ފުލުހުންގެ ވަޒީފާއަށް ކުރިމަތިލާ މީހުންގެ ބެކްގްރައުންޑް ޗެކްނުކުރާ ގޮތަށް ނުނިންމާ ކަމަށް ރައީސް އޮފީހުގެ ތަރުޖަމާނު މިއުވާން މުޙައްމަދު މިއަދު ވިދާޅުވެއްޖެއެވެ.
މިއުވާން މިމޭރުމުން ވިދާޅުވީ، ދިވެހި ފުލުހުންގެ ގާނޫނުގެ ދެ މާއްދާއަކަށް މިދިޔަ މަހުގެ 20 ވަނަ ދުވަހު ބޭއްވި ރައްޔިތުންގެ މަޖިލީހުގެ ހަތްވަނަ ޖަލްސާގައި ހިތަދޫ އުތުރު ދާއިރާގެ އެމްޑީޕީގެ މެންބަރު އަދި އެމްޑީޕީގެ ޕީޖީ ލީޑަރު މުހައްމަދު އަސްލަމް ހުށައެޅުއްވި އިސްލާޙުތަކާ ގުޅިގެންނެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ނޫސްވެރިންނަށް މަޢުލޫމާތު ދެއްވަމުން ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވީ އަސްލަމްގެ އިސްލާހުގައި ހުށައެޅުއްވީ ބެކްރައުންޑް ޗެކް ނުކުރުމަށް ނޫން ކަމަށެވެ. އެގޮތުން ބެކްގްރައުންޑް ޗެކްނުކުރާ ގޮތަށް ސަރުކާރުން ނުނިންމާކަމަށާއި، ހުށައަޅާފައިވާ އިސްލާޙުތަކަކީ މުޅި ގާނޫނުން ހާސިލްކުރަން ބޭނުންވާ މަގުސަދާއި ހަމައަށް ވާސިލްވުމަށް ހުށައަޅާފައިވާ އިސްލާހުތަކެއްކަމަށް މިއުވާން ވިދާޅުވިއެވެ.
ފުލުހުންގެ ޤާނޫނަށް އަސްލަމް ހުށައެޅުއްވި ފުރަތަމަ އިސްލާހުގައިވަނީ ފުލުހުންގެ ވަޒީފާއަށް ވަންނަ މީހުންގެ ބެކްގްރައުންޑް ޗެކް ހެދުން އިޚްތިޔާރީ ކަމަކަށް ދޫކޮށްލުމަށެވެ. ދެވަނައަށް ހުށަހަޅާފައިވާ އިސްލާހުގައި ވަނީ ތަހުގީގުކުރާ ފުލުހުން ވަކި ތައުލީމީ ސަނަދެއް ހޯދުމަށް ގާނޫނުން ދީފައިވާ ދެ އަހަރު ދުވަހުގެ މުއްދަތުގައި އެކަން ކުރެވޭނެ ކަމަށް ނުފެންނާތީ އިތުރު އެއް އަހަރަށް އެ މުއްދަތު އިތުރު ކުރުމަށް ހުށައަޅާ ކަމަށެވެ.
މި ބިލުގެ ބަހުސްގެ މަރުހަލާގައި މަޖިލީހުގެ މެންބަރުން ވިދާޅުވެފައިވަނީ، ކިތަންމެ ބޮޑު ހަރަދެއް ކޮށްގެން ވިޔަސް ފުލުހުންގެ ބެކްގްރައުންޑް ޗެކް ކުރަންޖެހޭނެ ކަމަށެވެ. އަދި މިއީ ސަރުކާރުގެ ކުންފުންޏަކަށް މުވައްޒަފުން ވައްދާ ގޮތަށް ކުރެވޭ ކަމަކަށް ވެގެން ނުވާނެ ކަމަށްވެސް މެންބަރުން ފާހަގަކުރެއްވިއެވެ. އެހެންކަމުން ފުލުހުންގެ މުއައްސަސާއަށް ނަގަން ޖެހޭނީ ފެންވަރު ރަނގަޅު މީހުންކަމަށް މަޖިލީހުގެ މެންބަރުން ވަނީ ފާހަގަ ކުރަށްވާފައެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ނޫސްވެރިންނަށް މަޢުލޫމާތު ދެއްވަމުން ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވީ އަސްލަމްގެ އިސްލާހުގައި ހުށައެޅުއްވީ ބެކްރައުންޑް ޗެކް ނުކުރުމަށް ނޫން ކަމަށެވެ. އެގޮތުން ބެކްގްރައުންޑް ޗެކްނުކުރާ ގޮތަށް ސަރުކާރުން ނުނިންމާކަމަށާއި، ހުށައަޅާފައިވާ އިސްލާޙުތަކަކީ މުޅި ގާނޫނުން ހާސިލްކުރަން ބޭނުންވާ މަގުސަދާއި ހަމައަށް ވާސިލްވުމަށް ހުށައަޅާފައިވާ އިސްލާހުތަކެއްކަމަށް މިއުވާން ވިދާޅުވިއެވެ.
މި ބިލުގެ ބަހުސްގެ މަރުހަލާގައި މަޖިލީހުގެ މެންބަރުން ވިދާޅުވެފައިވަނީ، ކިތަންމެ ބޮޑު ހަރަދެއް ކޮށްގެން ވިޔަސް ފުލުހުންގެ ބެކްގްރައުންޑް ޗެކް ކުރަންޖެހޭނެ ކަމަށެވެ. އަދި މިއީ ސަރުކާރުގެ ކުންފުންޏަކަށް މުވައްޒަފުން ވައްދާ ގޮތަށް ކުރެވޭ ކަމަކަށް ވެގެން ނުވާނެ ކަމަށްވެސް މެންބަރުން ފާހަގަކުރެއްވިއެވެ. އެހެންކަމުން ފުލުހުންގެ މުއައްސަސާއަށް ނަގަން ޖެހޭނީ ފެންވަރު ރަނގަޅު މީހުންކަމަށް މަޖިލީހުގެ މެންބަރުން ވަނީ ފާހަގަ ކުރަށްވާފައެވެ.
ކިޔުންތެރިންގެ ހިޔާލު