ދެހާސް އަށާވީސް ވަނަ އަހަރު އޮންނަ ރިޔާސީ އިންތިޚާބުގައި ވާދަކުރެއްވުމާ މެދު ގޮތެއް ނިންމަން އަދި އަވަސް ކަމަށް އިދިކޮޅު އެމްޑީޕީގެ ރައީސް އަބްދުﷲ ޝާހިދު މިރޭ ވިދާޅުވެއްޖެއެވެ.
ރާއްޖެ ޓީވީގެ ޕްރޮގުރާމެއްގައި މިރޭ ވާހަކަފުޅު ދައްކަވަމުން އެމްޑީޕީގެ ރައީސް އަބްދުﷲ ޝާހިދު ވިދާޅުވީ، ރިޔާސީ އިންތިޚާބުގައި ވާދަކުރެއްވުމާ މެދު ގޮތެއް ނިންމަން އަދި އަވަސް ކަމަށެވެ. އަދި ޕާޓީގެ ރައީސްގެ ހައިސިއްޔަތުން އެމަނިކުފާނުގެ މިވަގުތު މުޅި 'ފޯކަސް' ހުރީ މި ސަރުކާރު ޖަވާބުދާރީކޮށް ކުރިއަށް އޮތް ލޯކަލް ކައުންސިލް އިންތިހާބު އެމްޑީޕީއަށް ކާމިޔާބު ކޮށްދިނުން ކަމަށް ޝާހިދު ވިދާޅުވިއެވެ.
"މިވަގުތަކީ އަޅުގަނޑުމެންގެ އެތެރޭގައި 2028 ގައި އޮންނަ ކަމެއްގައި އެދިމާލަށް އަޅުގަނޑުގެ މިސްރާބު ހިފައިގެން ކަމެއް ކުރާނެ ދަނޑިވަޅެއް ނޫން. އަޅުގަނޑުގެ މުޅި މިސްރާބު ހުންނާނީ 2026 ގައި މުޅި ރާއްޖެ ލޯކަލް ކައުންސިލް އިންތިހާބުގައި ރީނދޫކޮށްލުން، އެއްވެސް ހާލެއްގައި އަޅުގަނޑު ގަސްތެއް ނުކުރަން 2028ގައި އޮންނަ ކަމެއްގައި އަޅުގަނޑު ހުންނާނީ ކޮންތަނެއްގަތޯ މިއަދު ނިންމާކަށް،" އެމްޑީޕީގެ ރިޔާސީ ޕްރައިމަރީގައި ވާދަކުރަށްވާނަންތޯ ދެންނެވި ސުވާލަށް ޖަވާބު ދެއްވަމުން ޝާހިދު ވިދާޅުވިއެވެ.
ޝާހިދު އިތުރަށް ވިދާޅުވީ، މި ސަރުކާރުގެ ހުދުމުޚްތާރުކަމާއި، ރާއްޖެއަށް މި ސަރުކާރުގެ ސަބަބުން ލިބެމުންދާ ގެއްލުންތަކުގެ ވާހަކަ މަޑުޖައްސާލައި، 2028ގައި އޮތް ކަމަކާ ދިމާލަށް މިސްރާބު ހިފައިފިނަމަ ރާއްޖެއަށް ލިބޭނެ ގެއްލުން އިންތިހާއަށް ބޮޑުވާނެ ކަމަށެވެ.
"މިހާރު އަޅުގަނޑުމެން އެހެން ދިމާލެެއްގައި މާފަހުން އޮންނަ އިންތިހާބެއްގައި ވާހަކަ ދައްކަން ހަދައިގެން އަޅުގަނޑުމެންގެ އަމާޒު ކައްސާލައިގެން ގޮސް ލަނޑު ލިބޭތަން އެބަހުރި، އަޅުގަނޑުމެންނަށް މީގެކުރިން ވެސް ދެ އިންތިހާބެއް ގެއްލިއްޖެ، ވާގޮތަކީ މާދުރުގައި އޮންނަ ކަމަކާއިގެން މަސްއޫލުވެވިގެން ގޮސް ހަގީގަތުގައި އަޅަންވީ ފިޔަވަޅު އޮޅެނީ. އެހެންވީމަ އެހެން ވިޔަ ނުދޭންވީ،" ކުރީގެ ފޮރިން މިނިސްޓަރު ޝާހިދު ވިދާޅުވިއެވެ.
މީގެ އިތުރުން ޝާހިދު ވިދާޅުވީ މި ސަރުކާރުން ރައްޔިތުންނަށް ގެއްލުންދީ، ރާއްޖޭގެ އިގުތިޞާދު ހަލާކުކޮށްލުމަށް މިސްރާބު ޖަހާފައިވާ ކަމަށެވެެ. އަދި އެ މިސްރާބު ތެދުކުރުމަށް ކުރެވެން ހުރި ހުރިހާ މަސައްކަތެއް ކުރުން އެއީ ޕާޓީގެ ރައީސްގެ ހައިސިއްޔަތުން ކުރަންބޭނުންވާ ކަމެއް ކަމަށް ޝާހިދު ވިދާޅުވިއެވެ. ޝާހިދު އިތުރަށް ވިދާޅުވީ ޑިމޮކްރެޓިކް ނިޒާމު ރާއްޖެއަށް ދެވޭނެ ކަމުގެ އުންމީދު ރައްޔިތުންނަށް ލިބޭނެ މަގަށް ކަންތައްތައް ގެންދިޔުމަށް މަސައްކަތްކުރައްވާނެ ކަމަށެވެ.
