ބިންވެރިޔާ ސްކީމުގެ ފުރަތަމަ ބުރުން ޝަރުތު ހަމަވެ ގޯތި ނުލިބުނު މީހުންނަށް ދެވަނަ ބުރުން ގޯތި ދޭން ނިންމައިފައިވަނީ އުތުރުތިޅަފުޅުން ކަމަށް ޕްލޭނިންގ މިނިސްޓްރީން ބުނެފިއެވެ.
ޕްލޭނިން މިނިސްޓްރީން ބުނީ ބިންވެރިޔާ ސްކީމުގެ ދަށުން މާލެ ސަރަހައްދުން ގޯއްޗަށް އެދި ހުށަހަޅާފައިވާ މީހުންގެ ދާއިމީ ލިސްޓް އިޢުލާން ކުރިއިރު އެ ލިސްޓްގައި ބަޔާންކުރެވިފައިވާ "ދެވަނަބުރުގެ ލިސްޓްގައި ހިމެނޭ" ސްޓޭޓަސްގައި ހިމެނޭ މީހުންނަށް ގިރާވަރު އުތުރުފަޅުން (އުތުރު ތިލަފަޅު) ހިއްކާ ބިމުން ގޯތިދޫކުރުމަށް ހަމަޖެހިފައިވާ ކަމަށެވެ.
އެގޮތުން މާލޭގެ ރައްޔިތުންނަށް ޚާއްސަކޮށް ގޯތި ލިބޭކަމަށް އެކުލަވާލި ދާއިމީ ލިސްޓުގައި، އަންނަ ބުރެއްގައި ގޯތި ދޭން ކަނޑައެޅި 684 މީހުނަށް އުތުރު ތިލަފަޅުން ދޫކުރާ ބިމުން ގޯތި ލިބޭނެކަމަށް އެ މިނިސްޓްރީން ބުނެއެވެ.
ޕްލޭނިން މިނިސްޓްރީން ކުރި އިއުލާނެއްގައި ބުނެފައިވަނީ ބިންވެރިޔާ ސްކީމުގެ ދާއިމީ ލިސްޓްގައި "ދެވަނަބުރުގެ ލިސްޓްގައި ހިމެނޭ" އެއްވެސް މީހަކު ގޯތި ލިބުމަށް އެދި ބިންވެރިޔާ ސްކީމުގެ ދެވަނަ ފިޔަވަހި" އަށް ފޯމު ހުށަހަޅަން ނުޖެހޭނެ ކަމަށެވެ. ނަމަވެސް "ދެވަނަބުރުގެ ލިސްޓްގައި ހިމެނޭ" ފަރާތަކުން މިހާރު ހުޅުވާލާފައިވާ "ބިންވެރިޔާސްކީމުގެ ދެވަނަ ފިޔަވަހި" އަށް އެހެން ފަރާތަކާއެކު ޖޮއިންޓް އެޕްލިކޭޝަނެއްގައި ބައިވެރިވާން ބޭނުންވާނަމަ ބިންވެރިޔާ ސްކީމަށް ކުރިން ހުށަހަޅާފައިވާ ފޯމު ބާތިލް ކުރުމަށް އެދި ހުށަހެޅުމުން ފަހުން ހުޅުވާލި ބިންވެރިޔާ ސްކީމުގެ ދެވަނަ ފިޔަވަހީގައި ބައިވެރިވުމުގެ ފުރުސަތު ދޭނެ ކަމަށް އެ މިނިސްޓްރީން ބުންޏެެވެ.
ބިންވެރިޔާ ސްކީމުގެ ދެވަނަ ފިޔަވަހިން ގޯތި ދޫކުރުމަށް ނިންމާފައިވަނީ މާލޭގައި ދިރިއުޅޭތާ 20 އަހަރަށްވުރެ ގިނަ ދުވަސްވެފައިވާ މީހުންނަށެވެ. މި ގޯތިތައް ދޫކުރުމަށް ނިންމާފައިވާ އުތުރު ތިލަފަޅުން 215 ހެކްޓަރުގެ ބިން ހިއްކުމަށް ނިންމާފައިވާ ކަމަަށް ސަރުކާރުން ބުނެއެވެ.
