ރާއްޖޭގައި 500 މީހުން ހަމަނުވާ 55 ރަށް އެބައޮތް ކަމަށާއި އެރަށްރަށުގެ ރައްޔިތުން ތަރައްޤީ ބޭނުންނަމަ އެނޫން ގޮތެއް ހޯދަންޖެހޭ ކަމަށް ގެދޮރުވެރިކަމާއި ބިމާއި ޢުމްރާނީ ތަރައްޤީއާ ބެހޭ ވަޒީރު ޑރ. ޢަލީ ހައިދަރު ވިދާޅުވެއްޖެއެވެ.
ރާއްޖޭގެ މީޑިއާއެއްގައި ރޭ ވާހަކަފުޅު ދައްކަވަމުން ގެދޮރުވެރިކަމާބެހޭ ވަޒީރު އަލީ ހައިދަރު ވިދާޅުވީ ސަރުކާރުގެ ވިސްނުމަކީ އާރބަން ސެންޓަރުތަކުގައި މީހުން އާބާދު ކުރުވުން ކަމަށެވެ. އަދި އެއްފަސް ކުރުމުގެ ޕްރޮގްރާމެއް ހިންގައިގެން ނޫނީ ހުރިހާ ރައްޔިތުންނަށް ބޭނުންވާ ޚިދުމަތްތައް ނުދެވޭނެ ކަމަށް ހައިދަރު ވިދާޅުވިއެވެ.
ހައިދަރު ވިދާޅުވީ ރާއްޖޭގައި މާލެ ފިޔަވައި މީހުން ދިރިއުޅޭ 186 ރަށް އޮތް އިރު، އޭގެ ތެރެއިން 55 ރަށަކީ 500 މީހުންވެސް ހަމަނުވާ ރަށްރަށް ކަމަށެވެ. އެހެންކަމުން ކުރަން ނުޖެހޭ ވަރަށް ބޮޑެތި ޚަރަދުތައް އަސާސީ ޚިދުމަތްތައް އެރަށްރަށުގައި ފޯރުކޮށް ދިނުމަށް ސަރުކާރުން ކުރަންޖެހޭ ކަމަށް ހައިދަރު ވަނީ ވިދާޅުވެފައެވެ.
އެހެންކަމުން ރައްޔިތުން ބޭނުންވާ ތަރައްޤީ ރަށްރަށަށް ގެނެވޭނީ މަދު ރަށްތަކަކަށް ފޯކަސް ކޮށްގެން ޚިދުމަތްތައް ރަނގަޅު ފެންވަރަކަށް އެ ރަށްތަކުގައި ދީގެން ކަމަށް ހައިދަރު ވިދާޅުވިއެވެ. އަދި އޭރުން އޭގެ ފައިދާ މުޅި މުޖްތަމައަށް އަންނާނެ ކަމަށާއި އެގޮތުން އާބަން ސެންޓަރުތަކުގައި މަދުވެގެން 10،000 އެއްހާ މީހުން ދިރިއުޅޭނެ ކަމަށް ރޭގެ ޕްރޮގްރާމްގައި ހައިދަރު ވިދާޅުވިއެވެ.
"މަތީފެންވަރުގެ ޚިދުމަތްތައް ދިނުމަށް އެރަށްރަށަށް މީހުން ގެނެސް އާބާދު ކުރަން ޖެހޭނެ،" ހައުސިންގ މިނިސްޓަރ ވިދާޅުވިއެވެ.
އޭގެ އިތުރުން ހައިދަރު ވިދާޅުވީ އުތުރުގެ އާރބަން ޑިވެލޮޕްމަންޓް ސަރަޙައްދުގައި މިހާރު 55،000 މީހުން އަދި ދެކުނުގެ އާރބަން ޑިވެލޮޕްމަންޓް ސަރަޙައްދުގައި 50،000 މީހުންގެ އާބާދީއެއް އެބައޮތް ކަމަށާއި އެ ސަރަޙައްދުތައް ތަރައްޤީ ކުރަނީ ލައްކައެއްހާ މީހުންނަށް ކޮންމެ ސަރަޙައްދެއްގައި އުޅެވޭ ގޮތައް ކަމަށެވެ.
ހައިދަރު މިހެން ވިދާޅުވެފައިވާއިރު ހައުސިން މިނިސްޓްރީން އިއްޔެ ނެރުނު ނޫސް ބަޔާނެއްގައި ވާގޮތުން އާބަން ސެންޓަރު ގާއިމުކުރުމަށް ހަމަޖެހިފައިވަނީ ރ. އުނގޫފާރާއި ބ. އޭދަފުއްޓާއި ޅ. ނައިފަރާއި އދ. މަހިބަދޫ އާއި ފ. ނިލަންދޫ އާއި ދ. ކުޑަހުވަދޫ އާއި ލ. ފޮނަދޫގައެވެ.
