ބުރަ މަސައްކަތުން ދިވެހިން ގެނައި އިސްލާޙީ ބަދަލުތައް ރޫޅާލައި ރާއްޖެ ފަހަތަށް ނުޖެއްސުމަށް މެދު ހެންވޭރު ދާއިރާގެ ކުރީގެ މެންބަރު ޢަލީ އާޒިމް ރައީސް ޑރ. މުޙައްމަދު މުޢިއްޒަށް ގޮވާލައްވައިފިއެވެ.
އާޒިމް މިހެން ގޮވާލައްވާފައި މިވަނީ އެންޓި ކޮރަޕްޝަން ކޮމިޝަން (އޭސީސީ) އާއި އިލެކްޝަންސް ކޮމިޝަން (އީސީ) ގެ ރައީސާއި ނައިބު ރައީސް ކަނޑައެޅުމުގެ ބާރު ރައީސުލްޖުމްހޫރިއްޔާއަށް ދޭގޮތަށް ސަރުކާރުން ރައްޔިތުންގެ މަޖިލީހަށް އިސްލާހެއް ހުށައަޅާވާފައިވާ ދަނޑިވަޅެއްގައެވެ.
ސަރުކާރުން ހުށައަޅާފައިވާ އިސްލާޙާމެދު ކަންބޮޑުވުން ފާޅުކުރަށްވަމުން އާޒިމް މިއަދު ވިދާޅުވީ އެކާވީސްވަނަ ޤަރުނުގައި ދިވެހީން ހޯދައިގަތް ދުސްތޫރީ ނިޒާމާއި، ޑިމޮކްރެޓިކް އަސާސްތައް ރޫޅާ ނުލެއްވުމަށް ރައީސަށް ދަންނަވާ ކަމަށެވެ.
“އިސްލާހީ ހުރިހާ ބަދަލެއް މުގުރާލައި ރޫޅާލަން ރައީސް ޑރ. މުޢިއްޒު ތިޔަ ކުރަށްވާ މަސައްކަތް ހުއްޓާލާ. މިރާއްޖެ ފަހަތައް ނުޖައްސާ.” އާޒިމް ވިދާޅުވެފައިވެއެވެ.
އާޒިމް މިހެން ވިދާޅުވެފައިވާއިރު ސަރުކާރުގެ ހުށައެޅުން ދިފާއު ކުރަށްވައި ބަންޑާރަނާއިބު އަޙްމަދު އުޝާމް ވިދާޅުވެފައިވަނީ، ސަރުކާރުން ކުރަމުންދަނީ މިނިވަން މުއައްސަސާތަކުގެ ރައީސް އާއި ނައިބު ރައީސް އައްޔަނުކުރުމުގެ ކަންކަން އެއްގޮތް ކުރުމުގެ މަސައްކަތް ކަމަށެވެ.
އެގޮތުން ނިމިދިޔަ އެމްޑީޕީގެ ސަރުކާރުގައި 2021 ވަނަ އަހަރު ސިވިލް ސަރވިސްގެ ރައީސް އާއި ނައިބްރައީސަކީ ރައީސުލްޖުމްހޫރިއްޔާ އައްޔަންކުރާ މަގާމްތަކަކަށް ހެދުމަށް ގާނޫނަށް އިސްލާހެއް ގެނައިކަން ބަންޑާރަނާއިބު ފާހަގަ ކުރެއްވިއެވެ.
ސަރުކާރުން އީސީ އާއި އޭސީސީގެ ރައީސާއި ނައިބު ރައީސް އައްޔަން ކުރުމަށް ހުށަހަޅާފައިވާ އިސްލާހުގައި ބުނަނީ ކޮމިޝަންގެ މެމްބަރުންގެ ތެރެއިން ކޮމިޝަނުގެ ރައީސަކާއި ނައިބު ރައީސެއް ރައީސުލްޖުމްހޫރިއްޔާ އައްޔަން ކުރަންވާނެ ކަމަށެވެ. ނަމަވެސް އެ ނިންމުން މަޖިލީހަށް ހުށައަޅައި ފާސްކުރަންވާނެ ކަމަށްވެސް އިސްލާޙުގައިވެއެވެ.
ސަރުކާރުން ހުށައަޅާފައިވާ އިސްލާޙާމެދު ކަންބޮޑުވުން ފާޅުކުރަށްވަމުން އާޒިމް މިއަދު ވިދާޅުވީ އެކާވީސްވަނަ ޤަރުނުގައި ދިވެހީން ހޯދައިގަތް ދުސްތޫރީ ނިޒާމާއި، ޑިމޮކްރެޓިކް އަސާސްތައް ރޫޅާ ނުލެއްވުމަށް ރައީސަށް ދަންނަވާ ކަމަށެވެ.
“އިސްލާހީ ހުރިހާ ބަދަލެއް މުގުރާލައި ރޫޅާލަން ރައީސް ޑރ. މުޢިއްޒު ތިޔަ ކުރަށްވާ މަސައްކަތް ހުއްޓާލާ. މިރާއްޖެ ފަހަތައް ނުޖައްސާ.” އާޒިމް ވިދާޅުވެފައިވެއެވެ.
އާޒިމް މިހެން ވިދާޅުވެފައިވާއިރު ސަރުކާރުގެ ހުށައެޅުން ދިފާއު ކުރަށްވައި ބަންޑާރަނާއިބު އަޙްމަދު އުޝާމް ވިދާޅުވެފައިވަނީ، ސަރުކާރުން ކުރަމުންދަނީ މިނިވަން މުއައްސަސާތަކުގެ ރައީސް އާއި ނައިބު ރައީސް އައްޔަނުކުރުމުގެ ކަންކަން އެއްގޮތް ކުރުމުގެ މަސައްކަތް ކަމަށެވެ.
ސަރުކާރުން އީސީ އާއި އޭސީސީގެ ރައީސާއި ނައިބު ރައީސް އައްޔަން ކުރުމަށް ހުށަހަޅާފައިވާ އިސްލާހުގައި ބުނަނީ ކޮމިޝަންގެ މެމްބަރުންގެ ތެރެއިން ކޮމިޝަނުގެ ރައީސަކާއި ނައިބު ރައީސެއް ރައީސުލްޖުމްހޫރިއްޔާ އައްޔަން ކުރަންވާނެ ކަމަށެވެ. ނަމަވެސް އެ ނިންމުން މަޖިލީހަށް ހުށައަޅައި ފާސްކުރަންވާނެ ކަމަށްވެސް އިސްލާޙުގައިވެއެވެ.
ކިޔުންތެރިންގެ ހިޔާލު