އައްޑޫ ސިޓީގައި ކްރޫޒް ޓަރމިނަލަކާއި ޔޮޓް މެރީނާއެއް ތަރައްގީކުރުމުގެ މަސައްކަތް ފަށަން ތައްޔާރުވެއްޖެއެވެ.

އައްޑޫ ސިޓީ ކައުންސިލުގައި މިއަދު ބޭއްވި ރަސްމިއްޔާތެއްގައި ކްރޫޒް ޓަރމިނަލާއި ޔޮޓް މެރީނާ ތަރައްގީކުރަން ބޭނުންވާ ބިން ވަނީ ހަވާލުކޮށްފައެވެ.

އައްޑޫ ސިޓީ ކައުންސިލުން އެ މަސައްކަތް ހަވާލުކޮށްފައި ވަނީ އިންޓަނޭޝަނަލް ޗެއިން މޯލްޑިވްސް ނަމަކަށް ކިޔާ ކުންފުންޏަކާއެވެ.

އައްޑޫ ސިޓީގައި ތަރައްގީކުރާ ކްރޫޒް ޓަރމިނަލަކާއި ޔޮޓް މެރީނާ ތަރައްގީކުރާނީ ފޭދޫގައެވެ.

Highlights from the agreement signing ceremony between Addu City Council and International Chain Maldives Pvt. Ltd to lease land for the development and operation of a Cruise Terminal and Yacht Marina in Addu City, Feydhoo. pic.twitter.com/01Ygr4EAXt

— Addu City Council (@AdduCityCouncil) October 26, 2023

އައްޑޫ ސިޓީ ކައުންސިލުން ބުނީ މި މަޝްރޫޢު ޙަވާލުކޮށްފައިވަނީ 2 އަހަރު ދުވަހުގެ ތެރޭގައި ނިންމާގޮތަށް ކަމަށެވެ. އަދި މިއީ 350 މިލިއަން ޑޮލަރުގެ މަޝްރޫޢުއެއްކަމަށްވެސް ކައުންސިލުން ބުނެއެވެ.