ރާއްޖޭގެ ދެކުނުން އޮންނަ ޗާގޯސް ޖަޒީރާ ނުވަތަ ފޯޅަވަހީގެ ސިޔާދަތީ ބާރު ރާއްޖެއަށް ލިބުން މާ ހައްގު ކަމަށާއި އެކަމާ ގުޅޭ ސިޓީފުޅެއް އިނގިރޭސިވިލާތުގެ ސަރުކާރަށް ފޮނުއްވާފައިވާ ކަމަށް ރައީސް ޑރ. މުހައްމަދު މުއިއްޒު މިރޭ ވިދާޅުވެއްޖެ އެވެ.
ރައީސް މުޢިއްޒު މިހެން ވިދާޅުވީ ޖުމްހޫރީ ދުވަހުގެ ރަސްމީ ޖަލްސާގައި ވާހަކަފުޅު ދައްކަވަމުންނެެވެ. ރައީސް ޑރ.މުޙައްމަދު މުޢިއްޒު ވިދާޅުވީ، ކުރީގެ ސަރުކާރުން ރާއްޖޭގެ ކަނޑުގެ ސަރަހައްދު ގެއްލުވާލީ ދިވެހިރާއްޖޭގެ މުޅި ދުސްތޫރީ ނިޒާމާއި ޤާނޫނު އަސާސީ އާއި ޚިލާފަށް ރައްޔިތުންގެ މަޖިލީހުގެ ބަހެއްވެސް ހޯދުމެއް ނެތި ކަމަށެވެ.
"އެކަން ކޮށްފައިވާ ގޮތުން އެމަސައްކަތް ހައްލުކުރަން ބުރަ މަސައްކަތްތަކެއް ކުރަންޖެހޭ، ރެއާއި ދުވާލު އެމަސައްކަތް މިދަނީ ކުރަމުން،" ރައީސް ވިދާޅުވިއެވެ.
ރައީސް ވިދާޅުވީ ކުރީގެ ސަރުކާރުން ގެއްލުވާލި ކަނޑުގެ ސަރަހައްދު ހޯދުމަށް ކުރަންޖެހޭ މަސައްކަތް ކުރައްވަމުން ގެންދަވާ ކަމަށެވެ. އެގޮތުން ރައީސް މުޢިއްޒު ވިދާޅުވީ މި ސަރުކާރު ފެށުނީއްސުރެ މިކަމަށް ހާއްސަކޮށް އެޓާނީ ޖެނެރަލް އޮފީހުގެ މުވައްޒަފަކު އދ. ގައި ހުންނާނެ ކަމަށެވެ.
ރައީސް ވިދާޅުވީ ދާދިފަހުން އިނގިރޭސި ސަރުކާރުން ޗާގޮސް މޮރިޝަޝް އަށް ހަވާލުކުރާ ވާހަކަތަކެއް ދެކެވުނު ކަމަށެވެ. އަދި އެކަމާއި ގުޅިގެން އިނގިރޭސި ސަރުކާރަށް ދިވެހި ސަރުކާރުގެ ފަރާތުން ރަސްމީކޮށް ސިޓީއެއް ފޮނުއްވާފައިވާ ކަމަށް ރައީސް ވިދާޅުވިއެވެ. އެފަދަ ސިޓީއެއް ފޮނުއްވީ ޗާގޯސްގެ ސިޔާދަތީ ބާރު މޮރިޝަސްއަށް ދޫކޮށްލަން އިނގިރޭސިވިލާތުން އެއްބަސްވުމާ ގުޅިގެން ކަމަށް ރައީސް ވިދާޅުވިއެވެ.
ރައީސް ވިދާޅުވީ ޗާގޮސް އަކީ ރާއްޖޭގެ ތާރިޚާ ގުޅުން ވަރަށް ބޮޑަށް އޮތްތަނެއް ކަމަށާއި އެކަން ތާރިޚީ ލިޔެކިޔުންތަކުން ފެންނަން އެބަހުރި ކަމަށެވެ.
