އދ. ހަންޏާމީދޫ ގެއެއްގައި އަނިފާން ރޯވެ ދިރިނޫޅެވޭ ވަރަށް އަނދައިފިއެވެ.
މި ހާދިސާ ހިނގާފައިވަނީ އިއްޔެރޭގެ ވަގުތެއްގައެވެ. ނެޝަނަލް ޑިޒާސްޓާ މެނޭޓްމެންޓް އޮތޯރިޓީން ބުނެފައިވަނީ، ރޭ ދަންވަރު އދ. ހަންޏާމީދޫގައި އަލިފާނުގެ ހާދިސާއެއް ހިނގާފައިވާ ކަމަށާއި އެ ހާދިސާގައި އެތަން ވަނީ ދިރިނޫޅެވޭވަރަށް އަނދާފައި ކަމަށެވެ.
އެހެންކަމުން އެ ގޭގައި ދިރިއުޅުނު ފަރާތްތަކަށް އެހީތެރިކަން ފޯރުކޮށްދިނުމުގެ މަސައްކަތް އެރަށު ކައުންސިލާއި ގުޅިގެން އެންޑީއެމްއޭއިން ކުރަމުން ގެންދާކަމަށް ވަނީ ބުނެފައެވެ.
މި ހާދިސާއާއި ގުޅޭ އިތުރު މައުލޫމާތެއް އެއްވެސް ފަރާތަކުން މިހާތަނަށް ހާމަކޮށްފައެއް ނުވެއެވެ.
2024 އޯގަސްޓް 09 ވަނަ ދުވަހުގެ ރޭ ދަންވަރު އދ. ހަންޏާމީދޫގައި އަލިފާނުގެ ހާދިސާއެއް ހިނގައި ދިރިނޫޅެވޭވަރަށް އެތަނަށް ގެއްލުން ލިބިފައިވާތީ، ހާލުގައި ޖެހުނު ފަރާތަށް އެހީތެރިކަން ފޯރުކޮށް ދިނުމުގެ މަސައްކަތް ކައުންސިލް އާއި ގުޅިގެން މި އޮތޯރިޓީން މިގެންދަނީ ކުރަމުން. pic.twitter.com/gyvJ7vnAaW
— NDMA Maldives (@NDMAmv) August 10, 2024
މި ހާދިސާއާއި ގުޅޭ އިތުރު މައުލޫމާތެއް އެއްވެސް ފަރާތަކުން މިހާތަނަށް ހާމަކޮށްފައެއް ނުވެއެވެ.
ކިޔުންތެރިންގެ ހިޔާލު