ރައީސުލްޖުމްހޫރިއްޔާގެ މަގާމަށް ވާދަ ކުރެއްވުމަށް ޝައުގުވެރިކަން ހުރިކަމަށް އެމްޑީޕީގެ ޗެއާޕާސަން ފައްޔާޒް އިސްމާއިލް މިރޭ ވިދާޅުވެއްޖެއެވެ.
ރާއްޖޭގެ މީޑިޔާއަކުން މިރޭ ގެނެސްދިން ޕްރޮގުރާމެއްގައި ވާހަކަ ދައްކަވަމުން އެމްޑީޕީގެ ޗެއާޕަރސަން ފައްޔާޒް އިސްމާއިލް ވިދާޅުވީ، ރިޔާސީ އިންތިޚާބުގައި ވާދަކުރެއްވުމުގެ ޝައުގުވެރިކަން ހުރި ކަމަށެވެ. އެހެން ނަމަވެސް 2028 ގެ ރިޔާސީ އިންތިޚާބުގައި ވާދަކުރުމާމެދު މިހާތަނަށް ގޮތެއް ނުނިންމާ ކަމަށް ފައްޔާޒު ވިދާޅުވިއެވެ.
"އަޅުގަނޑުގެ އިންޓްރެސްޓް އެބަހުރި. އެކަމަކު އޭގެ މާނައަކީ 2028 ގައި އެކަން ކުރަން ނިންމައިގެން އަޅުގަނޑު ހުރި ވާހަކައެއް ނޫން،" ފައްޔާޒް ވިދާޅުވިއެވެ.
މީގެ އިތުރުން ފައްޔާޒު ވިދާޅުވީ އޭނާ މަސައްކަތް ކުރައްވަނީ 2028 އާ ހަމައަށް މިހާރު އޮތް ސަރުކާރު ގާނޫނީ އިމުގެ ތެރެއިން ބަލި ކުރެވޭނެ ގޮތަކަށް ކަމަށެވެ. ފައްޔާޒު ވިދާޅުވީ 2028 ގައި މި ސަރުކާރު ބަލިކުރެވޭނެ ގޮތެއް ނުހޯދިއްޖެނަމަ ރައްޔިތުންނަށް މިނިވަންކަމާއެކު މިގައުމުގައި ނޫޅެވޭނެ ކަމަށެވެ. އަދި 2028 ގައި އެމްޑީޕީއަށް ވެރިކަން ހޯދައިދިނުމަށް ކުރަންޖެހޭ ހުރިހާކަމެއް ކުރަށްވާނެ ކަމަށް ފައްޔާޒު ވިދާޅުވިއެވެ.
ފައްޔާޒު ވިދާޅުވީ 2028 ގެ ރިޔާސީ ޕްރައިމަރީގައި އެމްޑީޕީގެ ފަރާތުން ގިނަ އަދަދެއްގެ ކެންޑިޑޭޓުން ވާދަކުރައްވާނެ ކަމަށް ބެލެވޭ ކަމަށެވެ. އަދި ރިޔާސީ ޕްރައިމަރީން ބަލިވާ ކެންޑިޑޭޓުން މޮޅުވާ ކެންޑިޑޭޓް ފަހަތަށް އަރައި އެމްޑީޕީއަށް ވެރިކަން ހޯދައިދިނުމަށް މަސައްކަތް ކުރާނެ ކަމަށް އުއްމީދު ކުރައްވާ ކަމަށް ފައްޔާޒު ވިދާޅުވިއެވެ.
ވެރިކަމަށް އަންނަން ޝައުގުވެރިކަން ހުރިކަމަށް ފައްޔާޒު ވިދާޅުވެފައިވާއިރު ކުރީގެ ރައީސް އިބްރާހިމް މުޙައްމަދު ޞާލިޙު ވަނީ އެމްޑީޕީގެ ޓިކެޓަށް ވާދަކުރަން ބޭނުންވާ ހަތަރު ފަސް ބޭފުޅަކު ތިބި ކަން ހާމަކުރަށްވާފައެވެ.
"އަޅުގަނޑުގެ އިންޓްރެސްޓް އެބަހުރި. އެކަމަކު އޭގެ މާނައަކީ 2028 ގައި އެކަން ކުރަން ނިންމައިގެން އަޅުގަނޑު ހުރި ވާހަކައެއް ނޫން،" ފައްޔާޒް ވިދާޅުވިއެވެ.
މީގެ އިތުރުން ފައްޔާޒު ވިދާޅުވީ އޭނާ މަސައްކަތް ކުރައްވަނީ 2028 އާ ހަމައަށް މިހާރު އޮތް ސަރުކާރު ގާނޫނީ އިމުގެ ތެރެއިން ބަލި ކުރެވޭނެ ގޮތަކަށް ކަމަށެވެ. ފައްޔާޒު ވިދާޅުވީ 2028 ގައި މި ސަރުކާރު ބަލިކުރެވޭނެ ގޮތެއް ނުހޯދިއްޖެނަމަ ރައްޔިތުންނަށް މިނިވަންކަމާއެކު މިގައުމުގައި ނޫޅެވޭނެ ކަމަށެވެ. އަދި 2028 ގައި އެމްޑީޕީއަށް ވެރިކަން ހޯދައިދިނުމަށް ކުރަންޖެހޭ ހުރިހާކަމެއް ކުރަށްވާނެ ކަމަށް ފައްޔާޒު ވިދާޅުވިއެވެ.
ވެރިކަމަށް އަންނަން ޝައުގުވެރިކަން ހުރިކަމަށް ފައްޔާޒު ވިދާޅުވެފައިވާއިރު ކުރީގެ ރައީސް އިބްރާހިމް މުޙައްމަދު ޞާލިޙު ވަނީ އެމްޑީޕީގެ ޓިކެޓަށް ވާދަކުރަން ބޭނުންވާ ހަތަރު ފަސް ބޭފުޅަކު ތިބި ކަން ހާމަކުރަށްވާފައެވެ.
ކިޔުންތެރިންގެ ހިޔާލު