ރައްޔިތުންގެ މަޖިލީހަށް އިންތިހާބުވާ މެންބަރުން ޕާޓީ ބަދަލު ކޮށްފިނަމަ މެންބަރުކަމުގެ ގޮނޑި ގެއްލޭ ގޮތަށް ވެރިކަންކުރާ ޕީއެންސީން ޤާނޫނު އަސާސީއަށް ހުށަހަޅާފައިވާ އިސްލާޙަކީ ދުސްތޫރީ ހުރިހާ މަބްދައުތަކާ ޚިލާފު އިޞްލާޙެއް ކަމަށް ދިވެހިރާއްޖޭގެ ކުރީގެ ނައިބުރައީސް ޑރ. މުޙައްމަދު ޖަމީލް އަޙްމަދު ވިދާޅުވެއްޖެއެވެ.
މީސްމީޑިއާގައި މިއަދު ޙިއްސާ ކުރެއްވި މެސެޖެއްގައި ޑރ. ޖަމީލް މިއަދު ވިދާޅުވީ ޕީއެންސީން ކުރަންއުޅޭ މަސައްކަތަކީ ހުރިހާ ބާރެއް ވެރިކަންކުރާ ޕާޓީއަަށް ލިބޭގޮތަށް ގާނޫނު އަސާސީ ބަދަލުކުރުން ކަމަށެވެ. އަދި އެކަމުގެ ނަތީޖާއާ އަކަށްވާނީ ގާނޫނު އަސާސީގައި ސަރުކާރަށް ފާރަވެރިވުމުގެ ގޮތުން، ރައްޔިތުންގެ މަޖްލިހުގެ މެމްބަރަކު ވާހަކަ ދައްކަވައިފިނަމަ ނުވަތަ ވޯޓްދީފިނަމަ، އޭނާ މަޖިލީހުގެ މެންބަރުކަމުން ވަކިކުރުން ކަމަށް ޑރ. ޖަމީލް ވިދާޅުވެއްޖެއެވެ.
"ދާއިރާގެ ޙައްގުގައި ނުވަތަ ގައުމީ މަޞްލަޙަތުގައިވެސް ޕާޓީއާ ދެކޮޅަށް ދެނެއް ވާހަކަ ނުދެއްކޭނެ. ރައްޔިތުންގެ ބާރު އެއްކޮށް ކެނޑުނީ!" ޑރ. ޖަމީލް ވިދާޅުވިއެވެ.
ދުނިޔޭގެ ކުރިއަރާފައިވާ ޤައުމުތަކުން މިސާލު ދައްކަވަމުން ޑރ. ޖަމީލް ވިދާޅުވީ އިނގިރޭސިވިލާތްފަދަ ގައުމުތަކުގައިވެސް މެމްބަރަކު ޕާޓީގެ ވިސްނުމާ ދެކޮޅަށް ވޯޓް ދިނުމުން ވަކިކުރެވޭނީ ޕާޓީން ކަމަށާއި ނަމަވެސް މެންބަރުކަމުގެ ގޮނޑި ނުގެއްލޭ ކަމަށެވެ.
"ރާއްޖޭގައިވެސް ޤ.އ 70 ވަނަ މާއްދާގެ ދަށުން ސަރުކާރު ޖަވާބުދާރީ ކުރުމަކީ މެމްބަރުންގެ ޒިއްމާކަމަށް ވާއިރު އެކަން ދެން ކުރާނީ ކިހިނެތް؟ ގައުމު ވިއްކަން ފާސްކުރަން ދިމާކޮށްފައިވާ ޙާލަތުގައިވެސް ޕާޓީއާއި ދެކޮޅަށް، ނުވަތަ ދާއިރާގެ ޙައްގުގައި ސަރުކާރާއި ދެކޮޅަށް ވާހަކަ ދައްކައިފިނަމަ، ޕާޓީން ވަކިކޮށް ގޮނޑި ގެއްލޭނެ. ދާއިރާގެ ޙައްގުގައި، ނުވަތަ ގައުމީ މަޞްލަޙަތުގައި ވާހަކަ ދެއްކުމުން ގޮނޑި ގެއްލުމަކީ ޢައިރު ދުސްތޫރީ ވިސްނުމެއް!" ޑރ. ޖަމީލް ވިދާޅުވެފައިވެއެވެ.
ހަމައެއާއެކު ޑރ. ޖަމީލް ވިދާޅުވީ ވެރިކަންކުރާ ޕީއެންސީން މަޖިލީހަށް ހުށަހަޅާފައިވާ އިސްލާޙަކީ ދުސްތޫރީ ހުރިހާ މަބްދައުތަކާ ޚިލާފު އިޞްލާޙެއް ކަމަށާއި އެ އިސްލާޙުގެ ސަބަބުން ޤާނޫނު އަސާސީން ތަޞައްވަރު ކޮށްދީފައިވާ ޗެކް އެންޑް ބެލެންސްގެ ހަމަ އެއްކޮށް ނެތިގެންދާނެ ކަމަށެވެ.
