ވިލިމާލެ އާއި ހުޅުމާލޭގައިވެސް ދިވެހި ރައްޔިތެއްކަން އަންގައިދޭ ކާޑް ޕްރިންޓްކޮށް ދޫކުރުމުގެ ޚިދުމަތް ފަށައިފިއެވެ.
މީގެ ކުރިން ވެރިރަށް މާލެއިން އެކަނި ލިބޭ އައިޑީކާޑުގެ ޚިދުމަތް، ލާމަރުކަޒީ ނިޒާމުގެ ތެރެއިން ރައްޔިތުންނާއި ގާތުން ދެއްވުމަކީ ރައީސް ޑރ. މުހައްމަދު މުޢިއްޒުގެ ވައުދުފުޅެކެވެ. އެގޮތުން އައިޑީ ކާޑް ޕްރިންޓްކޮށް ދޫކުރުމާއި، ޕާސްޕޯޓު ދޫކުރުމުގެ ޚިދުމަތް ރައްޔިތުންނާ ގާތުން އަވަހަށް ފޯރުކޮށްދިނުމުގެ ކަންކަން މުޅި ރާއްޖެއަށް ފުޅާކުރުމުގެ މަޝްރޫއު އެމަނިކުފާނު އިފްތިތާހުކޮށްދެއްވީ މިމަހުގެ 16 ވަނަ ދުވަހުއެވެ.
ޑިޕާޓްމަންޓް އޮފް ނެޝަނަލް ރެޖިސްޓްރޭޝަނުން މިހާރު ވަނީ ވިލިމާލެ އީ-ބްލޮކް އަދި އުމަރު ޒާހިރު ބިލްޑިނގްގެ އިތުރުން ހުޅުމާލެ ވިނަރެސް ޓަވަރ 02ގެ ފުރަތަމަ ފަންގިފިލާއިން އައިޑީ ކާޑުގެ ޚިދުމަތް މިއަދު ދޭން ފަށާފައެވެ.
މީގެ ކުރިން ބޭނުން ކުރަމުން އައި އޮންލައިން ޕޯޓަލްގެ ބަދަލުގައި ޑީއެންއާރު އޮންލައިން ޕޯޓަލެއް ޤާއިމުކޮށް އަމިއްލައަށް ކާޑަށް ހުށަހެޅޭގޮތް މިދިޔަ އަހަރުގެ މާރިޗު މަހުގެ ތެރޭގައި ވަނީ ހަމަޖެހިގެން ގޮސްފައެވެ. އައިޑީ ކާޑު ޕްރިންޓުކުރުމަށް ފަހު، ޑީއެންއާރުން އެ މީހަކު ހުރި ރަށެއްގެ ކައުންސިލަށް ކާޑު ފޮނުވޭނެ ޚިދުމަތްވެސް މިއަހަރު ތަޢާރަފްކޮށްފައިވާކަން ފާހަގަކޮށްލަން ޖެހެއެވެ.
ޑިޕާޓްމަންޓް އޮފް ނެޝަނަލް ރެޖިސްޓްރޭޝަނުން މިހާރު ވަނީ ވިލިމާލެ އީ-ބްލޮކް އަދި އުމަރު ޒާހިރު ބިލްޑިނގްގެ އިތުރުން ހުޅުމާލެ ވިނަރެސް ޓަވަރ 02ގެ ފުރަތަމަ ފަންގިފިލާއިން އައިޑީ ކާޑުގެ ޚިދުމަތް މިއަދު ދޭން ފަށާފައެވެ.
މީގެ ކުރިން ބޭނުން ކުރަމުން އައި އޮންލައިން ޕޯޓަލްގެ ބަދަލުގައި ޑީއެންއާރު އޮންލައިން ޕޯޓަލެއް ޤާއިމުކޮށް އަމިއްލައަށް ކާޑަށް ހުށަހެޅޭގޮތް މިދިޔަ އަހަރުގެ މާރިޗު މަހުގެ ތެރޭގައި ވަނީ ހަމަޖެހިގެން ގޮސްފައެވެ. އައިޑީ ކާޑު ޕްރިންޓުކުރުމަށް ފަހު، ޑީއެންއާރުން އެ މީހަކު ހުރި ރަށެއްގެ ކައުންސިލަށް ކާޑު ފޮނުވޭނެ ޚިދުމަތްވެސް މިއަހަރު ތަޢާރަފްކޮށްފައިވާކަން ފާހަގަކޮށްލަން ޖެހެއެވެ.
ކިޔުންތެރިންގެ ހިޔާލު