'މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަންގެ ގާނޫނު'ގެ ނަމުގައި ރައްޔިތުންގެ މަޖިލީހަށް މިނިވަން މެންބަރަކު ހުށައަޅާފައިވާ ބިލު ގާނޫނެއްގެ ގޮތުގައި ފާސްވެއްޖެނަމަ، ނޫސްވެރިކަމުގެ ދާއިރާގައި ރާއްޖެ ހާސިލްކޮށްފައިވާ ކުރިއެރުމާއި ކާމިޔާބީތައް އެތައް ގުނައަކުން ފަހަތަށް ޖައްސާލާނެކަމުގެ ކަންބޮޑުވުން އެބަ އޮތްކަމަށް އެމްޑީޕީން ބުނެފިއެވެ.
މޯލްޑިވްސް ބްރޮޑްކާސްޓިން ކޮމިޝަން (އެމްބީސީ) އާއި މޯލްޑިވްސް މީޑިއާ ކައުންސިލް (އެމްއެމްސީ) އެއްކޮށްލައި އާ ކޮމިޝަނެއް އުފައްދައި، ވަކިވަކި ނޫސްވެރިން 10،000 ރުފިޔާއާ ހަމައަށް ޖޫރިމަނާކުރެވޭ ގޮތަށް މަޖިލީހަށް މިހާރު ވަނީ ބިލެއް ހުށައަޅާފައެެވެ.
އެކަމާ ގުޅިގެން އެމްޑީޕީން މިރޭ ނެރުނު ނޫސްބަޔާނެއްގައި ބުނެފައިވަނީ މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ)ގެ މެމްބަރުންނާ މިއަދު އެ ޕާޓީން ބައްދަލުކޮށްފައި ވާކަމަށެވެ. އަދި އެ ބައްދަލުވުމުގައި، މި ބިލާ މެދު ނޫސްވެރިންގެ ހުރި ގިނަ ކަންބޮޑުވުންތަކެއް ޕާޓީއާ ހިއްސާކޮށްފައި ވާކަމަށް އެމްޑީޕީން ބުނެއެވެ.
އެމްޑީޕީގެ ނޫސްބަޔާނުގައި ފާހަގަކޮށްފައިވާގޮތުން ނޫސްވެރިންގެ ފަރާތުން ހިއްސާކުރި އެންމެ ބޮޑު އެއް ކަންބޮޑުވުމަކީ، މޯލްޑިވްސް މީޑިއާ ކައުންސިލް އުވައިލައި މީޑިއާތައް ރެގިއުލޭޓްކުރުމުގެ ބާރު ސަރުކާރުގެ ކޮންޓްރޯލް އޮންނަ ގޮތަށް އެކުލަވައިލާ މީޑިއާ ކޮމިޝަނަށް ދޭ ގޮތަށް އޮތް އޮތުމެވެ.
އެމްޑީޕީ ބުނީ ކޮމިޝަނުގައި ހިމެނޭ ހަތް މެމްބަރުންގެ ތެރެއިން ހަތަރު މެމްބަރުންނަކީ ސީދާ ރައީސުލްޖުމްހޫރިއްޔާ އައްޔަނުކުރައްވާ މެމްބަރުން ކަމަށެވެ. މީގެ އިތުރުން، ކޮމިޝަންގެ ރައީސް އަދި ނާއިބު ރައީސަކު ކަނޑައެޅުމުގެ ބާރު ވެސް ދީފައިވަނީ ރައީސުލްޖުމްހޫރިއްޔާއަށް ކަން އެމްޑީޕީން ފާހަގަކޮށްފަައިވެއެވެ.
އެމްޑީޕީން އިތުރަށް ބުނީ ނޫސްވެރިކަމުގެ މިނިވަންކަން ކުރިއެރުވުމަކީ، އެބިލުގެ އިސް އެއް މަގުސަދު ކަމަށް ބަޔާންކޮށްފައިވީ ނަމަވެސް ބިލުގެ އެންމެހައި މާއްދާތައް ފަރުމާކޮށްފައި ވަނީ، ނޫސްވެރިންގެ މަސައްކަތުގައި އެފަރާތްތަކަށް އޮންނަ އެންމެހައި މިނިވަންކަމެއް ހަނިކުރެވިގެންދާ ގޮތަށް ކަމަށެވެ.
