ބަންގްލަދޭޝްގައި އެކުލަވާލި ވަގުތީ ސަރުކާރުގެ އިސް މުސްތަޝާރަކަށް ހަމަޖައްސާފައިވާ ޑރ. މުޙައްމަދު ޔޫނުސްއަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު މަރުހަބާ ވިދާޅުވެއްޖެއެވެ.

ރައީސް ޑރ. މުޢިއްޒު މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ ބަންގްލަދޭޝްގެ ވަގުތީ ސަރުކާރުގެ އިސް މުސްތަޝާރަކަށް ހަމަޖައްސާފައިވާ ޔޫނުސްއަށް މަރުހަބާ ދަންނަވާ ކަމަށާއި އޭނާގެ ލީޑަރޝިޕްގެ ދަށުން އެ ގައުމަށް އެއްބައިވަންތަކަމާއި ހަމަޖެހުން ލިބުމަށް އެދިވަޑައިގަންނަވާކަމަށެވެ.

Warm Congratulations to Dr. Muhammad Yunus on his appointment as the Chief Adviser of the interim government of the People’s Republic of Bangladesh.

As a longstanding friend and a close partner, the Maldives wishes unity, peace and prosperity to the people of Bangladesh under…

— Dr Mohamed Muizzu (@MMuizzu) August 8, 2024

އުމުރުން 84 އަހަރުގެ އެއްވެސް ޕާޓީއަކަށް ނިސްބަތްވެވަޑައިނުގަންނަވާ މުޙައްމަދު ޔޫނުސްއަކީ ނޯބެލް އިނާމު ހާސިލުކުރައްވާފައިވާ ބޭފުޅެކެވެ.

އެ ގައުމުގައި ގިނަ އަހަރުތަކެއް ވަންދެން ވެރިކަންކުރެއްވި ޝައިޚު ހަސީނާގެ ސަރުކާރާއި ދެކޮޅަށް ކުރި މުޒާހަރާތަކުގެ ސަބަބުން އެތައް ސަތޭކަ ބަޔަކު މަރުވިފަހުން ހަސީނާ މިހާރުވަނީ އިސްތިއުފާ ދެއްވުމަށްފަހު ގައުމުން ފިއްލަވާފައެވެ.