އިންޑިއާއިން ހަނދަށް ދިއުމަކީ ރާއްޖެވެސް ފަހުރުވެރިވާކަމެއްކަމަށް ރައީސުލްޖުމްހުރިއްޔާ އިބްރާހީމް މުހައްމަދު ޞާލިހު ވިދާޅުވެއްޖެއެވެ.

ރައީސް ސާލިހު މިހެން ވިދާޅުވީ އިންޑިއާއިން ހަނދަށް ދިއުން ފާހަގަކޮށް، އެކަމަށް ތަހުނިޔާ ވިދާޅުވެ، ކުރެއްވި ޓްވީޓެއްގައެވެ.

ރައީސް ސާލިހުގެ ޓްވީޓްގައި ވިދާޅުވީ އިންޑިއާއިން ހަނދަށް ދިއުމަކީ އެކަމުގެ ސަބަބުން އިންސާނީ ކުރިއެރުމާއި ސައިންޓިފިކް ދާއިރާއިން ބޮޑެތި ކުރިއެރުންތަކެއް ލިބިގެންދާނެ ކަމެއްކަމަށެވެ. އަދި އެ ކާމިޔާބީއަށް އިންޑިއާގެ ބޮޑުވަޒީރަށް ރައީސް ޞޯލިހު ވަނީ މަރުހަބާ ދަންނަވާފައެވެ.

Congratulations to PM @narendramodi, @isro and the people of India for the successful lunar landing of #Chandrayaan3. As a fellow South Asian nation, we are proud of this historic feat- an achievement that will advance the cause of scientific and human progress.

— Ibrahim Mohamed Solih (@ibusolih) August 23, 2023

އިންޑިއާއިން ހަނދަށް ފޮނުވި ޗަންދްރަޔާން-3 މީގެ ކުރިން ދިރާސާތައް ކޮށްފައިނުވާ، ހަނދުގެ ދެކުނު ތަނޑިއަށް ޖައްވީ އުޅަނދު ތިރިކުރީ ރާއްޖޭ ގަޑިން ހަވީރު 5:34 ގައެވެ.

މިއާއެކު އިންޑިއާއަށް ވަނީ ރަޝިޔާ، އެމެރިކާ އަދި ޗައިނާއަށް ފަހު ހަނދަށް އުޅަނދެއް ފޮނުވި ގައުމުގެ ޝަރަފް ލިބިފައެވެ.