އެމެރިކާގެ އަންނަ ރިޔާސީ އިންތިހާބުގައި، މިހާރުގެ ސަރުކާރު ހިންގާ ޕާޓީ، ޑިމޮކްރެޓްސް ތަމްސީލު ކުރާ ކެންޑިޑޭޓަކަށް ކަަމަލާ ހެރިސް ހަމަޖައްސަން އެޕާޓީން ފާސްކޮށްފިއެވެ.

މިފަދަ ނިންމުމެއް ޑިމޮކްރެޓްސް އިން ނިންމާފައިވަނީ، މިހާރުގެ ރައީސް ޖޯ ބައިޑެން އިތުރު ދައުރަކަށް ވާދަ ކުރައްވަމުން ދަނިކޮށް، އެމަނިކުފާނުގެ އިދިކޮޅު ކެނޑިޑޭޓާއެކު ބޭއްވި ބަހުސަކަށްފަހު، ޑިމޮކްޜެޓްސް އަށް ތާއިދު ކުރާ ފަރާތްތަކުން ޖޯ ބައިޑެން އިތުރު ދައުރަކަށް ރައީސްކަމަށް ގެނައުމާ މެދު ހިޔާލު ތަފާތުވުންތަކެއް އުފެދިފައިވަނިކޮށެވެ. އަދި މިނިންމުން އެޕާޓީ އިން ނިންމާފައިވަނީ، ރައީސް ޖޯ ބައިޑެން، އިތުރު ދައުރަކަށް ވާދަ ނުކުރެއްވުމަށް ނިންމަވާ، ރިޔާސީ އިންތިހާބުގައި ވާދަ ކުރުމަށް އެންމެ އެކަށޭނަ ފަރާތަކީ މިހާރުގެ ނައިބު ރައީސާ ކަމަލާ ހެރިސްކަމަށް ވިދާޅުވެ، އެކަމަނާ އަށް ސަޕޯޓު ކުރައްވަމުން ގެންދަވާ ދަނޑިވަޅެއްގައެވެ.

އަންނަ ރިޔާސީ އިންތިހާބުގައި ޑިމޮކްރެޓްސްގެ ކެނޑިޑޭޓެއްގެ ގޮތުގައި ވާދަ ކުރެއްވުމަށް ރަސްމީކޮށް އެޕާޓީއިން ނިންމަވާފައިވާއިރު، މިއީ ކަމަލާ އަށް ލިބިގެންދިޔަ ބޮޑު ފަހުރެއްކަމަށް ބީބީސީއަށް ފޯނުން ގުޅުއްވާ ދިން އިންޓަވިއުއެއްގައި ކަމަލާ ވިދާޅުވެފައިވެއެވެ.

އެމެރިކާގެ ނައިބު ރައީސް، ކަމަލާ ހެރިސްއަކީ، އެމެރިކާގެ އިސް މަގާމެއް ފުރުއްވަމުންގެންދަވާ، ދެކުނު އޭޝިޔާއަށް ނިސްބަތްވާ ކަޅު ނަސްލުގެ ފުރަތަމަ އަންހެނ ލީޑަރުވެސްމެއެވެ.

ކުރިއަށް އޮތް އިންތިހާބުގައި ރިޕަބްލިކަން ޕާޓީގެ ކެންޑިޑޭޓް ޑޮނަލްޑް ޓްރަމްޕް ބަލިކޮށްލެވިއްޖެނަމަ ކަމަލާ ހެރިސް ވެވަޑައިގަންނަވާނީ އެމެރިކާގެ ފުރަތަމަ އަންހެން ރައީސް އަށެވެ.