ރައްޔިތުންގެ މަޖިލީހަށް އިންތިހާބުވާ މެންބަރުން ޕާޓީ ބަދަލު ކޮށްފިނަމަ މެންބަރުކަމުގެ ގޮނޑި ގެއްލޭ ގޮތަށް ގާނޫނު އަސާސީ އިސްލާހު ކުރަން ޕީއެންސީން ނިންމި ނިންމުމުގެ ސަބަބުން ހެޔޮ ވެރިކަމަކަށް މަގުފަހިވެގެންދާނެ ކަމަށް ސްޓެލްކޯގެ މެނޭޖިންގް ޑިރެކްޓަރ ހުސެއިން ފަހުމީ ވިދާޅުވެއްޖެއެވެ.
ގާނޫނު އަސާސީ އިސްލާހު ކުރުމަށް ރައްޔިތުންގެ މަޖިލިހުގެ މިއަދުގެ ޖަލްސާއަށް ހުށައަޅާފައިވަނީ ސަރުކާރު ހިންގާ ޕާޓީ ޕީޕަލްސް ނޭޝަނަލް ކޮންގްރެސް (ޕީއެންސީ) އިންނެވެ.
މިކަމާ ގުޅިގެން މީސްމީޑިއާގައި ސްޓެލްކޯގެ އެމްޑީ ފަހުމީ ވިދާޅުވީ ފްލޯ ކްރޮސިންގ ނުވަތަ ޕާޓީ ބަދަލު ކުރުން މަނާކުރުމަށް ޤާނޫނެއް ރައްޔިތުންގެ މަޖިލީހަށް ހުށަހަޅަން އިސްނެގި ކަމަށްޓަކައި ސަރުކާރަށް ޝުކުރު ދަންނަވާ ކަމަށެވެ. އަދި މިއީ ރާއްޖޭގެ ޑިމޮކްރަސީ ވަރުގަދަކުރުމަށާއި، މިހާރުގެ އެންޓި-ޑިފެކްޝަން ޤާނޫނު އިތުރަށް ހަރުދަނާކޮށް، ޒިންމާދާރު ފަރާތްތަށް އިތުރަށް ޖަވާބުދާރީވުމާއި ހާމަކަން ބޮޑުކުރުމަށް އެޅޭ މުހިންމު ފިޔަވަޅެއް ކަމަށް ވެސް ފަހުމީ ވިދާޅުވިއެވެ.
ފަހުމީ ވަނީ ދުނިޔޭގައި ކުރިއަރާފައިވާ ތަހުޒީބު މުޖުތަމަޢުތަކުން ފިލާވަޅު ލިބިގަނެ، މި ޤާނޫނު އަވަހަށް ފާސްކުރުމަށް އިސްކަންދިނުމަށް ހުރިހާ މެންބަރުންނަށްވެސް ގޮވާލައްވާފައެވެ.
"ދިވެހިރާއްޖޭގެ ރައްޔިތުންގެ މަޖިލީހުގައި ފްލޯ ކްރޮސިންގ މަނާކުރުމަކީ، ކޮރަޕްޝަނުން އެއްކިބާވެފައިވާ ޑިމޮކްރަސީއެއް ބިނާކުރުމަށާއި، ސިޔާސީ ހަމަޖެހުން އިތުރުކުރުމަށާއި، ޝަރުޢީ ދާއިރާގެ މިނިވަންކަން ހަރުދަނާކުރުމަށް މަގުފަހިކޮށްދޭނެ ބަދަލެއް ގެނެވިދާނެ އިޞްލާޙެއް. އިންތިޚާބުކޮށްފައިވާ މެންބަރުން އެމީހުންގެ ދައުރުގެ ތެރޭގައި ޕާޓީ ބަދަލުކުރުމަކީ، ރައްޔިތުންގެ އިތުބާރު ގެއްލުވާލައި، ވެރިކަން ހިންގުމަށް ހުރަސްއަޅައި، އަދި ގިނަ ފަހަރަށް ނޭދެވޭ ޢަމަލުތަކަށް މަގުފަހިކުރާ ކަމެއް." ފަހުމީ ވިދާޅުވެފައިވެއެވެ.
