ފަަލަސްތީނުގެ މައްސަލައިގައި އެމެރިކާއާއި، އިނގިރޭސިވިލާތް އަދި އިންޑިއާގެ އެމްބަސީ ކުރިމަތީގައި އިހުތިޖާޖު ކުރުމަށް އެމްޑީޕީގެ ކުރީގެ ރައީސް އިބްރާހީމް އިސްމާއީލް (އިބްރާ) ޚިޔާލެއް ޘެއްވައިފިއެވެ.

އިބްރާ ވަނީ އިޒްރޭލުން ފަލަސްތީނުގެ ކުށެއް ނެތް ޢާންމުންނާއި ދޭތެރޭ ބޮޑު ލާއިންސާނީ ޖަރީމާއެއް ހިންގަމުންދާއިރު އެކަމަށް އެމެރިކާއާއި އިނގިރޭސިވިލާތުން ވާގިދޭއިރު މުޅި ދެކުނު އޭޝިއާ ތެރެއިން އެކަމާއި ދެކޮޅަށް ބަސް ނުބުނާ އިންޑިއާއި މެދު ދިވެހިން ހިތްހަމަނުޖެހުން އޮތް މިންވަރު ހާމަކުރަން ގޮވާލައްވާފައެވެ. އެގޮތުން އެޤައުމުތަކުގެ ސަފީރުންގެ އޮފީސްތައް ކުރިމައްޗަށް ފަލަސްތީނުގެ ދިދަ ހިފައިގެން އެއްވުމަށް އޭނާ ޚިޔާލު ދެއްވާފައިވެއެވެ. އަދި އެކަމުގައި އޭނާއާއި އެއްކޮށް ބައިވެރިވާނެ ބަޔަކު ތިބިތޯ ސުވާލު ކުރައްވާފައި ވެސް ވެއެވެ.

ފަލަޞްޠީނުގައި އިޒްރޭލުން ހިންގަމުންދާ ޤަތުލު ޢާންމާ އިންކާރުކޮށް އިޙްތިޖާޖް ކުރުމަކީ ދީނީ، ޤައުމީ އަދި އިންސާނީ ވާޖިބެކެވެ.

މި ބޕޑުވެގެންވާ ޖަރީމާ ހިންގުމުގައި އިޒްރޭލަށް ވާގިދޭ އެމެރިކާ އާއި، އިނގިރޭސިވިލާތާއި، މުލި ދެކުނު އޭޝިއާއިން އެކަމާ ދެކޮޅަށް ބަހެއް ނުބުނި

— Maverick Ibra (@ibramandhu) November 3, 2023

އިންޑިއާ އާމެދު މިކަމުގައި ދިވެހީންގެ ހިތްހަމަ ނުޖެހުން އޮތް މިނަވަރު ހާމަކުރަން، ފަލަޞްތީނުގެ ދިދަ ހިފައިގެން، އެ ތިން ޤައުމުގެ ސަފީރުންގެ އޮފީސްތައް ދޮށަށް ދާންވެއްޖެއެވެ.

ބައިވެރިވާނެ މީހަކު އެބަހުރިހެއްޔެވެ?

— Maverick Ibra (@ibramandhu) November 3, 2023

7 އޮކްޓޫބަރުން ފެށިގެން އިޒްރޭލުން ފަލަސްތީނުގެ ޣައްޒާއަށް ދެމުން ގެންދާ ހަމަލާ ތަކުގައި ޝަހީދުވީ މީހުންގެ އަދަދު ވަނީ 10 ހާހަށް އަރާފައެވެ.