"އަޅުގަނޑުމެންގެ ތާރީހީ ގުޅުމެއް ވަރަށް ބޮޑަށް އޮތް ތަނަކަށް އެތަން ވާތީ، ރަސްމީކޮށް، ލިޔެކިޔުމުން، ސިޓީއިން، ދިވެހި ސަރުކާރުން މިހާރު ވާނީ އިނގިރޭސި ސަރުކާރަށް ސިޓީއެއް ފޮނުވާފަ، އެތަނަކީ އަޅުގަނޑުމެންގެ ރަސްރަސްކަލުންގެ ލިޔެކިޔުންތަކާއެކުގައި، ފެންނާންހުރި ލިޔެކިޔުންތަކާއެކުގައި، އެހެން ގައުމަކަށްވުރެ ދިވެހިރާއްޖެއަށް މާ އައުލާކަންބޮޑު ރާއްޖޭގެ ތަނެއްގެ ގޮތުގައި ވެސް ބެލިދާނެ ކަމަށް ތާރީހީ ގޮތުން ފެންނަން ހުރުމާއެކީގައި، އެކަން ފާހަގަކޮށް އަޅުގަނޑުމެން ވާނީ މިހާރު ސިޓީ ފޮނުވާފަ." ރައީސް މުޢިއްޒު ވިދާޅުވިއެވެ.
"އެކަން ކޮށްފައިވާ ގޮތުން އެމަސައްކަތް ހައްލުކުރަން ބުރަ މަސައްކަތްތަކެއް ކުރަންޖެހޭ، ރެއާއި ދުވާލު އެމަސައްކަތް މިދަނީ ކުރަމުން،" ރައީސް ވިދާޅުވިއެވެ.
ރައީސް ވިދާޅުވީ ކުރީގެ ސަރުކާރުން ގެއްލުވާލި ކަނޑުގެ ސަރަހައްދު ހޯދުމަށް ކުރަންޖެހޭ މަސައްކަތް ކުރައްވަމުން ގެންދަވާ ކަމަށެވެ. އެގޮތުން ރައީސް މުޢިއްޒު ވިދާޅުވީ މި ސަރުކާރު ފެށުނީއްސުރެ މިކަމަށް ހާއްސަކޮށް އެޓާނީ ޖެނެރަލް އޮފީހުގެ މުވައްޒަފަކު އދ. ގައި ހުންނާނެ ކަމަށެވެ.
ރައީސް ވިދާޅުވީ ޗާގޮސް އަކީ ރާއްޖޭގެ ތާރިޚާ ގުޅުން ވަރަށް ބޮޑަށް އޮތްތަނެއް ކަމަށާއި އެކަން ތާރިޚީ ލިޔެކިޔުންތަކުން ފެންނަން އެބަހުރި ކަމަށެވެ.
"އަޅުގަނޑުމެންގެ ތާރީހީ ގުޅުމެއް ވަރަށް ބޮޑަށް އޮތް ތަނަކަށް އެތަން ވާތީ، ރަސްމީކޮށް، ލިޔެކިޔުމުން، ސިޓީއިން، ދިވެހި ސަރުކާރުން މިހާރު ވާނީ އިނގިރޭސި ސަރުކާރަށް ސިޓީއެއް ފޮނުވާފަ، އެތަނަކީ އަޅުގަނޑުމެންގެ ރަސްރަސްކަލުންގެ ލިޔެކިޔުންތަކާއެކުގައި، ފެންނާންހުރި ލިޔެކިޔުންތަކާއެކުގައި، އެހެން ގައުމަކަށްވުރެ ދިވެހިރާއްޖެއަށް މާ އައުލާކަންބޮޑު ރާއްޖޭގެ ތަނެއްގެ ގޮތުގައި ވެސް ބެލިދާނެ ކަމަށް ތާރީހީ ގޮތުން ފެންނަން ހުރުމާއެކީގައި، އެކަން ފާހަގަކޮށް އަޅުގަނޑުމެން ވާނީ މިހާރު ސިޓީ ފޮނުވާފަ." ރައީސް މުޢިއްޒު ވިދާޅުވިއެވެ.
ކިޔުންތެރިންގެ ހިޔާލު