ހަމައެއާއެކު ފަހުމީ ވިދާޅުވީ މި ހުށަހަޅާފައިވާ އިސްލާޙުގެ ސަބަބުން އަމިއްލަ އެދުން އިސްކޮށް، ވަގުތީ މަންފާއަށް ޕާޓީ ބަދަލުކުރާ ކުރުން ހުއްޓިގެންދާނެ ކަމަށެވެ. އަދި ހަމައެހެންމެ މި އިސްލާޙުގެ ސަބަބުން ޤާނޫނު ހަދާ މަރުޙަލާގައި ހާމަކަން ބޮޑުކަމާއި ޖަވާބުދާރީވުން އިތުރުކޮށްދޭނެ ކަމަށާއި، ރައްޔިތުންގެ މަޖިލީހުގެ މެންބަރުން އެމީހުންގެ މެންޑޭޓާއި، އެމީހުން ޚިދުމަތްކުރާ ރައްޔިތުންނަށް ވަޢުދުވީ ކަންކަން ކުރުމުގައި ދެމިތިބޭނެކަން ކަށަވަރުކޮށްދީ، ސިޔާސީ މާޙައުލު ހަމަޖައްސައިދޭނެކަން ފަހުމީ ފާހަގަ ކުރެއްވިއެވެ.
"މީގެ އިތުރުން މި އިސްލާޙުގެ ސަބަބުން ޝަރުޢީ ދާއިރާގެ މިނިވަންކަން ވަރަށް ބޮޑަށް ކަށަވަރުކުރެވިގެންދާނެ. ދެފުށް ފެންނަ، ޒިންމާދާރު ޤާނޫނު ހަދާ މަޖިލީހެއް ދެމި އޮތުމަކީ ސިޔާސީ ނުފޫޒުން އެއްކިބާވެ، ޤާނޫނުތައް ނެގެހެއްޓުމުގެ ފުރުޞަތު ޝަރުއީ ދާއިރާއަށް ފަހިކުރާނެ ކަމެއް. އެހެން ޤައުމުތަކުގައި ހަދާފައިވާ މިފަދަ ޤާނޫނުތަކަކީވެސް ޒިންމާދާރު، ދެމެހެއްޓެނިވި، ހަމަޖެހޭ ޑިމޮކްރަސީއެއް ހިންގުމުގައި މުހިއްމު ދައުރެއް އަދާކުރާ އެއްޗެއްކަން ވަރަށް ހަމަކޮށް ދަނީ ފެންނަމުން." ފަހުުމީ ވިދާޅުވިއެވެ.
އޭގެ އިތުރުން ފަހުމީ ވިދާޅުވީ މިއީ ރާއްޖޭގެ ޑިމޮކްރެޓިކް އޮނިގަނޑު ހަރުދަނާކޮށް، ސިޔާސީ މުއައްސަސާތަކުގެ ނަޒާޙަތްތެރިކަން ރައްކާތެރިކުރުމަށް ލިބުނު ތާރީޚީ ފުރުޞަތެއް ކަމަށެވެ. އެހެންކަމުން ޤައުމަށް އުޖާލާ، ޒިންމާދާރު އަދި ނަޒާޙަތްތެރި މާދަމާއެއް ހޯދުމަށް މި ފުރުސަތުގެ ބޭނުން ހިއްޕެވުމަށް ފަހުމީ ވަނީ މަޖިލީހުގެ މެންބަރުންނަށް ގޮވާލައްވާފައެވެ.
މިކަމާ ގުޅިގެން މީސްމީޑިއާގައި ސްޓެލްކޯގެ އެމްޑީ ފަހުމީ ވިދާޅުވީ ފްލޯ ކްރޮސިންގ ނުވަތަ ޕާޓީ ބަދަލު ކުރުން މަނާކުރުމަށް ޤާނޫނެއް ރައްޔިތުންގެ މަޖިލީހަށް ހުށަހަޅަން އިސްނެގި ކަމަށްޓަކައި ސަރުކާރަށް ޝުކުރު ދަންނަވާ ކަމަށެވެ. އަދި މިއީ ރާއްޖޭގެ ޑިމޮކްރަސީ ވަރުގަދަކުރުމަށާއި، މިހާރުގެ އެންޓި-ޑިފެކްޝަން ޤާނޫނު އިތުރަށް ހަރުދަނާކޮށް، ޒިންމާދާރު ފަރާތްތަށް އިތުރަށް ޖަވާބުދާރީވުމާއި ހާމަކަން ބޮޑުކުރުމަށް އެޅޭ މުހިންމު ފިޔަވަޅެއް ކަމަށް ވެސް ފަހުމީ ވިދާޅުވިއެވެ.
