާޓީގެ ރައީސް މުހައްމަދު ނަޝީދު ހިމެނޭގޮތުން ޕާޓީގެ އާއްމު މެމްބަރުންގެ ވޯޓުން ނިންމި ގޮތް ޤަބޫލުނުކުރައްވާ ޕާޓީއަށް ކުރިއަށް އޮތް ރިޔާސީ އިންތިހާބު ގެއްލުވާލަން މަސައްކަތް ކުރައްވާ ކުރެއްވުމަކީ ޕާޓީގެ އަސާސީ ގަވާއިދާއި ހިލާފުކަމެއްކަމަށެވެ. އަދި ޕާޓީގެ މެމްބަރުންގެ އަޤްލަބިއްޔަތުން ނިންމާ ނިންމުންތަކާއި ފާޅުގައި ދެކޮޅު ހައްދަވާ، ކަނޑައެޅިގެން އަސާސީ ގަވާއިދާއި ހިލާފަށް އަމަލުކުރާ ބަޔަކު ޕާޓީގެ ލިޑަރޝިޕްގެ މަޤާމުގައި ދެމި ތިބުމަކީ ކޮށްގެން ވާނެ ކަމެއް ނޫންކަމަށްވެސް ޝަރީފް ވިދާޅުވިއެވެ.
މިއަހަރު އޮންނަ ރިޔާސީ އިންތިހާބުގައި އެމްޑީޕީގެ ފަރާތުން ވާދަކުރައްވާ ރައީސް އިބްރާހީމް މުޙައްމަދު ޞާލިޙަށް ރިޔާސީ ޓިކެޓް ރަސްމީކޮށް އަރުވަން އެ ޕާޓީން ތައްޔާރުވެފައި ވަނިކޮށް، އެކަން ހުއްޓުވައިދިނުން އެދި ކޯޓަށް މައްސަލައެއް ވެއްދީ ހެންވޭރު ދެކުނު ދާއިރާގެ ކުރީގެ މެންބަރު އަދި މިހާރު ޕޮލިސް ބޯޑުގައި އިންނަވާ ހާމިދު އަބްދުލްޣަފޫރެވެ. މިމައްސަލައިގައި ވަކީލެއްގެ ގޮތުގައި މަސައްކަތް ކުރައްވަނީ ރައީސް ނަޝީދުގެ ސަރުކާރުގައި ބަންޑާރަ ނައިބުކަން ކުރެއްވި ދިޔާނާ ސައީދެވެ. މި ދެބޭފުޅުންނަކީ ވެސް މިހާރު ރައީސް ނަޝީދުގެ ފަހަތުޕުޅުގައި މަސައްކަތް ކުރައްވަމުން ގެންދަވާ ދެ ބޭފުޅުންނެވެ.
ކޯޓަށް ހުށަހެޅި މައްސަލައިގައި މައިގަނޑު ގޮތެއްގައި ބުނެފައިވަނީ، އެމްޑީޕީން 39،000 މެންބަރުން ވަކިކުރީ އެ ޕާޓީގެ އަސާސީ ގަވާއިދުގައި އެކަންކުރަން ވަކި ގޮތްތަކެއް ބުނެފައި އޮއްވާ އެއާއި ހިލާފަށް ކަމަށެވެ. އެހެންކަމުން އެ ޕްރައިމަރީއަކީ ޕާޓީން ވަކިކުރި މެންބަރުންނަށް ވޯޓު ދިނުމުގެ ހައްގު ގެއްލޭގޮތަށް ބޭއްވި އިންތިހާބެއް ކަމަށާއި އެއާއިއެކު އެއީ ސައްހަ އިންތިހާބެއް ނޫންކަމަށް ކަނޑައަޅައި، ވަކިކުރި މެންބަރުން ހިމަނައިގެން އަލުން އިންތިހާބު ބޭއްވުމަށް އެމްޑީޕީގެ މައްޗަށް އަމުރު ކޮށްދިނުމަށް ކޯޓަށް ހުށަހެޅި މައްސަލައިގައި އެދިފައި ވެއެވެ.
