ގައުމަށްޓަކައި ރައީސް އަޅުއްވާ ފިޔަވަޅުތަކާ ގުޅިގެން ރައްޔިތުންގެ މަޖިލީހުގެ ރައީސް އަބްދުއް ރަހީމް އަބްދުﷲ ރައީސް ޑރ. މުހައްމަދު މުއިއްޒުއަށް ވަރަށް ބޮޑަށް ތައުރީފް ކުރައްވައިފި އެވެ.
ރައީސް މުއިއްޒުގެ ވެރިކަަމަށް އެއް އަހަރު މިއަދު ފުރޭއިރު އަބްދުއް ރަހީމް މިއަދު ވަނީ ރައީސްއަށާއި ރައްޔިތުންނަށް ހެޔޮ އެދުންތައް އަރިސްކޮމުރައްވައި އެކްސްގައި ޕޯސްޓެއް ކުރައްވައިފަ އެވެ.
އެ ޕޯސްޓުގައި އަބްދުއް ރަހީމް ވަނީ ގައުމާއި ރައްޔިތުންގެ ހައްގުގައި ރައީސް މުއިއްޒު އަޅުއްވަމުން ގެންދަވާ ހަރުދަނާ ފިޔަވަޅުތަކަށާއި ނިންމަވާ މުހިންމު ނިންމެވުންތަކަށް ސާބަސް ދެއްވާފައެވެ.
"ރައީސް ޑރ.މުއިއްޒުގެ ޒައާމަތަށް ފަހިކަމާ ފާގަތިކަން މިންވަރު ކުރައްވާށި. އާމީން." މަޖިލީހުގެ ރައީސް ވިދާޅުވި އެވެ.
ރައީސް މުއިއްޒުގެ ވެރިކަމުގައި މީގެ ކުރިން އެހެން އެއްވެސް ރައީސަކު ނާޅުއްވާފަދަ މުުހިންމު ފިޔަވަޅުތައް އެމަނިކުފާނު ދަނީ އަޅުއްވަމުން ނެެވެ.
ޖުމްހޫރީ ދުވަހުގެ މުނާސަބަތާ ގުޅިގެން އެންމެ ފަހުން ބޭއްވި ޖަލްސާގައި ވެސް ރައީސް މުއިއްޒު ވަނީ އެ ފިިޔަވަޅުތަކުގެ މައްޗަށް އަލިއަޅުއްވާލައްވައިފަ އެވެ. ރައީސް ވިދާޅުވީ ފަސޭހައަކަށްޓަކައި، ކޮމްފަރޓް ޒޯނުގައި ކުރިއަށް ދިއުމަށްޓަކައި، މިދިޔަ ޒަމާންތަކުގައި އަޅައިނުލައި ހުރި ގިނަ ކަންތައްތަކެއް އެބަހުރި ކަމަށާއި ރައްޔިތުންގެ ހާދިމެއްގެ ގޮތުގައި ހުރެގެން، ވެރިކަން ކުރާނަމަ އެކަންކަން ހައްލުކުރަން ޖެހޭނެ ކަމަށެވެ.
"ގިނަ ދުވަސްތަކެއް ވަންދެން އަތްނުލާހުރި ބޮޑެތި މައްސަލަތައް ހައްލުކުރެވޭތޯ އަޅުގަނޑު ބަލަމުން މި އަންނަނީ. އެހެންވީމާ، ޑްރަގްގެ މައްސަލަ ޙައްލުކުރުމަށްޓަކައި ތެދުވީ، އެހެންވީމާ، މި ތަނުގައި އޮތް ގޭންގް މާރާމާރީގެ މައްސަލަ ހައްލުކުރުމަށްޓަކައި އަޅުގަނޑުމެން ތެދުވީ، އެހެންވީމާ، ވޭޕް މަނާކުރުމަށް އަޅުގަނޑުމެން ނިންމީ، އެހެންވީމާ، މިތަނުގައި އޮތް ބޭހުގެ މާފިޔާ ނައްތާލަން ތެދުވީ، އެހެންވީމާ، މިތަނުގައި ވަކި ބައެއްގެ ބާރުގެ ދަށުގައި ޑޮލަރުގެ ކަޅު ބާޒާރު އޮތް އޮތުން ނިމުމަކަށް ގެނެސް، ރައްޔިތުންނަށް ޑޮލަރުގެ މުއްސަނދިކަން ގެނެސްދިނުމަށް ނިންމީ. މިފަދަ އެތައް ކަމެއް އިރާދަކުރެއްވިއްޔާ ކުރެވޭތޯ ކުރަމުން މިދަނީ." ޖުމްހޫރީ ދުވަހުގެ ޖަލްސާގައި ރައީސް ވިދާޅުވި އެވެ.
