އަމީނީމަގުގައި ޤަވާއިދާއި ހިލާފަށް ޕާކުކޮށްފައިވާ އުޅަނދުތައް ނަގާނެކަމަށް ފުލުހުން ބުނެފިއެވެ.

ފުލުހުން ބުނީ އަމީނީމަގުގައި ގަވާއިދާއި ހިލާފަށް އެއްގަމު އުޅަނދު ޕާކުކޮށްފައި ހުރުމުގެ ސަބަބުން ޓްރެފިކް ތޮއްޖެހި ހިނގާ ބިނގާވާ މީހުުންނަށާއި ދުއްވާ އުޅަނދުފަހަރަށް ދަތިވާކަން ވަނީ ފާހަގަކުރެވިފައިކަމަށެވެ.

އަމީނީމަގުގައި ގަވާއިދާ ހިލާފަށް އެއްގަމު އުޅަނދު ޕާކުކޮށްފައި ހުރުމުގެ ސަބަބުން ޓްރެފިކް ތޮއްޖެހި ހިނގާބިނގާވާ މީހުުންނަށާއި ދުއްވާ އުޅަނދުފަހަރަށް ދަތިވާކަން ވަނީ ފާހަގަ ކުރެވިފައި.

— Maldives Police (@PoliceMv) July 5, 2023

ފުލުހުން ބުނީ ޤަވާއިދާއި ހިލާފަށް ޕާކުކޮށްފައިވާ އުޅަނދުތައް ޖުލައި 6 ވަނަ ދުވަހުން ފެށިގެން 3 ދުވަހުގެ މުއްދަތަށް ބެލުމަށްފަހު، އުޅަނދުތައް ޓޯކުރުމުގެ މަސައްކަތް ކުރިއަށް ގެންދާނެކަމަށެވެ.

އަމީނީ މަގު ތާރު އަޅައިގެން ތަރައްޤީކޮށްފައި ހުޅުވިފަހުން، އެ މަގުގައި ގިނަ އަދަދެއްގެ ވެހިކަލް ދެ ފަރާތުގައި ޕާކުކޮށްފައި ހުންނަކަން ފާހަގަކުރެވެއެވެ. އެކަމުގެ ސަބަބުން ބައެއް ފަހަރު މަގުގެ ޓްރެފިކް ބާރުބޮޑުވެ، ވެހިކަލްތައް ތޮށްޖެހޭފަހަރު ކުރިމަތިވެއެވެ.