އެމްޑީޕީގެ ގައުމީ މަޖިލީހުން ހުސްވެފައިވާ 30 ގޮނޑިއަށް ކުރިމަތިލުމުގެ ފުރުސަތު އެ ޕާޓީގެ މެންބަރުންނަށް ހުޅުވާލައިފިއެވެ.

މި ފުރުސަތު ހުޅުވާލައި އެ ޕާޓީން މިއަދު ކޮށްފައިވާ އިއުލާނެއްގައި ބުނެފައިވަނީ، ގައުމީ މަޖިލީހުގެ ބައި އިލެކްޝަންގެ އިންތިހާބު އޮންނާނީ 2 އޯގަސްޓް 2024 ވަނަ ދުވަހު ކަމަށާއި އެހެންކަމުން 7 ޖުލައި 2024 ވާ އާދިއްތަ ދުވަހުގެ 14:00 ގެ ކުރިން އެކަމަށް އެދޭ ފޯމް މެދުވެރިކޮށް ހުށަހެޅުމަށް އެދޭ ކަމަށެވެ.

އެމްޑީޕީގެ ގައުމީ މަޖިލީހުގެ މެންބަރަކަށް ވެވެނީ 1 ޖުލައި 2024 އާއި ހަމައަށް އެ ޕާޓީގެ މެންބަރެއްގެ ގޮތުގައި އިލެކްޝަން ކޮމިޝަނުގައި ދަފްތަރުވެފައިވާ އަދި ވޭތުވެދިޔަ 5 އަހަރު ތެރޭގައި ޕާޓީގެ އަސާސީ ގަވާއިދާއި ހިލާފުވެފައި ނުވާ މެންބަރެއްކަމުގައި ވާނަމައެވެ.

ދާއިރާތަކުގެ ގޮނޑިތަކުގެ ބައި އިލެކްޝަނެއް ބާއްވަން ޖެހިފައިމިވަނީ، ދާއިރާތަކަށް އިލެކްޝަންސް ކޮމިޝަނުން ގެނެސްފައިވާ ބަދަލުތަކާއި އަދި އެމްޑީޕީ ދޫކޮށް ދަ ޑިމޮކްރެޓްސްއަށް ގިނަ އަދަދެއްގެ މެންބަރުން ގޮސްފައިވާތީއެވެ.