ފަހިދިރިއުޅުން ކޯޕަރޭޝަނުން އަޅަމުންދާ 4،000 ހައުސިން ޔުނިޓުގެ ހައްގުވެރިންގެ ލިސްޓަށް އެއްވެސް މީހަކު ބޭނުންވެގެން އުނިއިތުރެއް ނުގެނެވޭނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް މުޢިއްޒު މިހެން ވިދާޅުވީ ރައްޔިތުންގެ މަޖިލީހުގެ މެންބަރުންނާއި އެމަނިކުފާނު އިންނަވާ ވަޓްސްއަޕް ގުރޫޕެއްގައި ޕީއެންސީއަށް ނިސްބަތްވެވަޑައިގަންނަވާ މެންބަރަކު ކުރެއްވި ސުވާލަކަށް ޖަވާބު ދެއްވަމުންނެެވެ. އެ ވަޓްސް އަޕް ގުރޫޕްގައި ރައީސް މުޢިއްޒު ވިދާޅުވީ ފުލެޓު ލިސްޓާ ގުޅިގެން މަޖިލީހުގެ މެންބަރުންނަށް އެއްވެސް ނުފޫޒެއް ފޯރުވުމުގެ ފުރުސަތެއް ނުދެއްވާނެ ކަމަށެވެ.
ރައީސް އެގޮތަށް ވިދާޅުވީ ތިނަދޫ ދެކުނު ދާއިރާގެ މެންބަރު މުހައްމަދު އަލްސަން އެ ގުރޫޕަށް ކުރެއްވި މެސެޖާއި އެ މެސެޖަށް ފަހިދިރިއުޅުން ފުލެޓު ލިބޭ މީހުންގެ ލިސްޓު އާންމުކުރުމުގެ ކުރިން މެންބަރުން އެދިވަޑައިގަންނަވާ ގޮތަށް މެންބަރުންނަށް އެ ލިސްޓު ހިއްސާކުރާނެތޯ ސުވާލު ކުރެއްވުމުންނެެވެ.
އދ.ގެ އާންމު މަޖިލީހުގެ ޖަލްސާގައި ބައިވެރިވެވަޑައިގަތުމަށް އެމެރިކާގެ ނިއުޔޯކުގައި މިވަގުތު ހުންނެވި ރައީސް މުޢިއްޒު ވިދާޅުވީ އެ ލިސްޓުގައި ނަން އޮންނާނީ ކަނޑައެޅިފައިވާ އުސޫލުން ޕޮއިންޓު ދިނުމަށްފަހު އެންމެ މަތިން ލިބޭ މީހުންގެ ނަންތައް އެކަނި ކަމަށެވެ. އަދި އެއްވެސް މީހެއްގެ ނަން ލިސްޓަށް އިތުރުކުރަން އެއްވެސް ބޭފުޅަކަށް ފުރުސަތު ނުދެއްވާނެ ކަމަށް ރައީސް މުޢިއްޒު ވިދާޅުވިއެވެ. ރައީސް ވިދާޅުވީ ކުރިން ބަޔަކު އެކަހަލަ ކަންކަމުގައި ވިޔާނުދާ ގޮތްގޮތަށް ކަންކޮށްފައި އޮތަސް އެގޮތަށް އެކަން ކުރުމަށް އެމަނިކުފާނު ރައީސްކަމުގައި ހުންނަވައިގެން ފުރުސަތު ނުދެއްވާނެ ކަމަށެވެ.
"އަޅުގަނޑު ނެތިން އެއްވެސް ފުރުސަތެއް ދޭކަށް ލިސްޓަށް އެއްވެސް ބޭފުޅެއްގެ ރިކުއެސްޓަށް ނަމެއް ލުމަށް، އެއް ޒަމާނެއްގައި ބަޔަކު އުޅުނު ވިޔާނުދާ ގޮތަށް ކަންކުރާކަށް އަޅުގަނޑު މި މަގާމުގައި ހުރެ ފުރުސަތެއް ނުދޭނަން. ސޮރީ!،" ފުލެޓް ލިސްޓާ ގުޅޭ ގޮތުން ރައީސް ފޮނުއްވި މެސެޖްގައި ވިދާޅުވިއެވެ.