ޝަރީފް މިއަދު ވިދާޅުވީ ޑިމޮކްރަޓިކް ހަމަތައް ގަބޫލުކުރާ ކޮންމެ މީހަކު އިންތިހާބެއްގައި ބަލިވުމުން ބަލި ގަބޫލުކުރާނެކަމަށެވެ. އަދި ރައްޔިތުންނަށް ހެޔޮ އެދޭ ބަޔަކު ކޯވިޑްގެ ހާލަތުން އަރައިގަނެ ގައުމު ކުރިއަށްދާން މަސައްކަތްކުރަމުންދާ ދަނޑިވަޅެއްގައި ގައުމު ހަލަބޮލިކޮށް ސަރުކާރު އިނދަޖައްސާކަށް މަސައްކަތެއް ނުކުރާނެކަމަށްވެސް ޝަރީފް ވިދާޅުވިއެވެ.
ޝަރީގް ވިދާޅުވީ ޕާޓީގެ މެންބަރުންގެ އަގްލަބިއްޔަތުން ނިންމި ނިންމުން ގަބޫލުނުކޮށް ޕާޓީ ފުނޑާލަން މަސައްކަތްކުރުމަކީ ރައްޔިތުންގެ މަސްލަހަތާއި މެދު ފިކުރު ކުރާ އެއްވެސް މީހަކު ކުރާނެ ކަމެއްް ނޫންކަމަށެވެ. އަދި ތިމާ އެދޭ ގޮތް ނޫން އެހެން އެއްވެސް ގޮތެއް ޤަބޫލު ނުކުރުމަކީ ހުދުމުހުތާރުކަމުގެ ސިފައެއްކަމަށްވެސް ޝަރީފް ވިދާޅުވިއެވެ.
ޝަރީފް ވިދާޅުވީ އެމްޑީޕީގެ ލިޑަރޝިޕްގައި ތިއްބެވި ބައެއް ބޭފުޅުން ޕާޓީގެ ރައީސް މުހައްމަދު ނަޝީދު ހިމެނޭގޮތުން ޕާޓީގެ އާއްމު މެމްބަރުންގެ ވޯޓުން ނިންމި ގޮތް ޤަބޫލުނުކުރައްވާ ޕާޓީއަށް ކުރިއަށް އޮތް ރިޔާސީ އިންތިހާބު ގެއްލުވާލަން މަސައްކަތް ކުރައްވާ ކުރެއްވުމަކީ ޕާޓީގެ އަސާސީ ގަވާއިދާއި ހިލާފުކަމެއްކަމަށެވެ. އަދި ޕާޓީގެ މެމްބަރުންގެ އަޤްލަބިއްޔަތުން ނިންމާ ނިންމުންތަކާއި ފާޅުގައި ދެކޮޅު ހައްދަވާ، ކަނޑައެޅިގެން އަސާސީ ގަވާއިދާއި ހިލާފަށް އަމަލުކުރާ ބަޔަކު ޕާޓީގެ ލިޑަރޝިޕްގެ މަޤާމުގައި ދެމި ތިބުމަކީ ކޮށްގެން ވާނެ ކަމެއް ނޫންކަމަށްވެސް ޝަރީފް ވިދާޅުވިއެވެ.
ކޯޓަށް ހުށަހެޅި މައްސަލައިގައި މައިގަނޑު ގޮތެއްގައި ބުނެފައިވަނީ، އެމްޑީޕީން 39،000 މެންބަރުން ވަކިކުރީ އެ ޕާޓީގެ އަސާސީ ގަވާއިދުގައި އެކަންކުރަން ވަކި ގޮތްތަކެއް ބުނެފައި އޮއްވާ އެއާއި ހިލާފަށް ކަމަށެވެ. އެހެންކަމުން އެ ޕްރައިމަރީއަކީ ޕާޓީން ވަކިކުރި މެންބަރުންނަށް ވޯޓު ދިނުމުގެ ހައްގު ގެއްލޭގޮތަށް ބޭއްވި އިންތިހާބެއް ކަމަށާއި އެއާއިއެކު އެއީ ސައްހަ އިންތިހާބެއް ނޫންކަމަށް ކަނޑައަޅައި، ވަކިކުރި މެންބަރުން ހިމަނައިގެން އަލުން އިންތިހާބު ބޭއްވުމަށް އެމްޑީޕީގެ މައްޗަށް އަމުރު ކޮށްދިނުމަށް ކޯޓަށް ހުށަހެޅި މައްސަލައިގައި އެދިފައި ވެއެވެ.
ކިޔުންތެރިންގެ ހިޔާލު