ފަނޑިޔާރުންގެ މަސައްކަތުގައި އިހުސާންތެރިވުމަށް ސަމާލުކަންދެއްވުމަށް އުއްތަމަ ފަނޑިޔާރު އަލްއުސްތާޛު އަޙްމަދު މުޢުތަޞިމް ޢަދުނާން އިލްތިމާސްކުރައްވައިފިއެވެ.
އުއްތަމަ ފަނޑިޔާރު މިކަމަށް އިލްތިމާސް ކުރެއްވީ ހއ. ބާރަށު މެޖިސްޓްރޭޓް ކޯޓުގެ އައު އިމާރާތް ހުޅުވައިދެއްވުމަށްފަހު ދެއްކެވި ވާހަކަފުޅުގައެވެ.
ހއ.ބާރަށު މެޖިސްޓްރޭޓް ކޯޓުގެ އާ އިމާރާތަކީ، 2021 ވަނަ އަހަރުގެ ޖުލައި މަހުގެ ތެރޭގައި ހއ.ބާރަށު ކައުންސިލާ ޙަވާލުކޮށްގެން ކުރި މަސައްކަތެކެވެ. މީގެކުރިން އެ ރަށުގައި ބޭނުންކުރަމުންދިޔަ ކޯޓު އިމާރާތަކީ ކޮޓަރިއެއްގެ ޖާގައިގެ ތަނެއްގައި ހިންގަމުންދިޔަ ކޯޓެއްކަމުން، ޝަރީޢަތްތައް ހިންގުމާއި، އިދާރީ މަސައްކަތްތަކާއި، ކޯޓުގެ އިދާރީ ހިންގުމާގުޅޭ މަސައްކަތް އޮތީ ވަރަށް ބޮޑަށް ދަތިވެފައެވެ.
ބާރަށުގައި އަލަށް އިމާރާތްކުރި ކޯޓު އިމާރާތް ހުޅުވައިދެއްވުމަށްފަހު ދެއްކެވި ވާހަކަފުޅުގައި އުއްތަމަ ފަނޑިޔާރު ވަނީ އަދުލްއިންސާފު ޤާއިމްކުރުމުގެ މަސައްކަތްތަކާއި، ފަނޑިޔާރުން ސަމާލުކަން ދޭންވީ ކަންކަމަށް އަލިއްއަޅުއްވާލައްވާފައެވެ.
އުއްތަމަ ފަނޑިޔާރު ވިދާޅުވީ ދުނިޔެއަަށް އަންނަމުންދާ ބަދަލުތަކާއެކު ހަލުވި ސްޕީޑެއްގައި ކަންކަން ތަރައްޤީވެ އަވަސްވަމުންދާއިރު ޢަދުލު އިންސާފު ޤާއިމްކުރުމުގެ މަސައްކަތްވެސް ތަރައްޤީކޮށް، ދުވެލި ހަލުވި ކުރަންޖެހޭކަމަށެވެ.
އުއްތަމަ ފަނޑިޔާރުގެ ވާހަކަފުޅުގައި ވަނީ ފަނޑިޔާރުންގެ މަސައްކަތުގެ ދަށުން އަދުލު އިންސާފު ފޯރުކޮށްދިނުމާއެކު، އިހުސާންތެރިވުމަށް ހާއްސަ ސަމާލުކަމެއް ދެއްވުމަށް ހުރިހާ ފަނޑިޔާރުންނަށް އިލްތިމާސްކުރައްވާފައެވެ.
މީގެއިތުރުން ޤާނޫނު އަސާސީން ހައްގުތައް ކަށަވަރުކޮށްދެވޭއިރު، ހައްގުތަކާއެކު މަސްއޫލިއްޔަތުތަކާއި ވާޖިބުތަކެއްވެސް ކޮންމެ މީހަކަށް އޮންނަކަން ހަނދާންކުރަންޖެހޭ ކަމަށްވެސް އުއްތަމަ ފަނޑިޔާރު ވިދާޅުވެފައެވެ.
