ގދ. ތިނަދޫގައި ޕިކްނިކް އައިލެންޑެއް ތަރައްޤީކުރަން ސަަރުކާރުން ނިންމައި، އެ މަސައްކަތް ބަޔަކާއި ހަވާލުކޮށްފިއެވެ.

10000 ވަރަކަށް މީހުން އުޅޭ ތިނަދޫގައި ޕިކްނިކް އައިލެންޑެއް ތަރައްޤީކުރަން ސަރުކާރުން ހަވާލުކުރީ އެމްޓީސީސީއާއެވެ.

މި މަސައްކަތުގެ އެއްބަސްވުމުގައި ސޮއިކުރުމުގެ ރަސްމިއްޔާތު އޮޠީ މިއަދު ޕްލޭނިންގ މިނިސްޓްރީގައެވެެ. މި ރަސްމިއްޔާތުގައި ތިނަދޫ އުތުރު ދާއިރާގެ މަޖިލިސް މެމްބަރު އަބްދުލް މުޣުނީ އާއި ތިނަދޫ ދެކުނު ދާއިރާގެ މަޖިލިސް މެމްބަރު އަބްދުﷲ ސަނީފު ބައިވެރިވެވަޑައިގެންނެވިއެވެ.

ގދ. ތިނަދޫގައި ޕިކްނިކް އައިލެންޑެއް ހެދުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އާ ހަވާލުކޮށްފިއެވެ.
57،684،668.40 ރުފިޔާއަށް މި މަސައްކަތް ހަވާލުކޮށްފައިވަނީ 300 ދުވަހުގެ ތެރޭގައި ނިންމުމަށެވެ. pic.twitter.com/lwfM0xq382

— Min.of National Planning, Housing & Infrastructure (@MoNPHImv) June 1, 2023

ގދ. ތިނަދޫގައި ޕިކްނިކް އައިލެންޑެއް ހެދުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީއާ ހަވާލުކުރުމުގެ އެއްބަސްވުމުގައި އެމްޓީސީސީގެ ފަރާތުން ސޮއިކުރެއްވީ ސީއީއޯ އާދަމް އާޒިމްއެވެ. ޕްލޭނިންގ މިނިސްޓްރީގެ ފަރާތުން ސޮއިކުރެއްވީ ޑިރެކްޓަރ ޖެނެރަލް ޝާނާ ފާރޫގެވެ.

މި މަސައްކަތް ހަވާލުކޮށްފައިވަނީ 57،684،668 ރުފިޔާއަށް 300 ދުވަހުގެ ތެރޭގައި ނިންމުމަށެވެ.