ޒުވާނުންނަށް ފުރުސަތު އެބައޮތް ކަމަށާއި، މައްސަލައަކީ ފުރުސަތުގެ ބޭނުން ނުހިފުން ކަމަށް ޔޫތު މިނިސްޓްރީގެ ޑިރެކްޓަރު ޖެނެރަލް އަލީ ޒަކީ ވިދާޅުވެއްޖެއެވެ.
ރާއްޖޭގެ މީޑިއާއެއްގައި ވާހަކަފުޅު ދައްކަވަމުން ޢަލީ ޒަކީ ވިދާޅުވީ، ވަޒީފާގެ މާހައުލަށް ޒުވާނުން އަހުލުވެރިކުރުވުމަށް ޔޫތު މިނިސްޓްރީން ހިންގާ ވޯކްޝޮޕްތަކަށް ލިބޭ ތަރުހީބު ކުޑަކަމަށެވެ.
ޒަކީ ވިދާޅުވީ، ވަޒީފާގެ މާހައުލަށް ނިކުންނަން ބޭނުންވާ ޒުވާނުންނަށް ޔޫތު މިނިސްޓްރީން ފުރުސަތު ހުޅުވާލުމުން ފަންސާހަށްވުރެ މަތިން ކުދިން ރަޖިސްޓްރީ ކުރާކަމަށެވެ. މަސައްކަތުގެ މާހައުލަށް ނުކުންނަ ޒުވާނުންނަށް މިއީ ވަރަށް މުހިންމު ވޯރކްޝޮޕްތަކެއް ކަމަށްވެސް ޒަކީ ވިދާޅުވިއެވެ.
"ނަމަވެސް ބައިވެރިވޭތޯ ޔަގީންކުރުމަށް ގުޅުމުން އަންނާނެކަމަށް ބުނާ ކުދިންގެ އަދަދު އުޅެނީ 5 ނުވަތަ 6ގައި." ޒަކީ ވިދާޅުވިއެވެ.
ޔޫތު މިނިސްޓްރީގެ ވޯކްޝޮޕްތަކުގެ މުހިންމުކަން ފާހަގަކުރަށްވަމުން ޒަކީ ވިދާޅުވީ، ތަޖުރިބާކާރުންގެ ވާހަކަތައް އަޑުއަހައި އެކަމަށް ތައްޔާރުވެގެން މަސައްކަތަށް ނުކުތުމަކީ ވަޒީފާގެ މާޙައުލުގައި ކުރިއަށް ދިއުމަށް ވަރަށް މުހިންމު ކަމެއް ކަމަށެވެ.
އެހެންކަމުން ލިބޭ ފުރުސަތުގެ ބޭނުން ހިފުމަށް ޒުވާނުން އަހުލުވެރިވާންޖެހޭ ކަމަށް ޒަކީ ވިދާޅުވިއެވެ.
ޒަކީ ވިދާޅުވީ، ވަޒީފާގެ މާހައުލަށް ނިކުންނަން ބޭނުންވާ ޒުވާނުންނަށް ޔޫތު މިނިސްޓްރީން ފުރުސަތު ހުޅުވާލުމުން ފަންސާހަށްވުރެ މަތިން ކުދިން ރަޖިސްޓްރީ ކުރާކަމަށެވެ. މަސައްކަތުގެ މާހައުލަށް ނުކުންނަ ޒުވާނުންނަށް މިއީ ވަރަށް މުހިންމު ވޯރކްޝޮޕްތަކެއް ކަމަށްވެސް ޒަކީ ވިދާޅުވިއެވެ.
"ނަމަވެސް ބައިވެރިވޭތޯ ޔަގީންކުރުމަށް ގުޅުމުން އަންނާނެކަމަށް ބުނާ ކުދިންގެ އަދަދު އުޅެނީ 5 ނުވަތަ 6ގައި." ޒަކީ ވިދާޅުވިއެވެ.
އެހެންކަމުން ލިބޭ ފުރުސަތުގެ ބޭނުން ހިފުމަށް ޒުވާނުން އަހުލުވެރިވާންޖެހޭ ކަމަށް ޒަކީ ވިދާޅުވިއެވެ.
ކިޔުންތެރިންގެ ހިޔާލު