ހއ.ބާރަށު މެޖިސްޓްރޭޓް ކޯޓުގެ އައު އިމާރާތް ފަރުމާކުރެވިފައިވަނީ، މިހާރުގެ ޤާނޫނުތަކުން ތަސައްވަރު ކުރާ ފަދަ ގޮތަކަށް ޝަރީޢަތްތައް ހިންގުމަށް ބޭނުންވާނެ ޖާގައާއި ވަސީލަތްތައް ހިމެނޭ ގޮތަށެވެ. އެގޮތުން ޝަރީޢަތްކުރާނެ ވަކި 2 މާލަމަކާއި، މެޖިސްޓްރޭޓުންނާއި މުވައްޒަފުން މަސައްކަތްކުރުމަށް ވަކިން ޚާއްޞަކުރެވިފައިވާ ބައިތަކުގެ އިތުރުން ސްޓޭންޑަރޑް ކޯޓެއްގައި ފުރިހަމަވާންޖެހޭ ގިނަ ކަންކަން ހިމެނޭގޮތަށެވެ. އޭގެ ތެރޭގައި ކޯޓަށް ހާޒިރުވާ ވަކީލުން މަޑުކުރުމަށް ހާއްސަ ރޫމަކާއި، ޕޮލިސް ޕޯސްޓަކާއެކު ކުށުގެ ތުހުމަތުގައި ހާޟިރުކުރެވޭ ފަރާތްތައް ވަކިން ބައިތިއްބާނެ ތަނަކާއި، ކޮންފަރެންސް ރޫމް އަދި ޝަރުޢީ ލިޔެކިޔުންތައް އަރުޝީފް ކުރާނެ ޖާގައިގެ އިތުރުން ޢާންމުންނަށް ޚިދުމަތް ފޯރުކޮށް ދިނުމަށް ފަސޭހަވާނެހެން ރިސެޕްޝަން އޭރިއާއަކާއި ވެއިޓިންގ އޭރިއެއް މިކޯޓުގައި ހިމެނޭ ހިމެނެއެވެ.
ދިވެހިރާއްޖޭގެ އުއްތަމަ ފަނޑިޔާރު ހއ. އަތޮޅަށް ކުރައްވާ މި ދަތުރުފުޅުގައި ވަނީ ހއ.މުރައިދޫ މެޖިސްޓްރޭޓް ކޯޓު، ހއ.ވަށަފަރު މެޖިސްޓްރޭޓް ކޯޓު އަދި ހއ.ބާރަށު މެޖިސްޓްރޭޓް ކޯޓުގެ މެޖިސްޓްރޭޓުންނާއި މުވައްޒަފުންނާ ބައްދަލުކުރައްވާފައިވެއެވެ. އަދި ދަތުރުފުޅުގައި ހއ.އިހަވަންދޫ، ހއ.ހޯރަފުށި އަދި ހއ.ދިއްދޫ މެޖިސްޓްރޭޓް ކޯޓުގެ މެޖިސްޓްރޭޓުންނާއި މުވައްޒަފުންނާ ބައްދަލުކުރެއްވުމަށްވެސް ވަނީ ހަމަޖެހިފައެވެ.
ހއ.ބާރަށު މެޖިސްޓްރޭޓް ކޯޓުގެ އާ އިމާރާތަކީ، 2021 ވަނަ އަހަރުގެ ޖުލައި މަހުގެ ތެރޭގައި ހއ.ބާރަށު ކައުންސިލާ ޙަވާލުކޮށްގެން ކުރި މަސައްކަތެކެވެ. މީގެކުރިން އެ ރަށުގައި ބޭނުންކުރަމުންދިޔަ ކޯޓު އިމާރާތަކީ ކޮޓަރިއެއްގެ ޖާގައިގެ ތަނެއްގައި ހިންގަމުންދިޔަ ކޯޓެއްކަމުން، ޝަރީޢަތްތައް ހިންގުމާއި، އިދާރީ މަސައްކަތްތަކާއި، ކޯޓުގެ އިދާރީ ހިންގުމާގުޅޭ މަސައްކަތް އޮތީ ވަރަށް ބޮޑަށް ދަތިވެފައެވެ.
ބާރަށުގައި އަލަށް އިމާރާތްކުރި ކޯޓު އިމާރާތް ހުޅުވައިދެއްވުމަށްފަހު ދެއްކެވި ވާހަކަފުޅުގައި އުއްތަމަ ފަނޑިޔާރު ވަނީ އަދުލްއިންސާފު ޤާއިމްކުރުމުގެ މަސައްކަތްތަކާއި، ފަނޑިޔާރުން ސަމާލުކަން ދޭންވީ ކަންކަމަށް އަލިއްއަޅުއްވާލައްވާފައެވެ.
