އެމްއެމްޕީއާރުސީގެ ހިޔާނާތުގެ ފައިސާއިން ރިޝްވަތު ނެގިކަމަށް ބުނެ ޔޫތު މިނިސްޓަރ އަހްމަދު މަހްލޫފްގެ މައްޗަށް ކްރިމިނަލް ކޯޓުގައި އުފުލާފައިވާ ދައުވާ ޕްރޮސެކިއުޓާ ޖެނެރަލްގެ އޮފީހުން އަނބުރާ ގެންގޮސްފިއެވެ.
މަހުލޫފުގެ މައްޗަށް ދައުވާ އުފުލާފައިވަނީ އޭނާ ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރުކަމުގައި ހުންނެވިއިރު، އޮގަސްޓް 27، 2014 ވަނަ ދުވަހު ސްޕެޝަލް އިކޮނޮމިކް ޒޯން ބިލަށް ތާއީދުކޮށް ވޯޓުދިނުމުގެ މުގާބިލުގައި، ރިޝްވަތު ހިފިކަމަށް ތުހުމަތު ކުރެވޭ މައްސަލައިގައެވެ. އެގޮތުން އިކޮނޮމިކް ޒޯން ބިލަށް ތާއީދުކޮށް ވޯޓުދިނުމުގެ މުޤާބިލުގައި، އެސް.އޯ.އެފް ޕްރައިވެޓް ލިމިޓެޑްގެ ނަމުގައި ބޭންކް އޮފް މޯލްޑިވްސްގައި ހުޅުވާފައިވާ އެކައުންޓުގެ ޗެކަކުން އޭރުގެ ޓޫރިޒަމް މިނިސްޓަރ އަޙްމަދު އަދީބު ޢަބްދުލްޣަފޫރު، މަޚްލޫފަށްދިން 33،000 (ތެއްތިރީސް ހާސް) އެމެރިކާ ޑޮލަރު، މަޚްލޫފުގެ ނަމުގައި ބޭންކް އޮފް މޯލްޑިވްސްގައި ހުޅުވާފައިވާ އެކައުންޓަށް ޖަމާކޮށްފައިވާކަމަށް މައްސަލައިގައި ބުނެފައިވެއެވެ.
މި މައްސަލައިގެ ޝަރީއަތްތައް ފަށަން މިދިޔަ އަހަރު ފަހުކޮޅުން ފެށިގެން ތާވަލުކުރިނަމަވެސް އެކި ސަބަބުތަކާ ހެދި ޝަރީޢަތްތައް ވަނީ ކެންސަލްކޮށްފައެވެ.
ޕީޖީ އޮފީހުގެ އޮފިޝަލަކު މީޑީއާތަކަށް މައުލޫމާތުދެއްވަމުން ވިދާޅުވީ މަހްލޫފްގެ މައްޗަށް އުފުލާފައިވާ ދައުވާ ޕީޖީ އޮފީހުން އަނބުރާ ގެނެސްފައިވާކަަމަށެވެ. އަދި އެ މައްސަލަ އަނބުރާ ގެންގޮސްފައި ވަނީ އެކަށީގެންވާ މިންވަރަަށް ހެކި ނެތުމުން، އެ މަައްސަލަަ ސާބިތުވާނެކަމަށް ނުފެންނާތީކަމަށް ޕީޖީ އޮފީހުން ބުނެއެވެ.
އެމްއެމްޕީއާރުސީގެ މައްސަލައިގައި މީގެކުރިން ދައުލަތުން ކްރިމިނަލް ކޯޓަށް ހުށަހެޅި ދައުވާ ވަނީ ބޭރުކޮށްލާފައެވެ. ކްރިމިނަލް ކޯޓުން މަހްލޫފްގެ މައްސަލަ އެ ފަހަރު ބޭރުކޮށްލީ އެއީ މަދަނީ މިންގަނޑުން ބެލޭނެ ދައުވާއެއް ނޫންކަމަށް ކަނޑައެޅުމަށްފަހުއެވެ. ކްރިމިނަލް ކޯޓުގެ ނިންމުން ދައުލަތުން ހައިކޯޓުގައި އިސްތިއުނާފްކުރުުމުން ހައި ކޯޓުން ނިންމީ އެ މައްސަލަ މަދަނީ މިންގަނޑުން ކުރިއަށް ނުގެންދެވޭނެކަމަށް ކްރިމިނަލް ކޯޓުން ނިންމާފައިވަނީ ދައުލަތުން ހުށަހަޅާފައިވާ މުހިންމު ހެކިތަކަށް އެއްވެސް ވަރަކަށް ރިއާޔަތްނުކޮށް ކަމަށެވެ. އެހެންކަމުން އެ މައްސަލަ ކްރިމިނަލް ކޯޓުން އަލުން ބެލުމަށް ހައިކޯޓުން ހުކުމްކުރީ މިދިޔަ އަހަރުގެ މާޗުމަހުގެ ތެރޭގައެވެ.
މި މައްސަލައިގައި މަހްލޫފްގެ މައްޗަށް ދައުވާ އުފުލުމުން ވަޒީރުކަމުގެ މަޤާމުން އޭނާ ސަސްޕެންޑްުވެސް ކުރިއެވެ. ނަމަވެސް މައްސަލަ ކުރިއަށްނުދާތީ އޭނާގެ ސަސްޕެންޝަން ސަރުކާރުން ފަހުން އުވާލެއްވިއެވެ.
މި މައްސަލައިގެ ޝަރީއަތްތައް ފަށަން މިދިޔަ އަހަރު ފަހުކޮޅުން ފެށިގެން ތާވަލުކުރިނަމަވެސް އެކި ސަބަބުތަކާ ހެދި ޝަރީޢަތްތައް ވަނީ ކެންސަލްކޮށްފައެވެ.
ޕީޖީ އޮފީހުގެ އޮފިޝަލަކު މީޑީއާތަކަށް މައުލޫމާތުދެއްވަމުން ވިދާޅުވީ މަހްލޫފްގެ މައްޗަށް އުފުލާފައިވާ ދައުވާ ޕީޖީ އޮފީހުން އަނބުރާ ގެނެސްފައިވާކަަމަށެވެ. އަދި އެ މައްސަލަ އަނބުރާ ގެންގޮސްފައި ވަނީ އެކަށީގެންވާ މިންވަރަަށް ހެކި ނެތުމުން، އެ މަައްސަލަަ ސާބިތުވާނެކަމަށް ނުފެންނާތީކަމަށް ޕީޖީ އޮފީހުން ބުނެއެވެ.
މި މައްސަލައިގައި މަހްލޫފްގެ މައްޗަށް ދައުވާ އުފުލުމުން ވަޒީރުކަމުގެ މަޤާމުން އޭނާ ސަސްޕެންޑްުވެސް ކުރިއެވެ. ނަމަވެސް މައްސަލަ ކުރިއަށްނުދާތީ އޭނާގެ ސަސްޕެންޝަން ސަރުކާރުން ފަހުން އުވާލެއްވިއެވެ.
ކިޔުންތެރިންގެ ހިޔާލު