ރުޅިއަކީ އިންސާނާގެ ކިބައިގައި ހުންނަ އެންމެ އުނި ސިފައެވެ. އެއީ މީހާގެ ހަލާކު ކަމުގައިވެސް ވަރަށް ގިނަ މީހުން ބުނެ އުޅެއެވެ. އެހެން ނުބުނަންވީ ސަބަބެއްވެސް ނެތެވެ. ގިނަ މީހުންނަކީ ރުޅި އަންނަ ވަގުތުތަކުގައި އެކަން ކޮންޓްރޯލު ކުރަން އެނގޭ މީހުންނެއް ނޫނެވެ.
ރުޅި ކޮންޓްރޯލު ނުކުރެވުމުގެ ސަބަބުން އެތަކެއް ހިތި ތަޖުރިބާ ތަކަކާ ކުރިމަތިލާން ޖެހޭ ފަހަރުވެސް މަދެއް ނޫނެވެ. މިސާލަކަށް ވަޒީފާގައި ހުރެ މާގިނައިން ރުޅި އިސްކުރެވޭނަމަ އެތަނަކުން ވަކިކުރުމާއި، ޒަވާޖީ ހަޔާތުގައި މައްސަލަތައް ޖެހި ދެމަފިރިން ވަކިވާން ޖެހުން ފަދަ ކަންކަން ހިމެނެއެވެ. މިފަދަ ކަންކަމުން ދުރުހެލިވުމަށްޓަކައި ކޮންމެ މީހަކުވެސް ރުޅި ކޮންޓްރޯލު ކުރަން ދަސްކުރަން ޖެހެއެވެ. ތިރީގައި މި ހިމަނާލަނީ ރުޅި ކޮންޓަރޯލު ކުރުމަށް ކުރެވިދާނެ ބައެއް ކަންކަމެވެ.
އަމިއްލަ ނަފްސަށް އަޅާލުން:
ރުޅި މައިތިރި ކުރަން ބޭނުން ވާނަމަ އެންމެ ފުރަތަމަ ކުރަން ޖެހޭ ކަމަކީ އަމިއްލަ ނަފްސަށް އަޅާލުމެވެ. ސަބަބަކީ ގިނަ ފަހަރަށް މީހާއަށް ރުޅި އިސްކުރެވެނީ އެމީހަކު ކޮންމެވެސް ކަމެއް ތަހައްމަލު ކުރަމުންދާތީ ކަމަށްވާތީއެވެ. މިސާލަކަށް މީހާ މާ ބޮޑަށް ކަމަކާ ފިކުރު ބޮޑުވެފައި ހުންނަ ގަޑިއެއްގައި ހިތްހަމަ ނުޖެހޭ ކަމެއް ކުރިމަތި ވެއްޖެނަމަ، ރުޅި އިސް ކުރެވޭ ގޮތް އަވަސްވާނެއެވެ. ނުވަތަ މާ ބޮޑަަށް ބަނޑުހައި ވެފައި ހުންނަ ގަޑިއެއްގައި ހިތްހަމަ ނުޖެހޭފަދަ ކަމެއް ވުމުން ރުޅި އިސް ކުރެވޭގޮތް އަވަސްވާނެއެވެ. ވީމާ ރުޅި މަތަކޮށް، ކޮންޓްރޯލު ކުރަން ބޭނުންވާނަމަ އަމިއްލަ ނަފްސަށް އަޅާލައި، އަމިއްލަ ބޭނުންތައް ފުއްދަން ޖެހެއެވެ.
ރުޅިއައުމަށް މެދުވެރިވާ ކަންތައްތަކާ ދުރުވުން:
ރުޅި އައުމަށް މެދުވެރިވާފަދަ ކަންތައްތަކާ ދުރުވުމަކީވެސް ރުޅި ކޮންޓުރޯލު ކުރަން ކުރެވިދާނެ ކަމެކެވެ. ކޮންމެ މީހަކަށްވެސް އެމީހަކު ރުޅި އަންނަން މެދުވެރިވާ ކަންތައް އެނގޭނެއެވެ. މިސާލަކަށް ބަލާނަމަ ހޫނު ވުމަކީ ބައެއް މީހުން ރުޅި އައުމަށް މެދުވެރިވާ ސަބަބެކެވެ. މާ ގިނައިރު ހޫނުގައި ހުންނަން ޖެހޭނަމަ މިފަދަ މީހުން އެމީހުންނަށް ދިމާވާ ކުދިކުދި ކަންތައްތަކުގެ ސަބަބުން ރުޅި އަންނާނެއެވެ. ވީމާ ތިމާ ރުޅި އަންނަން މެދުވެރިވާ ސަބަބުތައް ދެނެގަނެ، އެކަންތަކުން ދުރުހެލި ވުމަށް މަސައްކަތް ކުރަން ޖެހެއެވެ.
