ބޯހިޔާވަހި ކަމަށް އެންމެ ބޮޑަށް ބޭނުންޖެހިފައިވާ މީހުންނަށް މާލެއިން ގޯތި ދިނުމަށް ކުރަންޖެހޭ ހުރިހާ ކަމެއް ސަރުކާރުން ކުރާނެ ކަމަށް ރައީސް އިބްރާހިމް މުހައްމަދު ސާލިޙު ވިދާޅުވެއްޖެއެވެ.
ރަައީސް އޮފީހުގައި ރޭ ބޭއްވި ނޫސްވެރިންގެ ބައްދަލުވުމުގައި ސަރުކާރުގެ ބޯހިޔާވަހިކަމުގެ ސިޔާސަތާއި ގުޅޭގޮތުން ވާހަކަފުޅު ދައްކަވަމުން ރައީސް އިބްރާހިމް މުހައްމަދު ސާލިޙު ވިދާޅުވީ މާލެއިން ގޯތި ދޭނީ އެކަމަށް އެންމެ ބޮޑަށް ބޭނުންޖެހިފައިވާ މީހުންނަށް ކަމަށާއި، އެކަމަށްޓަކައި ކުރަންޖެހޭ ހުރިހާ ކަމެއް ސަރުކާރުން ކުރާނެ ކަމަށެވެ. އެމަނިކުފާނު ވިދާޅުވީ، މިހާރު ކުރަމުންދަނީ ގޯއްޗަށް އެދި ފޯމް ހުށައަޅާފައިވާ ފަރާތްތަކުގެ ޝަރުތު ހަމަވާ މީހުންނާއި ނުވާ މީހުން ބެލުމުގެ މަސައްކަތް ކަމަށާއި އެ މަސައްކަތް މިހާރު އޮތީ ނިމުމުގެ މަރުހަލާގައި ކަަމަށެވެ. އެ މަސައްކަތް ނިމުމުން ގޯތި ލިބޭ މީހުންގެ ފައިނަލް ލިސްޓް އަންނަ ޖޫން މަހު ހާމަކުރާނެ ކަމަށް ރައީސް ސާލިހު ވިދާޅުވިއެވެ.
"ދެން އަދިވެސް އިތުރަށް އަޅުގަނޑުމެން ބަލާނަން ހަމަ އެންމެ ރަނގަޅަށް އެ ބޭނުންވާ ފަރާތަށް ގޯތި ދިނުމަށްޓަކައި ކުރެވެން ހުރި ކަންތައްތައް ކުރާނަން." ރައީސް ވިދާޅުވިއެވެ.
މި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އިކޮންމިކް މިނިސްޓަރު ފައްޔާޒު އިސްމާއިލް ވިދާޅުވީ މި ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން މިހާރު އަޅާ ޓަވަރުތަކުގެ ތެރެއިން 8 ޓަވަރަށް އަންނަ އޮގަސްޓް މަހު މީހުންނަށް ވަދެވޭނެ ކަމަށެވެ. އަދި މާލޭގެ ރައްޔިތުންނަށް ގޯތި ދިނުމުގެ ކަންކަން ރާވައި ހިންގުމަށް ކޮމެޓީ އެއް އެކުލަވާލައިފައިވާ ކަަމަށާއި ގޯތި ދިނުމުގެ ކަންކަމާއި އެކަމުގައި ބަލާނެ ކަންކަން ނިންމާނީ އެ ކޮމެޓީގެ ބެލުމުގެ ދަށުން ކަމަށް ފައްޔާޒު ވިދާޅުވިއެވެ.
މި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އިކޮންމިކް މިނިސްޓަރު ފައްޔާޒު އިސްމާއިލް ވިދާޅުވީ މި ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން މިހާރު އަޅާ ޓަވަރުތަކުގެ ތެރެއިން 8 ޓަވަރަށް އަންނަ އޮގަސްޓް މަހު މީހުންނަށް ވަދެވޭނެ ކަމަށެވެ. އަދި މާލޭގެ ރައްޔިތުންނަށް ގޯތި ދިނުމުގެ ކަންކަން ރާވައި ހިންގުމަށް ކޮމެޓީ އެއް އެކުލަވާލައިފައިވާ ކަަމަށާއި ގޯތި ދިނުމުގެ ކަންކަމާއި އެކަމުގައި ބަލާނެ ކަންކަން ނިންމާނީ އެ ކޮމެޓީގެ ބެލުމުގެ ދަށުން ކަމަށް ފައްޔާޒު ވިދާޅުވިއެވެ.
ކިޔުންތެރިންގެ ހިޔާލު