އައްޑޫ ސިޓީއަށް މެދުނުކެނޑި ފެން ލިބޭނެ ގޮތް ފެނަކައިން ހަދައިފިއެވެ.

އައްޑޫ ސިޓީގެ ގުޅިފައިވާ ރަށްތަކަށް ދިމާވެފައިވާ ފެނުގެ މައްސަލައަށް ހައްލެއް ގެނައުމަށްޓަކައި ފެނަކައިން ވަނީ އައްޑޫ ސިޓީއަށް ބޯހޯލް ޕަމްޕެއް ފޮނުވާފައެވެ. މި ޕަމްޕު ފޮނުވުމާއި އެކު ވަނީ އިންސްޓޯލްކޮށް ޚިދުމަތް ދޭން ފަށާފައެވެ.

އައްޑޫ ސިޓީއަށް ދިމާވެފައިވާ ފެނުގެ މައްސަލަ ހައްލު ކުރުމަށް ހޯދުނު ބޯހޯލް ޕަމްޕް މިހާރު ވަނީ ގެންދެވިފައި އަދި ޕަމްޕް އިންސްޓޯލް ކުރުމުގެ މަސައްކަތް ދަނީ ކުރެވެމުން. މި ޕަމްޕް އިންސްޓޯލް ކުރުމުން އައްޑޫ ސިޓީގެ ފެނުގެ ނިޒާމަށް ބޮޑު ލުއެއް ލިބިގެން ދާނެ.#TeamFenaka pic.twitter.com/tIrqKXktfY

— Fenaka Corporation Ltd (@TeamFenaka) June 6, 2024

މިކަމާގުޅިގެން ފެނަކައިން ވަނީ އައްޑޫ ސިޓީގެ ގުޅިފައިވާ ރަށްތަކަށް ދިމާވެފައިވާ ފެނުގެ މައްސަލައަށް ލުޔެއް ގެނެވިފައިވާ ކަމަށް ބުނެފައެވެ. އަދި މި ޕަމްޕުން ހިދުމަތްދޭން ފެށުމާއެކު މެދުނުކެނޑި ފެން ފޯރުކޮށްދެވޭނެކަމަށް ފެނަކައިން މައުލޫމާތު ދެއެވެ.

އައްޑޫ ސިޓީއަށް ގެންދެވުނު ޕަމްޕް މިހާރު ވަނީ އިންސްޓޯލް ކުރެވިފައި. މި ޕަމްޕް ހަރުކުރުމުގެ ސަބަބުން ހިތަދޫ، މަރަދޫ، މަރަދޫ ފޭދޫ އަދި ފޭދޫއަށް މެދުނުކެނޑި ފެން ފޯރުކޮށްދެވޭނެ#TeamFenaka pic.twitter.com/C3gLUc6itm

— Fenaka Corporation Ltd (@TeamFenaka) June 6, 2024

އައްޑޫ ސިޓީގެ ފެނުގެ މައްސަލަ ހައްލުކުރުމަށް ސަރުކާރުން ވަނީ 256 މިލިއަން ރުފިޔާގެ މަޝްރޫއެއް އެމް.ޑަބްލިޔު.އެސް.ސީ އާއި ހަވާލުކޮށްފައެވެ. މިޝްރޫއު ނިމުމުން އައްޑޫގެ ފެނުގެ ނިޒާމް ޒަމާނީވެ އަޕްގްރޭޑް ވާނެއެވެ.