ސްކޭމް މައްސަލަތަކުގައި ކޯޓު އަމުރެއް ނެތި ބޭންކް އެކައުންޓުތައް ހިފެހެއްޓުމުގެ ބާރު ފުލުހުންނަށް ދިނުމަށް ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް ރައްޔިތުންގެ މަޖިލީހަށް ހުށަހަޅުއްވައިފި އެވެ.
މެންބަރު މުޙައްމަދު އިބްރާހިމް ޖިނާއީ އިޖުރާތުގެ ގާނޫނަށް މި ފަދަ އިސްލާޙެއް ހުށައަޅުއްވާފައިވަނީ ސްކޭމްތައް ހުއްޓުވުމަށް އެފަދަ ގާނޫނީ ހައްލަކަށް ފުލުހުންގެ ފަރާތުން މަޖިލީހުގެ ސްޓޭޓް އޯންޑް އެންޓަޕްރައިޒް (އެސްއޯއީ) ކޮމިޓީގައި އެދުމާ ގުޅިގެންނެވެ.
މުޙައްމަދު އިބްރާހިމް ޖިނާއީ އިޖުރާޢަތުގެ ގާނޫނުގެ 73 ވަނަ މާއްދާގެ (ހ)އަށް ހުށަހެޅުއްވި އިސްލާހުގައި މަކަރާއި ހީލަތުން ނުވަތަ ސްކޭމަކުން އެކައުންޓުގެ ވެރިފަރާތަށް އޮޅުވާލައިގެން ފައިސާ ނަގަމުންދާ މައްސަލަތަކުގައި އެކައުންޓެއްގެ ވެރިފަރާތް ނުވަތަ ތިން ވަނަ ފަރާތެއްގެ ހައްގު ރައްކާތެރިކުރުމުގެ ގޮތުން ފުލުހުންނަށް ފިޔަވަޅު އެޅުމުގެ ބާރު ދިނުމަށް ހިމަނާފައިވެއެވެ.
އެގޮތުން އެކައުންޓުގައިވާ ފައިސާ ނުވަތަ ފައިސާ ޓްރާންސްފާ ކޮށްފައިވާ އެހެން އެކައުންޓުތަކުގެ ފައިސާ ހިފެހެއްޓުމަށް ނުވަތަ އެ ފައިސާއިން މުއާމަލާތް ކުރުން ހުއްޓުވުމުގެ އަމުރެއް ފުލުހުންނަށް ނެރެވިދާނެ ކަމަށާއި އެފަދަ އަމުރެއް ފުލުހުންގެ ފަރާތުން ނެރެވޭނީ، ސަބް އިންސްޕެކްޓާ އޮފް ޕޮލިސްގެ ރޭންކުން ފެށިގެން މަތީ އޮފިސަރަކަށް ކަމަށް ވަނީ ބަޔާން ކޮށްފައެވެ.
އޭގެއިތުރުން އަމުރު ނެރެފައިވާކަން ލަސްނުކޮށް އެކައުންޓު ހުޅުވާފައިވާ ބޭންކަށް ނުވަތަ މޯލްޑިވްސް މަނިޓަރީ އޮތޯރިޓީ އަށް އަންގަންވާނެ ކަމަށް އިސްލާޙުގައި ވެއެވެ.
މިހާރު ޢަމަލު ކުރަމުންދާ ޖިނާއީ އިޖުރާއަތުގެ ގާނޫނުގެ 72 ވަނަ މާއްދާގައި ތިން ހާލަތެއްގައި ބޭންކް އެކައުންޓާއި އެ އެކައުންޓުން ކުރާ މުއާމަލާތްތައް މޮނީޓާކުރުމަށް ކޯޓު އަމުރަކަށް އެދުމުގެ ބާރު ފުލުހުންނަށް ލިބިދީފައިވެއެވެ. ނަމަވެސް އޭގެ ތެރޭގައި ސްކޭމްގެ މައްސަލަތަކެއް ނުހިމެނެއެވެ.
މެންބަރު މުޙައްމަދު އިސްމާޢީލް ހުށައެޅުއްވި އިސްލާޙުގައި ވަނީ އެ އިސްލާހަށް އަމަލު ކުރަން ފަށާނީ ބިލު ގާނޫނަކަށްވެ، ސަރުކާރުގެ ގެޒެޓްގައި ޝާއިއު ކުރާ ދުވަހުން ފެށިގެން ކަމަށެވެ.
މުޙައްމަދު އިބްރާހިމް ޖިނާއީ އިޖުރާޢަތުގެ ގާނޫނުގެ 73 ވަނަ މާއްދާގެ (ހ)އަށް ހުށަހެޅުއްވި އިސްލާހުގައި މަކަރާއި ހީލަތުން ނުވަތަ ސްކޭމަކުން އެކައުންޓުގެ ވެރިފަރާތަށް އޮޅުވާލައިގެން ފައިސާ ނަގަމުންދާ މައްސަލަތަކުގައި އެކައުންޓެއްގެ ވެރިފަރާތް ނުވަތަ ތިން ވަނަ ފަރާތެއްގެ ހައްގު ރައްކާތެރިކުރުމުގެ ގޮތުން ފުލުހުންނަށް ފިޔަވަޅު އެޅުމުގެ ބާރު ދިނުމަށް ހިމަނާފައިވެއެވެ.
އެގޮތުން އެކައުންޓުގައިވާ ފައިސާ ނުވަތަ ފައިސާ ޓްރާންސްފާ ކޮށްފައިވާ އެހެން އެކައުންޓުތަކުގެ ފައިސާ ހިފެހެއްޓުމަށް ނުވަތަ އެ ފައިސާއިން މުއާމަލާތް ކުރުން ހުއްޓުވުމުގެ އަމުރެއް ފުލުހުންނަށް ނެރެވިދާނެ ކަމަށާއި އެފަދަ އަމުރެއް ފުލުހުންގެ ފަރާތުން ނެރެވޭނީ، ސަބް އިންސްޕެކްޓާ އޮފް ޕޮލިސްގެ ރޭންކުން ފެށިގެން މަތީ އޮފިސަރަކަށް ކަމަށް ވަނީ ބަޔާން ކޮށްފައެވެ.
މިހާރު ޢަމަލު ކުރަމުންދާ ޖިނާއީ އިޖުރާއަތުގެ ގާނޫނުގެ 72 ވަނަ މާއްދާގައި ތިން ހާލަތެއްގައި ބޭންކް އެކައުންޓާއި އެ އެކައުންޓުން ކުރާ މުއާމަލާތްތައް މޮނީޓާކުރުމަށް ކޯޓު އަމުރަކަށް އެދުމުގެ ބާރު ފުލުހުންނަށް ލިބިދީފައިވެއެވެ. ނަމަވެސް އޭގެ ތެރޭގައި ސްކޭމްގެ މައްސަލަތަކެއް ނުހިމެނެއެވެ.
މެންބަރު މުޙައްމަދު އިސްމާޢީލް ހުށައެޅުއްވި އިސްލާޙުގައި ވަނީ އެ އިސްލާހަށް އަމަލު ކުރަން ފަށާނީ ބިލު ގާނޫނަކަށްވެ، ސަރުކާރުގެ ގެޒެޓްގައި ޝާއިއު ކުރާ ދުވަހުން ފެށިގެން ކަމަށެވެ.
ކިޔުންތެރިންގެ ހިޔާލު