އިންޓަނޭޝަނަލް އެއިޑް ކެމްޕެއިން (އައިއޭސީ)ގެ ގުދަނަކަށް ސީދާ އަމާޒުކޮށް އިޒްރޭލުން ހަމަލާދީފިއެވެ.

މިހަމަލާގައި ގުދަން އެއްކޮށް ހަލާކުވެފައިވާ ކަމަށް އައިއޭސީއިން ބުނެފައި ވެއެވެ.

މި ހަމަލާގައި 2000 ރަޖާއާއި ވަގުތުން ކެވޭގޮތަށް ތައްޔާރު ކުރެވިފައިވާ 1000 ޕެކް އަދި 3000 އަންނައުނު ޕެކް ހަލާކުވެފައިވާ ކަމަށް އެ ޖަމިއްޔާއިން މަޢުލޫމާތުދީފައި ވެއެވެ.

ކުއްލި ޚަބަރު🚨🚨🚨

އައިއޭސީގެ ވެއަރ ހައުސް އަކަށް ސީދާ އަމާޒުކޮށް ޔަހޫދީން މިވަނީ ހަމަލާދީފަ.
މިހަމަލާގައި ވެއަރ ހައުސް ވަނީ އެއްކޮށް ހަލާކުވެފަ.

2000 ރަޖާ
1000 ވަގުތުން ކެވޭގޮތަށް ތައްޔާރު ކުރެވިފައިވާ ޕެކް
3000 އަންނައުނު ޕެކް

އަދި މީގެ އިތުރުން އަޅުގަނޑުމެންގެ މުވައްޒަފުން… pic.twitter.com/ULMKnJ1bQ5

— International Aid Campaign (@IACMaldives) October 16, 2023

މީގެ އިތުރުން، އެޖަމިއްޔާގެ މުވައްޒަފުން ދަތުރު ކުރަމުން ދިޔަ އެއްގަމު އުޅަނދަކަށްވެސް ހަމަލާދީފައިވާ ކަމަށް އައިއޭސީއިން ބުންޏެވެ.

މި ހަމަލާގައި އެއްވެސް މީހެއްގެ ފުރާނަޔަށް ގެއްލުން ވާވަރުގެ އަނިޔާއެއް ލިބިފައިނުވާ ކަމަށް އައިއޭސީއިން ބުނެފައި ވެއެވެ.