"މިއިސްލާޙު ގާނޫނު އަސާސީއާ ޚިލާފު! މިވެސް ގާނޫނީގޮތުން ޗެލެންޖް ކުރެވޭނެ ބޮޑު ބަޙުސެއް އޮތް ކަމެއް! އިޞްލާޙު ފާސްކުރިޔަސް ތިކަމެއް ނުނިމޭނެ!" ޕީއެންސީން ހުށައަޅާފައިވާ އިސްލާހަށް ފާޑުވިދާޅުވަމުން ޑރ. ޖަމީލް ވިދާޅުވެފައިވެއެވެ.
އޭގެ އިތުރުން ޑރ. ޖަމީލް ވިދާޅުވީ މިއަދު މިފެންނަނީ އެއްވެސް ބަޔަކަށް މަޖިލީހުގެ ސުޕަރ މެޖޯރިޓީއެއް ދިނުމުގެ ނުރައްކާ ކަމަށެވެ.
ޑރ. ޖަމީލް މިހެން ވިދާޅުވެފައިވާއިރު މަޖިލީހުގެ މެންބަރުން އިންތިޚާބުވެފައިވާ ޕާޓީ ބަދަލުކުރުމުން ގޮނޑި ގެއްލޭ އިސްލާޙް ގާނޫނުއަސާސީއަށް ގެންނަން ޕީއެންސީން މަޖިލީހަށް ހުށައެޅި މައްސަލަ މިއަދުގެ މަޖިލީހުގެ ޖަލްސާއަށް ވަނީ އެޖެންޑާ ކޮށްފައެވެ.
"ދާއިރާގެ ޙައްގުގައި ނުވަތަ ގައުމީ މަޞްލަޙަތުގައިވެސް ޕާޓީއާ ދެކޮޅަށް ދެނެއް ވާހަކަ ނުދެއްކޭނެ. ރައްޔިތުންގެ ބާރު އެއްކޮށް ކެނޑުނީ!" ޑރ. ޖަމީލް ވިދާޅުވިއެވެ.
ދުނިޔޭގެ ކުރިއަރާފައިވާ ޤައުމުތަކުން މިސާލު ދައްކަވަމުން ޑރ. ޖަމީލް ވިދާޅުވީ އިނގިރޭސިވިލާތްފަދަ ގައުމުތަކުގައިވެސް މެމްބަރަކު ޕާޓީގެ ވިސްނުމާ ދެކޮޅަށް ވޯޓް ދިނުމުން ވަކިކުރެވޭނީ ޕާޓީން ކަމަށާއި ނަމަވެސް މެންބަރުކަމުގެ ގޮނޑި ނުގެއްލޭ ކަމަށެވެ.
ހަމައެއާއެކު ޑރ. ޖަމީލް ވިދާޅުވީ ވެރިކަންކުރާ ޕީއެންސީން މަޖިލީހަށް ހުށަހަޅާފައިވާ އިސްލާޙަކީ ދުސްތޫރީ ހުރިހާ މަބްދައުތަކާ ޚިލާފު އިޞްލާޙެއް ކަމަށާއި އެ އިސްލާޙުގެ ސަބަބުން ޤާނޫނު އަސާސީން ތަޞައްވަރު ކޮށްދީފައިވާ ޗެކް އެންޑް ބެލެންސްގެ ހަމަ އެއްކޮށް ނެތިގެންދާނެ ކަމަށެވެ.
"މިއިސްލާޙު ގާނޫނު އަސާސީއާ ޚިލާފު! މިވެސް ގާނޫނީގޮތުން ޗެލެންޖް ކުރެވޭނެ ބޮޑު ބަޙުސެއް އޮތް ކަމެއް! އިޞްލާޙު ފާސްކުރިޔަސް ތިކަމެއް ނުނިމޭނެ!" ޕީއެންސީން ހުށައަޅާފައިވާ އިސްލާހަށް ފާޑުވިދާޅުވަމުން ޑރ. ޖަމީލް ވިދާޅުވެފައިވެއެވެ.
ޑރ. ޖަމީލް މިހެން ވިދާޅުވެފައިވާއިރު މަޖިލީހުގެ މެންބަރުން އިންތިޚާބުވެފައިވާ ޕާޓީ ބަދަލުކުރުމުން ގޮނޑި ގެއްލޭ އިސްލާޙް ގާނޫނުއަސާސީއަށް ގެންނަން ޕީއެންސީން މަޖިލީހަށް ހުށައެޅި މައްސަލަ މިއަދުގެ މަޖިލީހުގެ ޖަލްސާއަށް ވަނީ އެޖެންޑާ ކޮށްފައެވެ.
ކިޔުންތެރިންގެ ހިޔާލު