އެމްޑީޕީގެ ބަޔާނުގައި ނޫސްވެރިން އަމަލުކުރަންޖެހޭ ސުލޫކީ މިންގަނޑާ ގުޅޭ ގޮތުން ބިލުގައި ހިމަނާފައި ހުރި ކަންކަމުގެ ތެރޭގައި، މީހެއްގެ ހުރުމަތާއި، އިއްޒަތާއި ގަދަރަށް އުނިކަން އަންނަ ބަސްތައް ޝާއިއުނުކުރުމާއި، ވަކި ފަރާތަކަށް ބުރަވުމެއްނެތި ޚަބަރު ގެނެސްދޭން ޖެހޭ ގޮތަށް މާއްދާތައް ހިމަނާފައި ވުމުގެ މަގުސަދަކީ ސަރުކާރުން ކުރާ ނޭދެވޭ ކަންކަމާއި ސަރުކާރަށް ފާޑުކިޔުން އަމާޒުވާ ގޮތަށް ގެނެސްދޭ ހަބަރުތައް ފެތުރުނަ ނުދިނުން ކަމުގައި ބުނެފައިވެެެއެވެ. އަދި މީޑިއާ ކޮމިޝަނުން ބޭނުންވެއްޖެ ނަމަ، މީޑިއާތަކާއި ނޫސްވެރިން ޖޫރިމަނާ ކުރެވޭ ގޮތަށް ބިލުގައި ހިމަނާފައިވާ މާއްދަތަކަކީ ވެސް، ކަނޑައެޅިގެން، ޚިޔާލުފާޅުކުރުމުގެ މިނިވަންކަމަށް ހުރަސްއަޅާ މާއްދާތަކެއް ކަމަށް އެމްޑީޕީގެ ބަޔާނުގައި ބުންޏެވެެ.
"މި ބިލު ގާނޫނެއްގެ ގޮތުގައި ފާސްވެގެން ގޮސްފިނަމަ، ނޫސްވެރިކަމުގެ ދާއިރާގައި ރާއްޖެ ހާސިލްކޮށްފައިވާ ކުރިއެރުމާއި ކާމިޔާބީތައް އެތަށް ގުނައަކުން ފަހަތަށް ޖައްސާލާނެކަމުގެ ކަންބޮޑުވުން ނޫސްވެރިންގެ މެދުގައި އޮތްކަން ފާހަގަކުރަން،" އެ ބަޔާނުގައި ވެއެވެ.
މީގެ އިތުރުން، މި ބިލު މިހާރު އޮތްގޮތަށް ފާސްކޮށްފި ނަމަ، ނޫސްވެރިކަމުގެ މިނިވަންކަން އިންތިހާ ދަރަޖައަށް ހަނިވެ، ނޫސްވެރިންގެ މަސައްކަތްތަކުގައި ގިނަ ގުނަ ގޮންޖެހުންތަކާ ކުރިމަލާންޖެހޭނެކަން ވެސް ނޫސްވެރިންގެ ވާހަކަތަކުން ފާހަގަވެފައިވާކަމަށް އެ ބަޔާނުގައި ވެއެވެ.
އެމްޑީޕީން ބުނީ ނޫސްވެރިންގެ ހުރި ކަންބޮޑުވުންތަކަށް ހައްލު ހޯދުމަށްޓަކައި އިދިކޮޅު ޕާޓީއެއްގެ ހައިސިއްޔަތުން، ކުރަންޖެހޭ ކަންކަން ކުރަން ނިންމާފައިވާ ކަމަށެވެ. އަދި ޚިޔާލުފާޅުކުރުމާއި، ދުލާއި ގަލަމުގެ މިނިވަންކަމުގެ ދިފާއުގައި އަޅަންޖެހުނު ކޮންމެ ފިޔަވަޅެއް އެޅުމުގައި ވެސް އެމްޑީޕީން ދެމި އޮންނާނެ ކަމުގެ ޔަގީންކަން އެޕާޓީން ވަނީ ދީފައެވެ.
އެމްޑީޕީން މިފަދަ ބަޔާނެއް ނެރެފައިވާއިރު މޯލްޑިވްސް ބްރޮޑްކާސްޓިން ކޮމިޝަން (އެމްބީސީ) އާއި މޯލްޑިވްސް މީޑިއާ ކައުންސިލް (އެމްއެމްސީ) އެއްކޮށްލައި އާ ކޮމިޝަނެއް އުފައްދައި، ވަކިވަކި ނޫސްވެރިން 10،000 ރުފިޔާއާ ހަމައަށް ޖޫރިމަނާކުރެވޭ ގޮތަށް ބިލެއް މަޖިލީހަށް ހުށަޅާފައިވަނީ އަމިއްލަ މެމްބަރެކެވެ.
