ކްރިމިނަލް ކޯޓުގެ ކުރީގެ ގާޒީ އަހުމަދު ހައިލަމް ޖުމްހޫރީ ޕާޓީއަށް ސޮއިކުރައްވައިފިއެވެ.

ޖުމްހޫރީ ޕާޓީން ދަނީ ރިޔާސީ އިންތިހާބަށް މެމްބަރުން އިތުރުކުރުމުގެ މަސައްކަތް ވަރަށް ވަރުގަދައަށް ކުރަމުންނެވެ، އެގޮތުން އެކި ދާއިރާތަކުން ކަމުއޮށިގެންވާ ބޭފުޅުން ޕާޓީއަށް ސޮއިކުރަމުންދާތާ ދުވަސްތަކެއްވެއްޖެއެވެ.

ޖުމްހޫރީ ޕާޓީއާ އެންމެފަހުން ގުޅިވަޑައިގަތް ފާހަގަކޮށްލެވޭ ބޭފުޅަކީ ކްރިމިނަލް ކޯޓުގެ ކުރީގެ ގާޒީ އަހުމަދު ހައިލަމެވެ.

ހައިލަމް ޖުމްހޫރީ ޕާޓީއަށް ސޮއިކުރުމަށްފަހު އޭނާގެ ފޯމް ހަވާލުކޮށްފައިވަނީ ޖުމްހޫރީ ޕާޓީގެ ލީޑަރު ގާސިމް އިބްރާހީމާއެވެ.

Kureege Criminal Court ge Is Qaazee ⁦@AhmedHailam⁩ Jumhooree Party aai Gulhivadaigenfi! Marukhabaa Hailam #Hamajehumah#Qasim2023 pic.twitter.com/5jHPQnd8xr

— ᗰᝪᕼᗩᗰᗴᗞ ᗩᗞᕼᑌᕼᗩᗰ (@M_Adhuham) May 25, 2023

ޖުމްހޫރީ ޕާޓީގެ ރިޔާސީ ކެމްޕެއިން ފޯރިއާއެކު ކުރިއަށްދާއިރު ޕާޓީގެ ރިޔާސީ ޓިކެޓް އެޕާޓީގެ ރިޔާސީ ކެންޑިޑޭޓާ ހަވާލުކުރުން އަންނަ ޖޫން މަހުގެ 9 ގައި ބާއްވަން މިހާރު ވަނީ ނިންމާފައެވެ. އަދި ރަސްމީކޮށް ރިޔާސީ ކެމްޕޭން ފެށުން ވެސް އެރޭ އޮންނާނެ ކަމަށް މައުލޫމާތު ލިބިފައި ވެއެވެ.