ހައުސިން މިނިސްޓަރު ޑރ. އަލީ ހައިދަރު އަހުމަދު ދާދިފަހުން ވިދާޅުވީ ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭ ދެވަނަ ފިޔަވަހީގައި އިމާރާތްކުރާ 4،000 ފުލެޓު ލިބޭ މީހުންގެ ލިސްޓު ރިވިއުކޮށް ނިންމުމަށް ފަހު އަންނަ ހަފުތާ ތެރޭގައި ވަގުތީ ލިސްޓެއް އިއުލާނު ކުރާނެ ކަމަށެވެ. އަދި ވަގުތީ ލިސްޓު އިއުލާންކުރުމަށްފަހު އެ ލިސްޓަށް ޝަކުވާ ހުށައެޅުމުގެ ފުރުސަތު ވެސް ހުޅުވާލައި މިއަހަރު ނިމުމުގެ ކުރިން ހައްގުވެރި ފަރާތްތަކަށް ފުލެޓް ހަވާލުކުރާނެ ކަމަށް މިނިސްޓަރު ހައިދަރު ވިދާޅުވިއެވެ.
ރައީސް އެގޮތަށް ވިދާޅުވީ ތިނަދޫ ދެކުނު ދާއިރާގެ މެންބަރު މުހައްމަދު އަލްސަން އެ ގުރޫޕަށް ކުރެއްވި މެސެޖާއި އެ މެސެޖަށް ފަހިދިރިއުޅުން ފުލެޓު ލިބޭ މީހުންގެ ލިސްޓު އާންމުކުރުމުގެ ކުރިން މެންބަރުން އެދިވަޑައިގަންނަވާ ގޮތަށް މެންބަރުންނަށް އެ ލިސްޓު ހިއްސާކުރާނެތޯ ސުވާލު ކުރެއްވުމުންނެެވެ.
އދ.ގެ އާންމު މަޖިލީހުގެ ޖަލްސާގައި ބައިވެރިވެވަޑައިގަތުމަށް އެމެރިކާގެ ނިއުޔޯކުގައި މިވަގުތު ހުންނެވި ރައީސް މުޢިއްޒު ވިދާޅުވީ އެ ލިސްޓުގައި ނަން އޮންނާނީ ކަނޑައެޅިފައިވާ އުސޫލުން ޕޮއިންޓު ދިނުމަށްފަހު އެންމެ މަތިން ލިބޭ މީހުންގެ ނަންތައް އެކަނި ކަމަށެވެ. އަދި އެއްވެސް މީހެއްގެ ނަން ލިސްޓަށް އިތުރުކުރަން އެއްވެސް ބޭފުޅަކަށް ފުރުސަތު ނުދެއްވާނެ ކަމަށް ރައީސް މުޢިއްޒު ވިދާޅުވިއެވެ. ރައީސް ވިދާޅުވީ ކުރިން ބަޔަކު އެކަހަލަ ކަންކަމުގައި ވިޔާނުދާ ގޮތްގޮތަށް ކަންކޮށްފައި އޮތަސް އެގޮތަށް އެކަން ކުރުމަށް އެމަނިކުފާނު ރައީސްކަމުގައި ހުންނަވައިގެން ފުރުސަތު ނުދެއްވާނެ ކަމަށެވެ.
ހައުސިން މިނިސްޓަރު ޑރ. އަލީ ހައިދަރު އަހުމަދު ދާދިފަހުން ވިދާޅުވީ ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭ ދެވަނަ ފިޔަވަހީގައި އިމާރާތްކުރާ 4،000 ފުލެޓު ލިބޭ މީހުންގެ ލިސްޓު ރިވިއުކޮށް ނިންމުމަށް ފަހު އަންނަ ހަފުތާ ތެރޭގައި ވަގުތީ ލިސްޓެއް އިއުލާނު ކުރާނެ ކަމަށެވެ. އަދި ވަގުތީ ލިސްޓު އިއުލާންކުރުމަށްފަހު އެ ލިސްޓަށް ޝަކުވާ ހުށައެޅުމުގެ ފުރުސަތު ވެސް ހުޅުވާލައި މިއަހަރު ނިމުމުގެ ކުރިން ހައްގުވެރި ފަރާތްތަކަށް ފުލެޓް ހަވާލުކުރާނެ ކަމަށް މިނިސްޓަރު ހައިދަރު ވިދާޅުވިއެވެ.
ކިޔުންތެރިންގެ ހިޔާލު