އޭޣެ އިތުރުން ރާއްޖޭގެ އުތުރާއި ދެކުނުގައިވެސް އުމްރާނީ ތަރައްޤީގެ ސަރަހައްދެއް އާބާދީއާއި ތަރައްގީ އެއްފަސްކުރުމުގެ ސިޔާސަތުގެ ދަށުން ތަރައްގީކުރެވޭނޭ ކަމަށް އެ ނޫސްބަޔާނުގައިވެއެވެ.
ސަރުކާރުން މިހާރުވަނީ އާބަން ސެެންޓަރުތައް ގާއިމުކުރުމާ ބިލެއް މަޖިލީހަށް ހުށައަޅާފައެވެ. އެ ބިލު މިހާރު އޮތީ ޤައުމީ ތަރައްޤީ ކޮމިޓީ އާއި ލާމަރުކަޒީ ކޮމިޓީގެ ޖޮއިންޓް ކޮމިޓީގައެވެ.
ހައިދަރު ވިދާޅުވީ ރާއްޖޭގައި މާލެ ފިޔަވައި މީހުން ދިރިއުޅޭ 186 ރަށް އޮތް އިރު، އޭގެ ތެރެއިން 55 ރަށަކީ 500 މީހުންވެސް ހަމަނުވާ ރަށްރަށް ކަމަށެވެ. އެހެންކަމުން ކުރަން ނުޖެހޭ ވަރަށް ބޮޑެތި ޚަރަދުތައް އަސާސީ ޚިދުމަތްތައް އެރަށްރަށުގައި ފޯރުކޮށް ދިނުމަށް ސަރުކާރުން ކުރަންޖެހޭ ކަމަށް ހައިދަރު ވަނީ ވިދާޅުވެފައެވެ.
އެހެންކަމުން ރައްޔިތުން ބޭނުންވާ ތަރައްޤީ ރަށްރަށަށް ގެނެވޭނީ މަދު ރަށްތަކަކަށް ފޯކަސް ކޮށްގެން ޚިދުމަތްތައް ރަނގަޅު ފެންވަރަކަށް އެ ރަށްތަކުގައި ދީގެން ކަމަށް ހައިދަރު ވިދާޅުވިއެވެ. އަދި އޭރުން އޭގެ ފައިދާ މުޅި މުޖްތަމައަށް އަންނާނެ ކަމަށާއި އެގޮތުން އާބަން ސެންޓަރުތަކުގައި މަދުވެގެން 10،000 އެއްހާ މީހުން ދިރިއުޅޭނެ ކަމަށް ރޭގެ ޕްރޮގްރާމްގައި ހައިދަރު ވިދާޅުވިއެވެ.
އޭގެ އިތުރުން ހައިދަރު ވިދާޅުވީ އުތުރުގެ އާރބަން ޑިވެލޮޕްމަންޓް ސަރަޙައްދުގައި މިހާރު 55،000 މީހުން އަދި ދެކުނުގެ އާރބަން ޑިވެލޮޕްމަންޓް ސަރަޙައްދުގައި 50،000 މީހުންގެ އާބާދީއެއް އެބައޮތް ކަމަށާއި އެ ސަރަޙައްދުތައް ތަރައްޤީ ކުރަނީ ލައްކައެއްހާ މީހުންނަށް ކޮންމެ ސަރަޙައްދެއްގައި އުޅެވޭ ގޮތައް ކަމަށެވެ.
ހައިދަރު މިހެން ވިދާޅުވެފައިވާއިރު ހައުސިން މިނިސްޓްރީން އިއްޔެ ނެރުނު ނޫސް ބަޔާނެއްގައި ވާގޮތުން އާބަން ސެންޓަރު ގާއިމުކުރުމަށް ހަމަޖެހިފައިވަނީ ރ. އުނގޫފާރާއި ބ. އޭދަފުއްޓާއި ޅ. ނައިފަރާއި އދ. މަހިބަދޫ އާއި ފ. ނިލަންދޫ އާއި ދ. ކުޑަހުވަދޫ އާއި ލ. ފޮނަދޫގައެވެ.
ސަރުކާރުން މިހާރުވަނީ އާބަން ސެެންޓަރުތައް ގާއިމުކުރުމާ ބިލެއް މަޖިލީހަށް ހުށައަޅާފައެވެ. އެ ބިލު މިހާރު އޮތީ ޤައުމީ ތަރައްޤީ ކޮމިޓީ އާއި ލާމަރުކަޒީ ކޮމިޓީގެ ޖޮއިންޓް ކޮމިޓީގައެވެ.
ކިޔުންތެރިންގެ ހިޔާލު