އެމްއާރުއެމްގެ ކުރީގެ ކައުންސިލް މެމްބަރު މުހައްމަދު ފައިސަލް އެމްޑީޕީއަށް ސޮއިކޮށްފިއެވެ.

މުހައްމަދު ފައިސަލްއަކީ އަބޫދާބީގައި ހުންނަ ރާއްޖޭގެ ޑެޕިއުޓީ އެމްބެސެޑަރެވެ.

އެމްޑީޕީން ބުނީ މުހައްމަދު ފައިސަލް މިރޭ އެމްޑީޕީއަށް ސޮއިކޮށްފައިވާކަމަށެވެ. އަދި އެނާއެކު 74 މެމްބަރަކުވެސް އެމްޑީޕީއަށް ސޮއިކޮށްފައިވާކަމަށް އެމްޑީޕީން ބުނެއެވެ.

MRM ge kureege Council member @faixal ithuru 74 meehunaa eku MDP ah soi kuravvaifi.#IbuAslam2023#VoteMDP#UfaaverAmaanRaajje pic.twitter.com/bSfP0lhKmc

— MDP Secretariat (@MDPSecretariat) August 26, 2023

ފައިސަލް އެމްޑީޕީއަށް ސޮއިކުރުމަށްފަހު، އޭނާގެ ފޯމާއި ހަވާލުވެވަޑައިގަތީ އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސާލިހުއެވެ.

MRM ge kureege Zuvaanunge Councilge Raees @IbrahimFarherd adhi MRM Sulooky committee member @meedhooni6 MDP ah soi kuravvaifi. #IbuAslam2023 #VoteMDP #UfaaveriAmaanRaajje pic.twitter.com/5wdsyESioS

— MDP Secretariat (@MDPSecretariat) August 26, 2023

ފައިސަލްގެ އިތުރުން އެމްއާރުއެމްގެ ކުރީގެ ޒުވާނުންގެ ކައުންސިލްގެ ރައީސް އިބްރާހިމް ފަރުހާދު އާއި އެމްއާރުއެމްގެ ސުލޫކީ ކޮމިޓީގެ މެމްބަރެއްވެސް ވަނީ މިރޭ އެމްޑީޕީއަށް ސޮއިކޮށްފައެވެ.

ރިޔާސީ އިންތިހާބާއި ދިމާކޮށް ބައެއް ޕާޓީތަކުގައި އިސްކޮށް އުޅުނު ބައެއް މެމްބަރުން ދަނީ އެމްޑީޕީއަށް ސޮއިކުރަމުންނެވެ. އެގޮތުން ޖުމްހޫރީ ޕާޓީއާއި، އެމްއާރުއެމްއާއި ޕީޕީއެމްގެ ބައެއް މެމްބަރުން ވަނީ އެމްޑީޕީއާ ގުޅިފައެވެ.