ރައީސް ސާލިހުގެ އެންމެފަހު ކެބިނެޓް ބައްދަލުވުން މިއަދު ބާއްވައިފިއެވެ.

ރައީސުލްޖުމްހޫރިއްޔާ އޮފީހުގައި ބޭއްވެވި މި ކެބިނެޓް ބައްދަލުވުމުގައި މާބޮޑު ނިންމުންތަކެއް ނިންމާފައި ނުވިނަމަވެސް، އދގެ ދެ މުއާހަދާއެއްގައި ބައިވެރިވުމަށް ވަނީ ނިންމާފައެވެ.

ރައީސް ސާލިހުގެ ރިޔާސީ ދައުރު ހަމަވާނީ އަންނަ ހުކުރުދުވަހުއެވެ. އެ ދުވަހު އިންތިހާބީ ރައީސް ޑރ. މުހައްމަދު މުއިއްްޒު މަގާމުގެ ހުވާކުރައްވާނެއެވެ.

ރައީސް ސާލިހު ރައީސުލްޖުމްހުރިއްޔާގެ މަގާމުގެ ދައުރު ފުރިހަމަކުރުމަށްފަހު ދެން އުޅުއްވާނީ ނޫސްވެރިކަމުގައިކަމަށް މީގެކުރިން ވަނީ ވިދާޅުވެފައެވެ.