ޝާހިދު މިހެން ވިދާޅުވެފައިވާއިރު އެމްޑީޕީގެ ކުރީގެ އިސްލީޑަރު އަދި ރައީސް އިބްރާހިމް މުޙައްމަދު ސާލިޙް ވަނީ އެމްޑީޕީގެ ރިޔާސީ ޓިކެޓަށް 5 ވަރަކަށް ބޭފުޅުން ޝައުގުވެރިކަން ހުރިކަން ހާމަކުރަށްވާފައެވެ. ދާދިފަހުން އެމްޑީޕީގެ ޗެއާޕާސަން ފައްޔާޒު ވެސް ވަނީ އެޕާޓީގެ ރިޔާސީ ޕްރައިމަރީގައި ވާދަކުރަށްވާނެ ކަން އިއުލާންކުރަށްވާފައެވެ.
"މިވަގުތަކީ އަޅުގަނޑުމެންގެ އެތެރޭގައި 2028 ގައި އޮންނަ ކަމެއްގައި އެދިމާލަށް އަޅުގަނޑުގެ މިސްރާބު ހިފައިގެން ކަމެއް ކުރާނެ ދަނޑިވަޅެއް ނޫން. އަޅުގަނޑުގެ މުޅި މިސްރާބު ހުންނާނީ 2026 ގައި މުޅި ރާއްޖެ ލޯކަލް ކައުންސިލް އިންތިހާބުގައި ރީނދޫކޮށްލުން، އެއްވެސް ހާލެއްގައި އަޅުގަނޑު ގަސްތެއް ނުކުރަން 2028ގައި އޮންނަ ކަމެއްގައި އަޅުގަނޑު ހުންނާނީ ކޮންތަނެއްގަތޯ މިއަދު ނިންމާކަށް،" އެމްޑީޕީގެ ރިޔާސީ ޕްރައިމަރީގައި ވާދަކުރަށްވާނަންތޯ ދެންނެވި ސުވާލަށް ޖަވާބު ދެއްވަމުން ޝާހިދު ވިދާޅުވިއެވެ.
ޝާހިދު އިތުރަށް ވިދާޅުވީ، މި ސަރުކާރުގެ ހުދުމުޚްތާރުކަމާއި، ރާއްޖެއަށް މި ސަރުކާރުގެ ސަބަބުން ލިބެމުންދާ ގެއްލުންތަކުގެ ވާހަކަ މަޑުޖައްސާލައި، 2028ގައި އޮތް ކަމަކާ ދިމާލަށް މިސްރާބު ހިފައިފިނަމަ ރާއްޖެއަށް ލިބޭނެ ގެއްލުން އިންތިހާއަށް ބޮޑުވާނެ ކަމަށެވެ.
މީގެ އިތުރުން ޝާހިދު ވިދާޅުވީ މި ސަރުކާރުން ރައްޔިތުންނަށް ގެއްލުންދީ، ރާއްޖޭގެ އިގުތިޞާދު ހަލާކުކޮށްލުމަށް މިސްރާބު ޖަހާފައިވާ ކަމަށެވެެ. އަދި އެ މިސްރާބު ތެދުކުރުމަށް ކުރެވެން ހުރި ހުރިހާ މަސައްކަތެއް ކުރުން އެއީ ޕާޓީގެ ރައީސްގެ ހައިސިއްޔަތުން ކުރަންބޭނުންވާ ކަމެއް ކަމަށް ޝާހިދު ވިދާޅުވިއެވެ. ޝާހިދު އިތުރަށް ވިދާޅުވީ ޑިމޮކްރެޓިކް ނިޒާމު ރާއްޖެއަށް ދެވޭނެ ކަމުގެ އުންމީދު ރައްޔިތުންނަށް ލިބޭނެ މަގަށް ކަންތައްތައް ގެންދިޔުމަށް މަސައްކަތްކުރައްވާނެ ކަމަށެވެ.
ޝާހިދު މިހެން ވިދާޅުވެފައިވާއިރު އެމްޑީޕީގެ ކުރީގެ އިސްލީޑަރު އަދި ރައީސް އިބްރާހިމް މުޙައްމަދު ސާލިޙް ވަނީ އެމްޑީޕީގެ ރިޔާސީ ޓިކެޓަށް 5 ވަރަކަށް ބޭފުޅުން ޝައުގުވެރިކަން ހުރިކަން ހާމަކުރަށްވާފައެވެ. ދާދިފަހުން އެމްޑީޕީގެ ޗެއާޕާސަން ފައްޔާޒު ވެސް ވަނީ އެޕާޓީގެ ރިޔާސީ ޕްރައިމަރީގައި ވާދަކުރަށްވާނެ ކަން އިއުލާންކުރަށްވާފައެވެ.
ކިޔުންތެރިންގެ ހިޔާލު