ރާއްޖޭގައި ގެވެށި އަނިޔާ ހުއްޓުވުމަށްޓަކައި ގުޅިގެން މަސައްކަތްކުރުމަށް ފެމެލީ ޕްރޮޓެކްޝަން އޮތޯރިޓީ (އެފްޕީއޭ) އާއި ސޮސައެޓީ ފޮރ ހެލްތް އެޑިޔުކޭޝަން (ޝީ) އާ ދެމެދު ފަހުމުނާމާއެއްގައި ސޮއިކޮށްފިއެވެ.
މި އެއްބަސްވުމުގައި ސޮއިކުރެވިގެން ދިޔައީ ދެ ދުވަހުގެ ނިޔަލަށް ކުރިއަށްދިޔަ މަދަނީ ޖަމިއްޔާތަކުގެ މަހަސިންތާގެ ތެރެއިންނެވެ. މި ފަހުމުނާމާގައި އެފްޕީއޭގެ ފަރާތުން ސޮއިކުރެއްވީ ޗީފް އެގްޒެކެޓިވް އޮފިސަރ އާމިނަތު ޝިރާނީ ނަޢީމެވެ. ޝީގެ ފަރާތުން ސޮއިކުރެއްވީ ބޯޑުގެ ވައިސް ޗެއަރޕަރސަން ޢާއިޝަތު ނޫރާ މުޙައްމަދެވެ.
އެފްޕީއޭއިން ބުނީ، އެފްޕީއޭއާއި ޝީ އާ ދެމެދު މި ވެވުނު އެއްބަސްވުމުގެ ދަށުން، ގެވެށި އަނިޔާ އަދި ވަކި ޖިންސަކަށްވީތީ ކުރާ އަނިޔާއާއި ގުޅިގެން އޮތޯރިޓީއަށް ހުށަހެޅޭ އަދި ރިފަރ ކުރެވޭ މައްސަލަތަކުގައި، ކައުންސެލިންގ، ސައިކޯސޯޝަލް ސަޕޯޓް އަދި ޕޭރަންޓިންގ ސެޝަންތަކުގައި ބައިވެރިވުމަށް އެދޭ ފަރާތްތަކަށް ޝީއާއި ގުޅިގެން ޚިދުމަތް ފޯރުކޮށްދެވިގެންދާނެ ކަމަށެވެ.
އަދި ހަމައެޔާއެކު، ގެވެށި އަނިޔާ އަދި ވަކި ޖިންސަކަށްވީތީ ކުރާ އަނިޔާއާއި ގުޅޭ މައްސަލަތަކުގައި، އަނިޔާގެ އަމަލުތައް ހިންގާ ފަރާތުން ކައުންސެލިންގގެ ޚިދުމަތަށް އެދޭ ހާލަތުގައި، އެފް.ޕީ.އޭ އާއި ގުޅިގެން ޝީ އިން އެފަރާތްތަކަށްވެސް ޚިދުމަތްފޯރުކޮށްދޭނެ ކަމަށްވެސް އެފްޕީއޭ ބުންޏެވެ.
އަނިޔާ ލިބޭ ފަރާތުގެ މަސްލަހަތު ރައްކާތެރިކުރުމުގެ ނަޒަރިއްޔާތުން، އެފަރާތްތަކަށް ބޭނުންވާ އިޖުތިމާއީ އަދި ނަފްސާނީ އެހީތެރިކަން ފޯރުކޮށްދިނުމާއި، އެފަރާތްތައް ބާރުވެރިކުރުވުމަށް ކުރެވޭ މުހިންމު މަސައްކަތެއް ކަމަށް އެފްޕީއޭ އިން ބުންޏެވެ. އަދި އަނިޔާ ކުރާ ފަރާތްތައް ޒިންމާދާރު ރައްޔިތެއްގެ ގޮތުގައި އަނބުރައި މުޖުތަމައަށް ނުކުތުމަށް ބޭނުންވާ އެހީތެރިކަން ވެސް މި އެއްބަސްވުމުގެ ތެރެއިން ދެވިގެންދާނެ ކަމަށްވެސް އެފްޕީއޭ ބުންޏެވެ.
