ރާއްޖޭގައި ފުރަތަމަ ފަހަރަށް ހުޅުވި ޑިވެލޮޕްމެންޓް ބޭންކަކީ ރާއްޖޭގެ އިޤްތިޞާދުގެ މުހިންމު ތަނބަކަށްވާނެ ކަމަށް އިކޮންމިކް މިނިސްޓަރު މުޙައްމަދު ސަޢީދު މިރޭ ވިދާޅުވެއްޖެއެވެ.
ސަޢީދު މިހެން ވިދާޅުވީ ޑިވެލޮޕްމެންޓް ބޭންކް އޮފް މޯލްޑިވްސް އިފްތިތާޙްކުރުމަށް ރޭ ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ. އިކޮންމިކް މިނިސްޓަރު މުޙައްމަދު ސަޢީދު ވިދާޅުވީ، ޑިވެލޮޕްމެންޓް ބޭންކަކީ ރައީސް ޑރ. މުޙައްމަދު މުޢިއްޒުގެ ދުރުވިސްނޭ ސިޔާސަތުގެ ދަށުން އިޤްތިޞާދު ސިންދަފާތު ކުރުމަށް ކުރެވޭ މުހިންމު މަސައްކަތެއްކަމަށެވެ.
ސަޢީދު ވިދާޅުވީ އެ ބޭންކަކީ އިންފްރާސްޓްރަކްޗަރ މަޝްރޫޢުތަކަށް ފައިނޭންސް ދިނުމާއި، އަމިއްލަ ވިޔަފާރިތަކަށް އެހީތެރިވުމާއި، އިޤްތިޞާދީ ކުރިއެރުމަށް އަދި ދެމެހެއްޓެނިވި ގޮތެއްގައި ކުރިއަށް ގެންދިއުމުގައި މުހިންމު ދައުރެއް އަދާކުރާނެ ބޭންކެއްކަމަށެވެ. އަދި މިއީ ރާއްޖޭގެ އިޤްތިޞާދުގެ މުހިއްމު ތަނބަކަށް ވާނެކަމަށްވެސް މިނިސްޓަރު ވިދާޅުވިއެވެ.
މީގެ އިތުރުން ސަޢީދު ވިދާޅުވީ އެ ބޭންކަކީ ކާމިޔާބު ބޭންކަކަށް ހެދުމަށްޓަކައި މުހިއްމު މަސައްކަތްތަކެއް ކުރަން ޖެހޭނެ ކަމަށެވެ. އަދި ޑިވަލޮޕްމެންޓް ބޭންކާއެކު އެހެން މާލީ ޚިދުމަތްތައް ފުޅާ ކުރުމަށްވެސް އެހީތެރިވާނެ ކަމަށާއި އޭގެ ތެރޭގައި އިންވެސްޓްމެންޓް ބޭންކިންއާއި ހޯލްސޭލް ބޭންކިންއާއި އެސެޓް މެނޭޖްމެންޓް ކުންފުނިތަކާއި ހެޖް ފަންޑުތަކާއި މެރިޓައިމް އިންޝުއަރެންސް ސަރވިސަސްއާއި އިސްލާމިކް ފައިނޭންސް ފަދަ ޚިދުމަތްތައް ފެށުމަށް އެހީތެރިވާނެ ކަން މިނިސްޓަރު ފާހަގަކުރެެއްވިއެވެ.
މިނިސްޓަރު ސަަޢީދު އިތުރަށް ވިދާޅުވީ މާލީ ދާއިރާ ފުޅާކޮށް، ފަހި މާހައުލެއް ޤާއިމް ކުރުމަށް ފައިނޭންޝަލް ސެންޓަރާ ގުޅޭ ބިލެއް މަޖިލީހަށް ފޮނުވާނެ ކަމަށެވެ. އަދި ކުރިއަށް އޮތް ދެތިން ހަފްތާ ތެރޭގައި މަޖިލީހަށް އެބިލް ފޮނުވާނެ ކަމަށް ސަޢީދު ވިދާޅުވިއެވެ. އަދި އިންޓަރނޭޝަނަލް ފައިނޭންޝަލް ސެންޓަރު ހެދުމަށް ޤަޠަރު ފައިނޭންޝަލް ސެންޓަރާއި ދުބާއީ ފައިނޭންޝަލް ސެންޓަރާއި އަބޫދާބީ ގްލޯބަލް މާކެޓުގެ އެހީތެރިކަން ލިބޭނެކަމަށް ސައީދު ވަނީ ވިދާޅުވެފައެވެ.
ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑަކީ ދިވެހި ސަރުކާރުގެ ސައްތައިންސައްތަ ޙިއްޞާ އެކުލެވިގެންވާ، ސަރުކާރުގެ ބޭންކެކެވެ.