ސަރުކާރުގެ ބިންވެރިޔާ ސްކީމުގެ ފުރަތަމަ ބުރުގައި ގޯތި ލިބޭ މީހުންގެ ދާއިމީ ލިސްޓުގައި ގޯއްޗަށް ޝަރުތު ހަމަވާ 18،955 މީހުން އެބަތިއްބެެވެ. ޕްލޭނިން މިނިސްޓްރީން ބުނީ ގޯތިި ލިބުނު މީހުންގެ ތެރެއިން މި 684 މީހުންނަކީ ކައިވެނިނުކުރާ، އަދި ދަރިންވެސް ނެތް އުމުރުން 18 އަހަރާ 25 އަހަރާ ދެމެދުގެ މީހުން ކަމަށެވެ. އަދި ކަނޑައަޅާފައިވާ ގޮތުގެމަތިން، އަލަށް ގޯތި ދިނުމަށް ނިންމާފައިވާ އުތުރު ތިލަފަޅުން ގޯތި ދިނުމަށް ހިއްކާ ބިމުން މި މީހުންނަށް ގޯތި ދޭނެކަމަށް އެ މިނިސްޓްރީން ވަނީ ބުނެފައެވެ.
އެގޮތުން މާލޭގެ ރައްޔިތުންނަށް ޚާއްސަކޮށް ގޯތި ލިބޭކަމަށް އެކުލަވާލި ދާއިމީ ލިސްޓުގައި، އަންނަ ބުރެއްގައި ގޯތި ދޭން ކަނޑައެޅި 684 މީހުނަށް އުތުރު ތިލަފަޅުން ދޫކުރާ ބިމުން ގޯތި ލިބޭނެކަމަށް އެ މިނިސްޓްރީން ބުނެއެވެ.
ޕްލޭނިން މިނިސްޓްރީން ކުރި އިއުލާނެއްގައި ބުނެފައިވަނީ ބިންވެރިޔާ ސްކީމުގެ ދާއިމީ ލިސްޓްގައި "ދެވަނަބުރުގެ ލިސްޓްގައި ހިމެނޭ" އެއްވެސް މީހަކު ގޯތި ލިބުމަށް އެދި ބިންވެރިޔާ ސްކީމުގެ ދެވަނަ ފިޔަވަހި" އަށް ފޯމު ހުށަހަޅަން ނުޖެހޭނެ ކަމަށެވެ. ނަމަވެސް "ދެވަނަބުރުގެ ލިސްޓްގައި ހިމެނޭ" ފަރާތަކުން މިހާރު ހުޅުވާލާފައިވާ "ބިންވެރިޔާސްކީމުގެ ދެވަނަ ފިޔަވަހި" އަށް އެހެން ފަރާތަކާއެކު ޖޮއިންޓް އެޕްލިކޭޝަނެއްގައި ބައިވެރިވާން ބޭނުންވާނަމަ ބިންވެރިޔާ ސްކީމަށް ކުރިން ހުށަހަޅާފައިވާ ފޯމު ބާތިލް ކުރުމަށް އެދި ހުށަހެޅުމުން ފަހުން ހުޅުވާލި ބިންވެރިޔާ ސްކީމުގެ ދެވަނަ ފިޔަވަހީގައި ބައިވެރިވުމުގެ ފުރުސަތު ދޭނެ ކަމަށް އެ މިނިސްޓްރީން ބުންޏެެވެ.
ސަރުކާރުގެ ބިންވެރިޔާ ސްކީމުގެ ފުރަތަމަ ބުރުގައި ގޯތި ލިބޭ މީހުންގެ ދާއިމީ ލިސްޓުގައި ގޯއްޗަށް ޝަރުތު ހަމަވާ 18،955 މީހުން އެބަތިއްބެެވެ. ޕްލޭނިން މިނިސްޓްރީން ބުނީ ގޯތިި ލިބުނު މީހުންގެ ތެރެއިން މި 684 މީހުންނަކީ ކައިވެނިނުކުރާ، އަދި ދަރިންވެސް ނެތް އުމުރުން 18 އަހަރާ 25 އަހަރާ ދެމެދުގެ މީހުން ކަމަށެވެ. އަދި ކަނޑައަޅާފައިވާ ގޮތުގެމަތިން، އަލަށް ގޯތި ދިނުމަށް ނިންމާފައިވާ އުތުރު ތިލަފަޅުން ގޯތި ދިނުމަށް ހިއްކާ ބިމުން މި މީހުންނަށް ގޯތި ދޭނެކަމަށް އެ މިނިސްޓްރީން ވަނީ ބުނެފައެވެ.
ކިޔުންތެރިންގެ ހިޔާލު