ސޯމާލިޔާއިން ރާއްޖެއަށް ލެއްގި ދޯނީގައި ތިބި 3 މީހުން އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށް ފުލުހުން ހާމަކޮށްފި އެވެ.

ސޯމާލިއާގެ ބަޔަކު ރާއްޖޭގެ ރަށަކަށް ޑިންގީއެއްގައި ލައްގާފައިވަނީ މިމަހުގެ 22 ވަނަ ދުވަހުގައެވެ. ފުލުހުން ބުނީ ސޯމާލިޔާ 3 މީހުން ލައްގާފައި ވަނީ ނ. އަތޮޅުގެ ފަޅު ރަށެއް ކަމަށްވާ ވަވަތިއަށް ކަމަށެވެ.

މީސްމީޑިޔާގައި މި 3 މީހުންގެ ފޮޓޯ ދައުރުވިއިރު އޭގެ ފަހުން އެ މީހުން ހޮޅުދޫއަށް ގެންގޮސް ކައުންސިލްގެ އެހީތެރިކަމާއި އެކު ވަގުތީ ގޮތުން ބޯހިޔާވަހިކަން ފޯރުކޮށްދީފައި ވެއެވެ.

ފުލުހުން ބުނީ ސޯމަލިޔާ ތިން މީހުން މިއަދު ހުޅުމާލެ އިމްގްރޭޝަން ފެސިލިޓީއާ ހަވާލުކޮށްފައިވާ ކަމަށެވެ.