ސަރުކާރުން ބުނީ މި ބޭންކަކީ ސަރުކާރުގެ ސިޔާސަތުތަކާ އެއްގޮތްވާ ގޮތުގެ މަތީން، ދެމެހެއްޓެނިވި އިޤްތިޞާދީ އަދި އިޖުތިމާޢީ ތަރައްޤީއަށް އިންވެސްޓުކުރުމާއި، ޢުމްރާނީ ތަރައްޤީއަށް ބޭނުންވާ ފައިސާ ހޯދުމާއި، ސިންޑިކޭޝަން ފައިނޭންސް މެދުވެރިކޮށް ޕީ.އެސް.އައި.ޕީ މަޝްރޫޢުތަކަށް ފައިސާ ފޯރުކޮށްދިނުމުގައި ދިމާވާ ގޮންޖެހުންތައް ޙައްލުކުރުމާއި، ދިވެހިރާއްޖޭގެ ބޭންކިންގ ނިޒާމުގައި ބޭރު ފައިސާ ބެހެއްޓުމުގެ ޝައުޤުވެރިކަން އިތުރުކުރުމުގެ ބޭނުމުގައި އުފެއްދެވި ބޭންކެއް ކަމަށެވެ. މި ބޭންކްގެ ޚިދުމަތް ފެށުމުން، އިޤްތިޞާދީ އަދި މާލީ ކުރިއެރުމަށް ބޭނުންވާ ދިގު މުއްދަތުގެ ފައިނޭންސިންގެ ޚިދުމަތް ދިވެހިރާއްޖޭގައި ތަޢާރަފު ވެގެންދާނެ ކަމަށާއި މި ބޭންކް ހުޅުވުމަކީ ދިވެހިރާއްޖޭގެ މާލީ ދާއިރާ ހަރުދަނާކަމާއެކު ފުޅާކޮށް ތަރައްޤީ ކުރުމަށް އެޅިގެންދާނެ މުހިންމު ފިޔަވަޅެއް ކަމަށް ސަރުކާރުން ބުނެއެވެ.
ސަޢީދު ވިދާޅުވީ އެ ބޭންކަކީ އިންފްރާސްޓްރަކްޗަރ މަޝްރޫޢުތަކަށް ފައިނޭންސް ދިނުމާއި، އަމިއްލަ ވިޔަފާރިތަކަށް އެހީތެރިވުމާއި، އިޤްތިޞާދީ ކުރިއެރުމަށް އަދި ދެމެހެއްޓެނިވި ގޮތެއްގައި ކުރިއަށް ގެންދިއުމުގައި މުހިންމު ދައުރެއް އަދާކުރާނެ ބޭންކެއްކަމަށެވެ. އަދި މިއީ ރާއްޖޭގެ އިޤްތިޞާދުގެ މުހިއްމު ތަނބަކަށް ވާނެކަމަށްވެސް މިނިސްޓަރު ވިދާޅުވިއެވެ.
President Dr @MMuizzu attended the inauguration of the Development Bank of Maldives Limited (DBM). On October 13, 2024, @MMA_Maldives granted DBML its banking license, marking a significant milestone for the Maldives’ financial sector.
— The President's Office (@presidencymv) November 16, 2024
Fully owned by the Government of Maldives,… pic.twitter.com/cRjCx81yie
މިނިސްޓަރު ސަަޢީދު އިތުރަށް ވިދާޅުވީ މާލީ ދާއިރާ ފުޅާކޮށް، ފަހި މާހައުލެއް ޤާއިމް ކުރުމަށް ފައިނޭންޝަލް ސެންޓަރާ ގުޅޭ ބިލެއް މަޖިލީހަށް ފޮނުވާނެ ކަމަށެވެ. އަދި ކުރިއަށް އޮތް ދެތިން ހަފްތާ ތެރޭގައި މަޖިލީހަށް އެބިލް ފޮނުވާނެ ކަމަށް ސަޢީދު ވިދާޅުވިއެވެ. އަދި އިންޓަރނޭޝަނަލް ފައިނޭންޝަލް ސެންޓަރު ހެދުމަށް ޤަޠަރު ފައިނޭންޝަލް ސެންޓަރާއި ދުބާއީ ފައިނޭންޝަލް ސެންޓަރާއި އަބޫދާބީ ގްލޯބަލް މާކެޓުގެ އެހީތެރިކަން ލިބޭނެކަމަށް ސައީދު ވަނީ ވިދާޅުވެފައެވެ.
ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑަކީ ދިވެހި ސަރުކާރުގެ ސައްތައިންސައްތަ ޙިއްޞާ އެކުލެވިގެންވާ، ސަރުކާރުގެ ބޭންކެކެވެ.
ސަރުކާރުން ބުނީ މި ބޭންކަކީ ސަރުކާރުގެ ސިޔާސަތުތަކާ އެއްގޮތްވާ ގޮތުގެ މަތީން، ދެމެހެއްޓެނިވި އިޤްތިޞާދީ އަދި އިޖުތިމާޢީ ތަރައްޤީއަށް އިންވެސްޓުކުރުމާއި، ޢުމްރާނީ ތަރައްޤީއަށް ބޭނުންވާ ފައިސާ ހޯދުމާއި، ސިންޑިކޭޝަން ފައިނޭންސް މެދުވެރިކޮށް ޕީ.އެސް.އައި.ޕީ މަޝްރޫޢުތަކަށް ފައިސާ ފޯރުކޮށްދިނުމުގައި ދިމާވާ ގޮންޖެހުންތައް ޙައްލުކުރުމާއި، ދިވެހިރާއްޖޭގެ ބޭންކިންގ ނިޒާމުގައި ބޭރު ފައިސާ ބެހެއްޓުމުގެ ޝައުޤުވެރިކަން އިތުރުކުރުމުގެ ބޭނުމުގައި އުފެއްދެވި ބޭންކެއް ކަމަށެވެ. މި ބޭންކްގެ ޚިދުމަތް ފެށުމުން، އިޤްތިޞާދީ އަދި މާލީ ކުރިއެރުމަށް ބޭނުންވާ ދިގު މުއްދަތުގެ ފައިނޭންސިންގެ ޚިދުމަތް ދިވެހިރާއްޖޭގައި ތަޢާރަފު ވެގެންދާނެ ކަމަށާއި މި ބޭންކް ހުޅުވުމަކީ ދިވެހިރާއްޖޭގެ މާލީ ދާއިރާ ހަރުދަނާކަމާއެކު ފުޅާކޮށް ތަރައްޤީ ކުރުމަށް އެޅިގެންދާނެ މުހިންމު ފިޔަވަޅެއް ކަމަށް ސަރުކާރުން ބުނެއެވެ.
ކިޔުންތެރިންގެ ހިޔާލު