ރުޅި އަންނަ ވަގުތު ތަކުގައި މީހާ ހަަމަޖެހިލުން:
ރުޅި ކޮންޓުރޯލު ކުރަން ބޭނުންނަމަ ދެން ކުރަންޖެހޭ ކަމަކީ ރުޅި އަންނަ ފަދަ ކަމެއް ކުރިމަތި ވުމުން ހަމަޖެހިލުމެވެ. ސަބަބަކީ މީހާ ރުޅި އިސްނުކޮށް ހަމަޖެހިލުމުން ކަންކަމާމެދު ރަނގަޅަށް ވިސްނާލައި ކަންކަމުގެ ހައްލު ހޯދުމަށް ފަސޭހަވާތީއެވެ. އެހެންކަމުން ރުޅި އަންނަ ވަގުތު ތަކުގައި ރުޅި ކޮންޓުރޯލު ކުރަން ޖެހެއެވެ. އެގޮތުން މީހާ ހަމަޖެހިލުމަށްޓަކައި "ބްރީތިން އެކްސަސައިޒު" ކުރުމާއި، އަމިއްލަ ޖަޒުބާތުތައް ބަދަލު ކޮށް އެހެން ކަމަކާ ވިސްނުން ފަދަ ކަންތައްތައް ކުރެވިދާނެއެވެ.
އަމިއްލަ ނަފްސަށް އަޅާލުން:
ރުޅި މައިތިރި ކުރަން ބޭނުން ވާނަމަ އެންމެ ފުރަތަމަ ކުރަން ޖެހޭ ކަމަކީ އަމިއްލަ ނަފްސަށް އަޅާލުމެވެ. ސަބަބަކީ ގިނަ ފަހަރަށް މީހާއަށް ރުޅި އިސްކުރެވެނީ އެމީހަކު ކޮންމެވެސް ކަމެއް ތަހައްމަލު ކުރަމުންދާތީ ކަމަށްވާތީއެވެ. މިސާލަކަށް މީހާ މާ ބޮޑަށް ކަމަކާ ފިކުރު ބޮޑުވެފައި ހުންނަ ގަޑިއެއްގައި ހިތްހަމަ ނުޖެހޭ ކަމެއް ކުރިމަތި ވެއްޖެނަމަ، ރުޅި އިސް ކުރެވޭ ގޮތް އަވަސްވާނެއެވެ. ނުވަތަ މާ ބޮޑަަށް ބަނޑުހައި ވެފައި ހުންނަ ގަޑިއެއްގައި ހިތްހަމަ ނުޖެހޭފަދަ ކަމެއް ވުމުން ރުޅި އިސް ކުރެވޭގޮތް އަވަސްވާނެއެވެ. ވީމާ ރުޅި މަތަކޮށް، ކޮންޓްރޯލު ކުރަން ބޭނުންވާނަމަ އަމިއްލަ ނަފްސަށް އަޅާލައި، އަމިއްލަ ބޭނުންތައް ފުއްދަން ޖެހެއެވެ.
ރުޅިއައުމަށް މެދުވެރިވާ ކަންތައްތަކާ ދުރުވުން:
ރުޅި އައުމަށް މެދުވެރިވާފަދަ ކަންތައްތަކާ ދުރުވުމަކީވެސް ރުޅި ކޮންޓުރޯލު ކުރަން ކުރެވިދާނެ ކަމެކެވެ. ކޮންމެ މީހަކަށްވެސް އެމީހަކު ރުޅި އަންނަން މެދުވެރިވާ ކަންތައް އެނގޭނެއެވެ. މިސާލަކަށް ބަލާނަމަ ހޫނު ވުމަކީ ބައެއް މީހުން ރުޅި އައުމަށް މެދުވެރިވާ ސަބަބެކެވެ. މާ ގިނައިރު ހޫނުގައި ހުންނަން ޖެހޭނަމަ މިފަދަ މީހުން އެމީހުންނަށް ދިމާވާ ކުދިކުދި ކަންތައްތަކުގެ ސަބަބުން ރުޅި އަންނާނެއެވެ. ވީމާ ތިމާ ރުޅި އަންނަން މެދުވެރިވާ ސަބަބުތައް ދެނެގަނެ، އެކަންތަކުން ދުރުހެލި ވުމަށް މަސައްކަތް ކުރަން ޖެހެއެވެ.
ރުޅި ކޮންޓުރޯލު ކުރަން ބޭނުންނަމަ ދެން ކުރަންޖެހޭ ކަމަކީ ރުޅި އަންނަ ފަދަ ކަމެއް ކުރިމަތި ވުމުން ހަމަޖެހިލުމެވެ. ސަބަބަކީ މީހާ ރުޅި އިސްނުކޮށް ހަމަޖެހިލުމުން ކަންކަމާމެދު ރަނގަޅަށް ވިސްނާލައި ކަންކަމުގެ ހައްލު ހޯދުމަށް ފަސޭހަވާތީއެވެ. އެހެންކަމުން ރުޅި އަންނަ ވަގުތު ތަކުގައި ރުޅި ކޮންޓުރޯލު ކުރަން ޖެހެއެވެ. އެގޮތުން މީހާ ހަމަޖެހިލުމަށްޓަކައި "ބްރީތިން އެކްސަސައިޒު" ކުރުމާއި، އަމިއްލަ ޖަޒުބާތުތައް ބަދަލު ކޮށް އެހެން ކަމަކާ ވިސްނުން ފަދަ ކަންތައްތައް ކުރެވިދާނެއެވެ.
ކިޔުންތެރިންގެ ހިޔާލު