މިކަމާގުޅިގެން ދާދިފަހުން ރައީސް މުޢިއްޒު ވިދާޅުވެފައިވަނީ ނޫސްތަކާއި މީޑިއާތައް ކޮންޓްރޯލް ކުރުމަކީ އެމަނިކުފާނު ގަބޫލުފުޅު ކުރައްވާ ހަމައެއް ނޫން ކަމަށެވެ. އަދި މާތް ވެގެންވާ އިސްލާމްދީނާއި ރާއްޖޭގެ ގާނޫނުއަސާސީއާ ހިލާފު ނުވާހާ ހިނދަކު ދިވެހި ދައުލަތުގެ ސިޔާދަތީ ބާރު ހިނގާ ސަރަޙައްދުގައި ކޮންމެ ދިވެއްސަކަށްވެސް އެމީހެއްގެ އަމިއްލަ މިނިވަންކަމާއެކު އެމީހަކު ބޭނުންކަމެއްކޮށް އުޅުމުގެ ހައްގު އޮންނާނެ ކަމަށް ރައީސް ވިދާޅުވިއެވެ.
އެމްޑީޕީން މިފަދަ ބަޔާނެއް ނެރުނު ނަމަވެސް ނިމިދިޔަ އެމްޑީޕީގެ ސަރުކާރުގައި ދުނިޔޭގެ ނިސްބަތުން ރާއްޖޭގެ ނޫސްވެރިކަން ގޮސްފައިވަނީ ފަހަތަށެވެ.
އެކަމާ ގުޅިގެން އެމްޑީޕީން މިރޭ ނެރުނު ނޫސްބަޔާނެއްގައި ބުނެފައިވަނީ މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ)ގެ މެމްބަރުންނާ މިއަދު އެ ޕާޓީން ބައްދަލުކޮށްފައި ވާކަމަށެވެ. އަދި އެ ބައްދަލުވުމުގައި، މި ބިލާ މެދު ނޫސްވެރިންގެ ހުރި ގިނަ ކަންބޮޑުވުންތަކެއް ޕާޓީއާ ހިއްސާކޮށްފައި ވާކަމަށް އެމްޑީޕީން ބުނެއެވެ.
އެމްޑީޕީގެ ނޫސްބަޔާނުގައި ފާހަގަކޮށްފައިވާގޮތުން ނޫސްވެރިންގެ ފަރާތުން ހިއްސާކުރި އެންމެ ބޮޑު އެއް ކަންބޮޑުވުމަކީ، މޯލްޑިވްސް މީޑިއާ ކައުންސިލް އުވައިލައި މީޑިއާތައް ރެގިއުލޭޓްކުރުމުގެ ބާރު ސަރުކާރުގެ ކޮންޓްރޯލް އޮންނަ ގޮތަށް އެކުލަވައިލާ މީޑިއާ ކޮމިޝަނަށް ދޭ ގޮތަށް އޮތް އޮތުމެވެ.
އެމްޑީޕީން އިތުރަށް ބުނީ ނޫސްވެރިކަމުގެ މިނިވަންކަން ކުރިއެރުވުމަކީ، އެބިލުގެ އިސް އެއް މަގުސަދު ކަމަށް ބަޔާންކޮށްފައިވީ ނަމަވެސް ބިލުގެ އެންމެހައި މާއްދާތައް ފަރުމާކޮށްފައި ވަނީ، ނޫސްވެރިންގެ މަސައްކަތުގައި އެފަރާތްތަކަށް އޮންނަ އެންމެހައި މިނިވަންކަމެއް ހަނިކުރެވިގެންދާ ގޮތަށް ކަމަށެވެ.
