އޮލިމްޕަހުގައި ބޮޑު ކާމިޔާބާއެއް ލިބުނު ދިވެހި ފިލްމު "ކަމަނާ" ގެ ޝޯއެއް މިރޭ (12 ސެޕްޓެމްބަރު 2024) އއ. ރަސްދޫގައި ބޭއްވުމަށް ކަމަނާގެ ޓީމުން ނިންމައިފިއެވެ.

މިރޭ 21:00 ގައި ރަސްދޫ ޖަމިއްޔަތު ނަޖާހު ހޯލުގައި އެޅުވުމަށް ހަމަޖެހިފައިވާ މި ފިލްމުގެ ޓިކެޓުތައް މިހާރު ރަސްދޫގެ ދުވެލި ޗޮއިސް ފިހާރައިން ލިބޭނެއެވެ. ފިލްމު "ކަމަނާ" ގެ ޓިކެޓުތައް 100 ރުފިޔާ އަށް އުޅޭއިރު، ޓިކެޓު ބައްލަވައިގަތުމަށް 9105590 އަށް ގުޅާލުމުންވެސް ޓިކެޓު ލިބޭނެއެވެ.



މި ފިލްމަކީ ހަގީގީ ހާދިޘާއެއްގެ މައްޗައް ބިނާކޮށް އުފައްދާފައިވާ ފިލްމަކަށް ވީއިރު، މި ފިލްމުގައި ރާއްޖޭގައި ގެވެށި އަނިޔާ އޮތް ބިރުވެރި މިންވަރާއި، އަނބިންގެ ކެތްތެރިކަމާއި، އަންހެނުންނަށް ލިބެމުންދާ އަނިޔާ ފެނިގެންދާނެއެވެ.

ކިޑް ޕްރޮޑަކްޝަން އާއި ސެޓަރން ސްޓޫޑިއޯއިން ހުށަހަޅައިދިން މި ފިލްމު ރާއްޖޭގެ އެކި ކަންކޮޅުތަކުން އަޅުވަމުންދާއިރު މި ފިލްމަށް ގިނަ ބައެއްގެ ތަރުހީބު ދަނީ ލިބެމުންނެވެ.



މަހުދީ އަހުމަދު ސްކްރީން ޕްލޭ ލިޔެފައިވާ މި ފިލްމު ޕްރިޑިއުސް ކޮށްފައިވަނީ ޝާނިޒް އަލީ އާއި ހުސައިން މުނައްވަރެވެ. އަދި މި ފިލްމު ޑައިރެކްޓު ކޮށްފައިވަނީ ހުސައިން މުނައްވަރެވެ.