ރާއްޖޭގެ ރައީސްކަމުގެ މަޤާމުގައި، ޤައުމަށް ހިދުމަތްކުރެއްވުމުގައި އިންތިހާބީ ރައީސް، ޑރ. މުހައްމަދު މުއިއްޒުއަށް ކާމިޔާބަށް އެދިވަޑައިގަންނަވާކަމަށް ކުރީގެ ރައީސް، މައުމޫން އަބްދުލްޤައްޔޫމް ވިދާޅުވެއްޖެއެވެ.

ކުރީގެ ރައީސް މައުމޫން މިހެން ވިދާޅުވީ އިންތިހާބީ ރައީސް ޑރ. މުއިއްޒު އަލްޖަޒީރާއަށް ދެއްވި އިންޓަރވިއުއާ ގުޅިގެން ކުރެއްވި ޓްވީޓެއްގައެވެ.

ރައީސް މައުމޫން ވިދާޅުވީ މުއިއްޒު އަލްޖަޒީރާއަށް ދެއްވި އިންޓަރވިއު ބެއްލެވިކަމަށާއި، އަދި އިންޓަރވިއުގައި މުއިއްޒު ދެއްކެވި ވާހަކަފުޅުތައް ވަރަށް ފުރިހަމަކަމަށެވެ.

ރައީސް މައުމޫންގެ ޓްވީޓްގައި ވަނީ ރާއްޖޭގެ ރައީސްގެ ހައިސިއްޔަތުން ޤައުމަށް ހިދުމަތްކުރެއްވުމުގައި މުއިއްޒު ކުރައްވާނެ މަސައްކަތަށް ކާމިޔާބަށް އެދޭނެކަމަށެވެ.

Congratulations Excellency @MMuizzu I watched the interview you gave to Al Jazeera English. It was quite impressive. I wish YE every success in serving our nation as our next President.
أعانك الله وسدد خطاك يا فخامة الرئيس المنتخب

— Maumoon Abdul Gayoom (@maumoonagayoom) October 15, 2023

ޑރ. މުއިއްޒު ވަނީ ރައީސް މައޫމުންގެ ޓްވީޓާއި ގުޅިގެން ޝުކުރު އަދާކުރައްވާފައެވެ.

Thank you very much, Excellency.

— Dr Mohamed Muizzu (@MMuizzu) October 15, 2023

ފާހަގަކޮށްލެވޭ ގޮތުގައި މިއީ ޑރ. މުއިއްޒު ރައީސްކަމުގެ މަޤާމަށް އިންތިހާބުވެވަޑައިގެންނެވިފަހުން އެމަނިކުފާނަށް ވަކިން އިޝާރާތްކުރައްވައި، ކާމިޔާބަށް އެދި ކުރެއްވި ފުރަތަމަ ޓްވީޓެވެ.

ރައީސް މައުމޫނަކީ މުއިއްޒު ނިސްބަތްވާ ޕްރޮގްރެސިވް ކޯލިޝަންގައި ހިމެނޭ ޕީޕީއެމްގެ ބާނީއެވެ. އެމަނިކުފާނު ޕީޕީއެމް ދޫކޮށް ވަޑައިގެންނެވީ ރައީސް ޔާމީނާއި ދެމެދު އުފެދުނު ހިޔާލު ތަފާތުންތަކެއްގައެވެ.