އެމްޑީޕީގެ ބަޔާނުގައި ނޫސްވެރިން އަމަލުކުރަންޖެހޭ ސުލޫކީ މިންގަނޑާ ގުޅޭ ގޮތުން ބިލުގައި ހިމަނާފައި ހުރި ކަންކަމުގެ ތެރޭގައި، މީހެއްގެ ހުރުމަތާއި، އިއްޒަތާއި ގަދަރަށް އުނިކަން އަންނަ ބަސްތައް ޝާއިއުނުކުރުމާއި، ވަކި ފަރާތަކަށް ބުރަވުމެއްނެތި ޚަބަރު ގެނެސްދޭން ޖެހޭ ގޮތަށް މާއްދާތައް ހިމަނާފައި ވުމުގެ މަގުސަދަކީ ސަރުކާރުން ކުރާ ނޭދެވޭ ކަންކަމާއި ސަރުކާރަށް ފާޑުކިޔުން އަމާޒުވާ ގޮތަށް ގެނެސްދޭ ހަބަރުތައް ފެތުރުނަ ނުދިނުން ކަމުގައި ބުނެފައިވެެެއެވެ. އަދި މީޑިއާ ކޮމިޝަނުން ބޭނުންވެއްޖެ ނަމަ، މީޑިއާތަކާއި ނޫސްވެރިން ޖޫރިމަނާ ކުރެވޭ ގޮތަށް ބިލުގައި ހިމަނާފައިވާ މާއްދަތަކަކީ ވެސް، ކަނޑައެޅިގެން، ޚިޔާލުފާޅުކުރުމުގެ މިނިވަންކަމަށް ހުރަސްއަޅާ މާއްދާތަކެއް ކަމަށް އެމްޑީޕީގެ ބަޔާނުގައި ބުންޏެވެެ.
މީގެ އިތުރުން، މި ބިލު މިހާރު އޮތްގޮތަށް ފާސްކޮށްފި ނަމަ، ނޫސްވެރިކަމުގެ މިނިވަންކަން އިންތިހާ ދަރަޖައަށް ހަނިވެ، ނޫސްވެރިންގެ މަސައްކަތްތަކުގައި ގިނަ ގުނަ ގޮންޖެހުންތަކާ ކުރިމަލާންޖެހޭނެކަން ވެސް ނޫސްވެރިންގެ ވާހަކަތަކުން ފާހަގަވެފައިވާކަމަށް އެ ބަޔާނުގައި ވެއެވެ.
އެމްޑީޕީން ބުނީ ނޫސްވެރިންގެ ހުރި ކަންބޮޑުވުންތަކަށް ހައްލު ހޯދުމަށްޓަކައި އިދިކޮޅު ޕާޓީއެއްގެ ހައިސިއްޔަތުން، ކުރަންޖެހޭ ކަންކަން ކުރަން ނިންމާފައިވާ ކަމަށެވެ. އަދި ޚިޔާލުފާޅުކުރުމާއި، ދުލާއި ގަލަމުގެ މިނިވަންކަމުގެ ދިފާއުގައި އަޅަންޖެހުނު ކޮންމެ ފިޔަވަޅެއް އެޅުމުގައި ވެސް އެމްޑީޕީން ދެމި އޮންނާނެ ކަމުގެ ޔަގީންކަން އެޕާޓީން ވަނީ ދީފައެވެ.
މިކަމާގުޅިގެން ދާދިފަހުން ރައީސް މުޢިއްޒު ވިދާޅުވެފައިވަނީ ނޫސްތަކާއި މީޑިއާތައް ކޮންޓްރޯލް ކުރުމަކީ އެމަނިކުފާނު ގަބޫލުފުޅު ކުރައްވާ ހަމައެއް ނޫން ކަމަށެވެ. އަދި މާތް ވެގެންވާ އިސްލާމްދީނާއި ރާއްޖޭގެ ގާނޫނުއަސާސީއާ ހިލާފު ނުވާހާ ހިނދަކު ދިވެހި ދައުލަތުގެ ސިޔާދަތީ ބާރު ހިނގާ ސަރަޙައްދުގައި ކޮންމެ ދިވެއްސަކަށްވެސް އެމީހެއްގެ އަމިއްލަ މިނިވަންކަމާއެކު އެމީހަކު ބޭނުންކަމެއްކޮށް އުޅުމުގެ ހައްގު އޮންނާނެ ކަމަށް ރައީސް ވިދާޅުވިއެވެ.
އެމްޑީޕީން މިފަދަ ބަޔާނެއް ނެރުނު ނަމަވެސް ނިމިދިޔަ އެމްޑީޕީގެ ސަރުކާރުގައި ދުނިޔޭގެ ނިސްބަތުން ރާއްޖޭގެ ނޫސްވެރިކަން ގޮސްފައިވަނީ ފަހަތަށެވެ.
ކިޔުންތެރިންގެ ހިޔާލު