އުއްތަމަ ފަނޑިޔާރުގެ ވާހަކަފުޅުގައި ވަނީ ފަނޑިޔާރުންގެ މަސައްކަތުގެ ދަށުން އަދުލު އިންސާފު ފޯރުކޮށްދިނުމާއެކު، އިހުސާންތެރިވުމަށް ހާއްސަ ސަމާލުކަމެއް ދެއްވުމަށް ހުރިހާ ފަނޑިޔާރުންނަށް އިލްތިމާސްކުރައްވާފައެވެ.
މީގެއިތުރުން ޤާނޫނު އަސާސީން ހައްގުތައް ކަށަވަރުކޮށްދެވޭއިރު، ހައްގުތަކާއެކު މަސްއޫލިއްޔަތުތަކާއި ވާޖިބުތަކެއްވެސް ކޮންމެ މީހަކަށް އޮންނަކަން ހަނދާންކުރަންޖެހޭ ކަމަށްވެސް އުއްތަމަ ފަނޑިޔާރު ވިދާޅުވެފައެވެ.
Chief Justice Ahmed Muthasim Adnan is currently on an official visit to Ha. Judicial Sector.
— Supreme Court of the Maldives (@SCMaldives) July 7, 2023
As part of this trip, Chief Justice Ahmed Muthasim Adnan visited the Ha. Muraidhoo and Vashafaru Magistrate Courts and met with the Chief Magistrate and staff.
(1/2) pic.twitter.com/zEJnlYopeI
ހއ.ބާރަށު މެޖިސްޓްރޭޓް ކޯޓުގެ އައު އިމާރާތް ފަރުމާކުރެވިފައިވަނީ، މިހާރުގެ ޤާނޫނުތަކުން ތަސައްވަރު ކުރާ ފަދަ ގޮތަކަށް ޝަރީޢަތްތައް ހިންގުމަށް ބޭނުންވާނެ ޖާގައާއި ވަސީލަތްތައް ހިމެނޭ ގޮތަށެވެ. އެގޮތުން ޝަރީޢަތްކުރާނެ ވަކި 2 މާލަމަކާއި، މެޖިސްޓްރޭޓުންނާއި މުވައްޒަފުން މަސައްކަތްކުރުމަށް ވަކިން ޚާއްޞަކުރެވިފައިވާ ބައިތަކުގެ އިތުރުން ސްޓޭންޑަރޑް ކޯޓެއްގައި ފުރިހަމަވާންޖެހޭ ގިނަ ކަންކަން ހިމެނޭގޮތަށެވެ. އޭގެ ތެރޭގައި ކޯޓަށް ހާޒިރުވާ ވަކީލުން މަޑުކުރުމަށް ހާއްސަ ރޫމަކާއި، ޕޮލިސް ޕޯސްޓަކާއެކު ކުށުގެ ތުހުމަތުގައި ހާޟިރުކުރެވޭ ފަރާތްތައް ވަކިން ބައިތިއްބާނެ ތަނަކާއި، ކޮންފަރެންސް ރޫމް އަދި ޝަރުޢީ ލިޔެކިޔުންތައް އަރުޝީފް ކުރާނެ ޖާގައިގެ އިތުރުން ޢާންމުންނަށް ޚިދުމަތް ފޯރުކޮށް ދިނުމަށް ފަސޭހަވާނެހެން ރިސެޕްޝަން އޭރިއާއަކާއި ވެއިޓިންގ އޭރިއެއް މިކޯޓުގައި ހިމެނޭ ހިމެނެއެވެ.
ދިވެހިރާއްޖޭގެ އުއްތަމަ ފަނޑިޔާރު ހއ. އަތޮޅަށް ކުރައްވާ މި ދަތުރުފުޅުގައި ވަނީ ހއ.މުރައިދޫ މެޖިސްޓްރޭޓް ކޯޓު، ހއ.ވަށަފަރު މެޖިސްޓްރޭޓް ކޯޓު އަދި ހއ.ބާރަށު މެޖިސްޓްރޭޓް ކޯޓުގެ މެޖިސްޓްރޭޓުންނާއި މުވައްޒަފުންނާ ބައްދަލުކުރައްވާފައިވެއެވެ. އަދި ދަތުރުފުޅުގައި ހއ.އިހަވަންދޫ، ހއ.ހޯރަފުށި އަދި ހއ.ދިއްދޫ މެޖިސްޓްރޭޓް ކޯޓުގެ މެޖިސްޓްރޭޓުންނާއި މުވައްޒަފުންނާ ބައްދަލުކުރެއްވުމަށްވެސް ވަނީ ހަމަޖެހިފައެވެ.
ކިޔުންތެރިންގެ ހިޔާލު