ހުވަދުއަތޮޅު ދެކުނުބުރީ ވާދޫން އެ އަތޮޅު ތިނަދޫ ސިޓީއަށް ދަތުރުކުރި އާރުޓީއެލް ފެރީއެއްގެ ތެރޭގައި އަންހެނަކު ވިހައިފިއެވެ.

މައުލޫމާތު ލިބިފައިވާގޮތުގައި ފެރީގައި ވިހާފައިވަނީ ވާދޫ ސްކޫލްގައި މަސައްކަތްކުރާ ބިދޭސީ ޓީޗަރެކެވެ. އޭނާ ދަތުރުކުރީ ތިނަދޫ ސިޓީގައި ހުންނަ ޢަބްދުއްސަމަދު މެމޯރިއަލް ހޮސްޕިޓަލަށް ދިޔުމަށްކަމަށްވެއެވެ.

އޭނާ ދަތުރަށް ފުރުމުގެ ކުރިން ދުވަހަކީ މޫސުން ގޯސް ދުވަހެއްކަމަށް ފެރީން ބުނި ނަމަވެސް، އޭނާގެ ސިއްހީ ހާލަތު ހުރިގޮތުން ނަރުހަކާއި ޑޮކްޓަރަކާއިއެކު ތިނަދޫ ސިޓީއަށް ދިޔުމަށް ދަތުރު ފެށީއެވެ.

އޭނާ ވިހާފައިވަނީ ދަތުރުމަތީއެވެ. އަދި ވިހޭއިރު ވެސް ކުއްޖާ މަރުވެފައިވާކަމަށް ވެއެވެ. ނަމަވެސް، އަންހެން މީހާގެ ހާލު ރަނގަޅު ކަމަށާއި އޭނާ މިހާރު އޮތީ ޢަބްދުއްސަމަދު މެމޯރިއަލް ހޮސްޕިޓަލްގައި ކަމަށް މައުލޫމާތު ލިބެއެވެ.