ރައްޔިތުންގެ މަޖިލީހުގެ މެންބަރުން ސިޔާސީ ޕާޓީ ބަދަލުކޮށްފިނަމަ މެންބަރުކަން ގެއްލޭގޮތަށް ޤާނޫނުއަސާސީ އަށް ބަދަލު ގެނައުމުގަައި އާ ކަމެއް ހިނގައިގެން ނޫޅޭކަމަށް އިކޮނޮމިކް މިނިސްޓަރު މުޙައްމަދު ސަޢީދު ވިދާޅުވެއްޖެއެެވެ.
ދައުލަތުގެ މީޑިޔާ ޕީއެސްއެމްގައި ވާހަކަދައްކަވަމުން އިކޮނޮމިކް މިނިސްޓަރު މުޙައްމަދު ސަޢީދު ވިދާޅުވީ ޤާނޫނުއަސާސީއަށް އިސްލާހު ގެނައުމުގައި ރާއްޖޭގައި އާކަމެއް ހިނގައިގެން ނޫޅޭ ކަމަށެވެ. ސަޢީދު ވިދާޅުވީ 19 ވަނަ މަޖިލީހުގައިވެސް މެންބަރު ތަމްސީލްކުރަމުންދާ ޕާޓީ ބަދަލުކޮށްފިނަމަ ގޮނޑި ގެއްލޭގޮތަށް އެންޓި ޑިފެކްޝަންގެ ޤާނޫނަށް އިސްލާޙުގެނައި ކަމަށެވެ. އަދި އޭރު އެމްޑީޕީގެ މަޖިލިސް މެންބަރުން އެބިލަށް ތާއީދުކޮށްފައިވާ ކަމަށް ސަޢީދު ވިދާޅުވިއެވެ. ސަޢީދު އިތުރަށް ވިދާޅުވީ މަޖިލީހުގައި މެންބަރު ތަމްސީލްކުރާ ޕާޓީ ބަދަލުކޮށްފިނަމަ، މެންބަރުކަމުން ވަކިވާނެކަމަށް ބަޔާންކޮށް މިސަރުކާރުން ޤާނޫނުއަސާސީއަށް އިސްލާޙު ގެންނަނީ، އޭރު އެންޓި ޑިފެކްޝަންގެ ޤާނޫނަށް ގެނައި އިސްލާޙުގައި ހިމެނޭ ކަންކަމަށް އިތުރު ބާރުވެރިކަމެއް ދިނުމުގެ ގޮތުން ކަމަށެވެ.
"މި ޑިމޮކްރަޓިކް ޕްރޮސެސް ތެރޭގައި ހުރިހާ ސިޔާސީ ޕާޓީއަކުން ވެސް ގަބޫލުކޮށްފި، ފްލޯ ކްރޮސް ކުރުމަކީ ނުވަތަ ހޮވޭ ޕާޓީ ދޫކޮށް އަނެއް ޕާޓީއަށް ދިޔުމަކީ އެންމެ ރަނގަޅު ގޮތް ނޫންކަމަށް. އެހެން ގޮސްފިކަމަށް ވަންޏާ ގޮނޑި ގެެއްލެންޖެހޭކަން ހުރިހާ ޕާޓީއަކުން ގަބޫލުކޮށްފި. އެހެންވީމަ މިއަދު އެ އިސްލާހު ޤާނޫނުއަސާސީއަށް ގެނެސް ފާސްވެގެންދިޔައީ،" ސަޢީދު ވިދާޅުވިއެވެ.
މީގެ އިތުރުން މިނިސްޓަރު ސަޢީދު ވިދާޅުވީ ޕާޓީ ބަދަލުކުރުމުން ގޮނޑި ގެއްލޭ ގޮތް ހެދުމަށް އެމްޑީޕީގެ މެންބަރުން މީގެކުރިން ތާއީދުކުރުމަށްފަހު މިހާރު އެކަމަށް ދެކޮޅު ހެދުމުން ދޭހަވަނީ މީގެ ކުރިން އެންޓި ޑިފެކްޝަންގެ ޤާނޫނަށް އެމްޑީޕީން އިސްލާޙު ގެނައީ ރަނގަޅު ނިޔަތެއް އޮވެގެން ނޫންކަންކަމަށެވެ. ސަޢީދު ވިދާޅުވީ ކުރީގެ ރައީސް ޔާމިންގެ ސަރުކާރުގައި އެންޓި ޑިފެކްޝަން ޤާނޫނެއް ގެންނަން އުޅުމުން އެމްޑީޕީން އޭރު އެކަމާ ދެކޮޅު ހެދިކަމަށެވެ.
"އޭގެފަހުން 2023 ވަނަ އަހަރު މަޖިލީހުގެ މެޖޯރިޓީ އެމްޑީޕީއަށް ގެއްލެން އުޅޭހެން ހީވީމަ، އަވަސް އަރުވާލައިގެން އެ ޕާޓީން ޤާނޫނު އިސްލާހުކުރީ. އެހެންވީމަ ޙަޤީޤަތުގައި މި އިސްލާހުގެ ސަބަބުން ހުރިހާ ޕާޓީއަކަށްވެސް ފައިދާކުރާނެ. އެއްވެސް ސިޔާސީ ޕާޓީއަކަށް ނޯންނާނެ މި އިސްލާޙާ ދެކޮޅަށް ވާހަކަދެއްކުމުގެ ލައިސަންސެއް." މަޖިލީހުގެ މާވަށު ދާއިރާގެ މެންބަރުކަން ވެސް ކުރައްވާފައިވާ ސަޢީދު ވިދާޅުވިއެވެ.
"މި ޑިމޮކްރަޓިކް ޕްރޮސެސް ތެރޭގައި ހުރިހާ ސިޔާސީ ޕާޓީއަކުން ވެސް ގަބޫލުކޮށްފި، ފްލޯ ކްރޮސް ކުރުމަކީ ނުވަތަ ހޮވޭ ޕާޓީ ދޫކޮށް އަނެއް ޕާޓީއަށް ދިޔުމަކީ އެންމެ ރަނގަޅު ގޮތް ނޫންކަމަށް. އެހެން ގޮސްފިކަމަށް ވަންޏާ ގޮނޑި ގެެއްލެންޖެހޭކަން ހުރިހާ ޕާޓީއަކުން ގަބޫލުކޮށްފި. އެހެންވީމަ މިއަދު އެ އިސްލާހު ޤާނޫނުއަސާސީއަށް ގެނެސް ފާސްވެގެންދިޔައީ،" ސަޢީދު ވިދާޅުވިއެވެ.
"އޭގެފަހުން 2023 ވަނަ އަހަރު މަޖިލީހުގެ މެޖޯރިޓީ އެމްޑީޕީއަށް ގެއްލެން އުޅޭހެން ހީވީމަ، އަވަސް އަރުވާލައިގެން އެ ޕާޓީން ޤާނޫނު އިސްލާހުކުރީ. އެހެންވީމަ ޙަޤީޤަތުގައި މި އިސްލާހުގެ ސަބަބުން ހުރިހާ ޕާޓީއަކަށްވެސް ފައިދާކުރާނެ. އެއްވެސް ސިޔާސީ ޕާޓީއަކަށް ނޯންނާނެ މި އިސްލާޙާ ދެކޮޅަށް ވާހަކަދެއްކުމުގެ ލައިސަންސެއް." މަޖިލީހުގެ މާވަށު ދާއިރާގެ މެންބަރުކަން ވެސް ކުރައްވާފައިވާ ސަޢީދު ވިދާޅުވިއެވެ.
ކިޔުންތެރިންގެ ހިޔާލު