ފަހުމީ ވަނީ ދުނިޔޭގައި ކުރިއަރާފައިވާ ތަހުޒީބު މުޖުތަމަޢުތަކުން ފިލާވަޅު ލިބިގަނެ، މި ޤާނޫނު އަވަހަށް ފާސްކުރުމަށް އިސްކަންދިނުމަށް ހުރިހާ މެންބަރުންނަށްވެސް ގޮވާލައްވާފައެވެ.
ހަމައެއާއެކު ފަހުމީ ވިދާޅުވީ މި ހުށަހަޅާފައިވާ އިސްލާޙުގެ ސަބަބުން އަމިއްލަ އެދުން އިސްކޮށް، ވަގުތީ މަންފާއަށް ޕާޓީ ބަދަލުކުރާ ކުރުން ހުއްޓިގެންދާނެ ކަމަށެވެ. އަދި ހަމައެހެންމެ މި އިސްލާޙުގެ ސަބަބުން ޤާނޫނު ހަދާ މަރުޙަލާގައި ހާމަކަން ބޮޑުކަމާއި ޖަވާބުދާރީވުން އިތުރުކޮށްދޭނެ ކަމަށާއި، ރައްޔިތުންގެ މަޖިލީހުގެ މެންބަރުން އެމީހުންގެ މެންޑޭޓާއި، އެމީހުން ޚިދުމަތްކުރާ ރައްޔިތުންނަށް ވަޢުދުވީ ކަންކަން ކުރުމުގައި ދެމިތިބޭނެކަން ކަށަވަރުކޮށްދީ، ސިޔާސީ މާޙައުލު ހަމަޖައްސައިދޭނެކަން ފަހުމީ ފާހަގަ ކުރެއްވިއެވެ.
"މީގެ އިތުރުން މި އިސްލާޙުގެ ސަބަބުން ޝަރުޢީ ދާއިރާގެ މިނިވަންކަން ވަރަށް ބޮޑަށް ކަށަވަރުކުރެވިގެންދާނެ. ދެފުށް ފެންނަ، ޒިންމާދާރު ޤާނޫނު ހަދާ މަޖިލީހެއް ދެމި އޮތުމަކީ ސިޔާސީ ނުފޫޒުން އެއްކިބާވެ، ޤާނޫނުތައް ނެގެހެއްޓުމުގެ ފުރުޞަތު ޝަރުއީ ދާއިރާއަށް ފަހިކުރާނެ ކަމެއް. އެހެން ޤައުމުތަކުގައި ހަދާފައިވާ މިފަދަ ޤާނޫނުތަކަކީވެސް ޒިންމާދާރު، ދެމެހެއްޓެނިވި، ހަމަޖެހޭ ޑިމޮކްރަސީއެއް ހިންގުމުގައި މުހިއްމު ދައުރެއް އަދާކުރާ އެއްޗެއްކަން ވަރަށް ހަމަކޮށް ދަނީ ފެންނަމުން." ފަހުުމީ ވިދާޅުވިއެވެ.
އޭގެ އިތުރުން ފަހުމީ ވިދާޅުވީ މިއީ ރާއްޖޭގެ ޑިމޮކްރެޓިކް އޮނިގަނޑު ހަރުދަނާކޮށް، ސިޔާސީ މުއައްސަސާތަކުގެ ނަޒާޙަތްތެރިކަން ރައްކާތެރިކުރުމަށް ލިބުނު ތާރީޚީ ފުރުޞަތެއް ކަމަށެވެ. އެހެންކަމުން ޤައުމަށް އުޖާލާ، ޒިންމާދާރު އަދި ނަޒާޙަތްތެރި މާދަމާއެއް ހޯދުމަށް މި ފުރުސަތުގެ ބޭނުން ހިއްޕެވުމަށް ފަހުމީ ވަނީ މަޖިލީހުގެ މެންބަރުންނަށް ގޮވާލައްވާފައެވެ.
ކިޔުންތެރިންގެ ހިޔާލު