މޯލްޑިވްސް އިންޓަރގްރޭޓަޑް ޓުއަރިޒަމް ޑިވެލޮޕްމަންޓް ކޯޕަރޭޝަން، އެމްއައިޓީޑީސީގެ މެނޭޖިންގ ޑިރެކްޓަރ މުހައްމަދު ރާއީދު، ވެރިކަންކުރާ އެމްޑީޕީއަށް ސޮއިކޮށްފިއެވެ.

ރާއިދަކީ ކުރީގެ ރައީސް މައުމޫން އުފެއްދި އެމްއާރުއެމްގެ ކައުންސިލް މެމްބަރެކެވެ. އަދި އެމްއައިޓީޑީސީގެ މެނޭޖިންގ ޑިރެކްޓަރުކަމުގެ މަޤާމަށް ރާއީދު އައްޔަންކޮށްފައި ވަނީ މި ވެރިކަމުގައެވެ.

ރާއިދު އެމްޑީޕީއަށް ސޮއިކުރުމަށްފަހު އޭނާގެ މެމްބަރޝިޕް ފޯމާއި މިއަދު ހަވާލުވެވަޑައިގަތީ އެމްޑީޕީގެ ރިޔާސީ ކެނޑިޑޭޓް އަދި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހުއެވެ.

MRM Council Member MD Mohamed Raid, GDh.Thinadhoo PPM Councillor Zaleef Abdulla, L.Kunahandhoo Council Raees Ismail Shakeeb adhi R.Rasgetheemu WDC Member Haula Abdul Ghanee MDP ah soi kuravvaifi. #IbuAslam2023 #VoteMDP #UfaaveriAmaanRaaje pic.twitter.com/FTJEjVOm8s

— MDP Secretariat (@MDPSecretariat) August 11, 2023

މި ރަސްމިއްޔާތުގައި ރާއިދުގެ އިތުރުން ޕީޕީއެމްގެ މެމްބަރެއްގެ ގޮތުގައި ގދ. ތިނަދޫ ކައުންސިލަށް އިންތިހާބުވި ހަސަން ޒާލިފްވެސް ވަނީ އެމްޑީޕީއަށް ސޮއިކޮށްފައެވެ.

ޒާލިފްގެ އިތުރުން ލ. ކުނަހަންދޫ ކައުންސިލްގެ ރައީސް އިސްމާއިލް ޝަކީބާއި ރ.ރަސްގެތީމު އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެމްބަރު ހައުލާ އަބްދުލްޤަނީވެސް ވަނީ މިއަދު އެމްޑީޕީއަށް ސޮއިކޮށްފައެވެ. އެ ބޭފުޅުންގެ ފޯމާއިވެސް ހަވާލުވެވަޑައިގެންނެވީ ރައީސް ސާލިހެވެ.

އެމްޑީޕީއަށް އަލަށް ގުޅުނު މެމްބަރުންގެ ފޯމްތައް ހަވާލުކުރުމަށް ބޭއްވި ރަސްމިއްޔާތުގައި އެމްޑީޕީގެ ޗެއަރޕާސަން ފައްޔާޒު އިސްމާއިލްވެސް ބައިވެރިވެވަޑައިގެންނެވިއެވެ.