ދިވެހިރާއްޖޭގެ ގައުމީ ދިފާއީބާރު (އެމްއެންޑީއެފް) އާ އަލަށް ގުޅުނު ސިފައިން ހުވައިކޮށް ހަތިޔާރާ ހަވާލުވެއްޖެއެވެ.
ދިފާއީ ވުޒާރާއިން ބުނީ އަލަށް ގުޅުނު ސިފައިން ހުވައިކޮށް ހަތިޔާރާ ހަވާލުވީ މި މަހުގެ 18 ވަނަ ދުވަހު ބަންޑާރަކޮށީ އޮޑިޓޯރިއަމްގައި އެކަމަށްޓަކައި ބޭއްވި ރަސްމިއްޔާތެއްގައި ކަމަށެވެ. މި ރަސްމިއްޔާތު ޝަރަފުވެރިކޮށްދެއްވައި، ހުވާ ކުރި ސިފައިންނަށް ބަޑި ހަވާލުކޮށްދެއްވީ ރައީސުލްޖުމްހޫރިއްޔާ އަދި ސިފައިންގެ އެންމެމަތީ ވެރިޔާ، ޑރ. މުހައްމަދު މުއިއްޒު ކަމަށް ވުޒާރާއިން ވަނީ ބުނެފައެވެ.
މި ރަސްމިއްޔާތުގައި ސިފައިންނަށް ހުވައިލައިދެއްވީ ސުޕްރީމް ކޯޓުގެ ފަނޑިޔާރު، ޑރ. މުހައްމަދު އިބްރާހީމްއެވެ. އަދި އަލަށް ގުޅުނު ސިފައިންނަށް ބަޑި ހަވާލުކުރާއިރު އަންގާ އެންގުން އިއްވަވައިދެއްވީ އެޖުޓަންޓް ޖެނެރަލް، ކާނަލް ހުސައިން އަލީއެވެ.
ދިފާއީ ވުޒާރާއިން ބުނީ މި ރަސްމިއްޔާތަށް ފަހު، ރައީސް މުއިއްޒު އެމްއެންޑީއެފްގެ އިސްމަގާމުތަކުގެ ސިފައިންނާ ބައްދަލުކުރައްވާފައިވާ ކަމަށެވެ.
މި ރަސްމިއްޔާތުގައި ދިފާއީ ވަޒީރު، މުހައްމަދު ޣައްސާން މައުމޫނާއި، ޗީފް އޮފް ޑިފެންސް ފޯސް، މޭޖަރ ޖެނެރަލް އިބްރާހީމް ހިލްމީއާއި، ވައިސް ޗީފް އޮފް ޑިފެންސް ފޯސް، ބްރިގޭޑިއާ ޖެނެރަލް އަހްމަދު ޣިޔާޘްއާއި، ޖެނެރަލް އޮފިސަރުންނާއި، އެމްއެންޑީއެފްގެ ސީނިއާ އޮފިސަރުން ބައިވެރިވެ ވަޑައިގެންނެވިއެވެ.
މި ރަސްމިއްޔާތުގައި ސިފައިންނަށް ހުވައިލައިދެއްވީ ސުޕްރީމް ކޯޓުގެ ފަނޑިޔާރު، ޑރ. މުހައްމަދު އިބްރާހީމްއެވެ. އަދި އަލަށް ގުޅުނު ސިފައިންނަށް ބަޑި ހަވާލުކުރާއިރު އަންގާ އެންގުން އިއްވަވައިދެއްވީ އެޖުޓަންޓް ޖެނެރަލް، ކާނަލް ހުސައިން އަލީއެވެ.
ދިފާއީ ވުޒާރާއިން ބުނީ މި ރަސްމިއްޔާތަށް ފަހު، ރައީސް މުއިއްޒު އެމްއެންޑީއެފްގެ އިސްމަގާމުތަކުގެ ސިފައިންނާ ބައްދަލުކުރައްވާފައިވާ ކަމަށެވެ.
މި ރަސްމިއްޔާތުގައި ދިފާއީ ވަޒީރު، މުހައްމަދު ޣައްސާން މައުމޫނާއި، ޗީފް އޮފް ޑިފެންސް ފޯސް، މޭޖަރ ޖެނެރަލް އިބްރާހީމް ހިލްމީއާއި، ވައިސް ޗީފް އޮފް ޑިފެންސް ފޯސް، ބްރިގޭޑިއާ ޖެނެރަލް އަހްމަދު ޣިޔާޘްއާއި، ޖެނެރަލް އޮފިސަރުންނާއި، އެމްއެންޑީއެފްގެ ސީނިއާ އޮފިސަރުން ބައިވެރިވެ ވަޑައިގެންނެވިއެވެ.
ކިޔުންތެރިންގެ ހިޔާލު