އެ ޕޯސްޓުގައި އަބްދުއް ރަހީމް ވަނީ ގައުމާއި ރައްޔިތުންގެ ހައްގުގައި ރައީސް މުއިއްޒު އަޅުއްވަމުން ގެންދަވާ ހަރުދަނާ ފިޔަވަޅުތަކަށާއި ނިންމަވާ މުހިންމު ނިންމެވުންތަކަށް ސާބަސް ދެއްވާފައެވެ.
"ރައީސް ޑރ.މުއިއްޒުގެ ޒައާމަތަށް ފަހިކަމާ ފާގަތިކަން މިންވަރު ކުރައްވާށި. އާމީން." މަޖިލީހުގެ ރައީސް ވިދާޅުވި އެވެ.
ޖުމްހޫރީ ދުވަހުގެ މުނާސަބަތާ ގުޅިގެން އެންމެ ފަހުން ބޭއްވި ޖަލްސާގައި ވެސް ރައީސް މުއިއްޒު ވަނީ އެ ފިިޔަވަޅުތަކުގެ މައްޗަށް އަލިއަޅުއްވާލައްވައިފަ އެވެ. ރައީސް ވިދާޅުވީ ފަސޭހައަކަށްޓަކައި، ކޮމްފަރޓް ޒޯނުގައި ކުރިއަށް ދިއުމަށްޓަކައި، މިދިޔަ ޒަމާންތަކުގައި އަޅައިނުލައި ހުރި ގިނަ ކަންތައްތަކެއް އެބަހުރި ކަމަށާއި ރައްޔިތުންގެ ހާދިމެއްގެ ގޮތުގައި ހުރެގެން، ވެރިކަން ކުރާނަމަ އެކަންކަން ހައްލުކުރަން ޖެހޭނެ ކަމަށެވެ.
"ގިނަ ދުވަސްތަކެއް ވަންދެން އަތްނުލާހުރި ބޮޑެތި މައްސަލަތައް ހައްލުކުރެވޭތޯ އަޅުގަނޑު ބަލަމުން މި އަންނަނީ. އެހެންވީމާ، ޑްރަގްގެ މައްސަލަ ޙައްލުކުރުމަށްޓަކައި ތެދުވީ، އެހެންވީމާ، މި ތަނުގައި އޮތް ގޭންގް މާރާމާރީގެ މައްސަލަ ހައްލުކުރުމަށްޓަކައި އަޅުގަނޑުމެން ތެދުވީ، އެހެންވީމާ، ވޭޕް މަނާކުރުމަށް އަޅުގަނޑުމެން ނިންމީ، އެހެންވީމާ، މިތަނުގައި އޮތް ބޭހުގެ މާފިޔާ ނައްތާލަން ތެދުވީ، އެހެންވީމާ، މިތަނުގައި ވަކި ބައެއްގެ ބާރުގެ ދަށުގައި ޑޮލަރުގެ ކަޅު ބާޒާރު އޮތް އޮތުން ނިމުމަކަށް ގެނެސް، ރައްޔިތުންނަށް ޑޮލަރުގެ މުއްސަނދިކަން ގެނެސްދިނުމަށް ނިންމީ. މިފަދަ އެތައް ކަމެއް އިރާދަކުރެއްވިއްޔާ ކުރެވޭތޯ ކުރަމުން މިދަނީ." ޖުމްހޫރީ ދުވަހުގެ ޖަލްސާގައި ރައީސް ވިދާޅުވި އެވެ.
ކިޔުންތެރިންގެ ހިޔާލު