މި މަހާސިންތާގައި ގެވެށި އަނިޔާ ލިބިފައިވާ ފަރާތްތަކަށް ޚިދުމަތްދިނުމުގައި "ވިކްޓިމް ސެންޓްރިކް ނަޒަރިއްޔާ" އެއް ގެންގުޅުމުގެ މުހިންމު ކަމަށް އަލިއަޅުވާލާފައި ވެއެވެ. އަދި މިހާރު އަމަލުކުރެވެމުންދާ ގެވެށި އަނިޔާ ހުއްޓުވުމުގެ ތިން ވަނަ ގައުމީ ސިޔާސަތުގެ ޖޮއިންޓް އެކްޝަން ޕްލޭން ތަންފީޒުކުރުމަށްޓަކައި އެއްބާރުލުން ދެވޭނެ ގޮތްތަކާއި ބެހޭގޮތުންވެސް ވަނީ މަޝްވަރާކުރެވިފައެވެ.
މި މަހާސިންތާއަކީ ސަރުކާރުގެ މުއައްސަސާތަކާއި މަދަނީ ޖަމިއްޔާތަކާއި ގުޅިގެން މަސައްކަތް ކުރުމަށް އެޅުނު މުހިންމު އެއް ފިޔަވަޅެވެ. މި މަހާސިންތާގައި ރާއްޖޭގެ އެކި ކަންކޮޅުތަކުން 15 މަދަނީ ޖަމިއްޔާއެއް ބައިވެރިވެފައިވާކަން ފާހަގަކޮށްލެވެއެވެ.
އެފްޕީއޭއިން ބުނީ، އެފްޕީއޭއާއި ޝީ އާ ދެމެދު މި ވެވުނު އެއްބަސްވުމުގެ ދަށުން، ގެވެށި އަނިޔާ އަދި ވަކި ޖިންސަކަށްވީތީ ކުރާ އަނިޔާއާއި ގުޅިގެން އޮތޯރިޓީއަށް ހުށަހެޅޭ އަދި ރިފަރ ކުރެވޭ މައްސަލަތަކުގައި، ކައުންސެލިންގ، ސައިކޯސޯޝަލް ސަޕޯޓް އަދި ޕޭރަންޓިންގ ސެޝަންތަކުގައި ބައިވެރިވުމަށް އެދޭ ފަރާތްތަކަށް ޝީއާއި ގުޅިގެން ޚިދުމަތް ފޯރުކޮށްދެވިގެންދާނެ ކަމަށެވެ.
އަދި ހަމައެޔާއެކު، ގެވެށި އަނިޔާ އަދި ވަކި ޖިންސަކަށްވީތީ ކުރާ އަނިޔާއާއި ގުޅޭ މައްސަލަތަކުގައި، އަނިޔާގެ އަމަލުތައް ހިންގާ ފަރާތުން ކައުންސެލިންގގެ ޚިދުމަތަށް އެދޭ ހާލަތުގައި، އެފް.ޕީ.އޭ އާއި ގުޅިގެން ޝީ އިން އެފަރާތްތަކަށްވެސް ޚިދުމަތްފޯރުކޮށްދޭނެ ކަމަށްވެސް އެފްޕީއޭ ބުންޏެވެ.
މި މަހާސިންތާގައި ގެވެށި އަނިޔާ ލިބިފައިވާ ފަރާތްތަކަށް ޚިދުމަތްދިނުމުގައި "ވިކްޓިމް ސެންޓްރިކް ނަޒަރިއްޔާ" އެއް ގެންގުޅުމުގެ މުހިންމު ކަމަށް އަލިއަޅުވާލާފައި ވެއެވެ. އަދި މިހާރު އަމަލުކުރެވެމުންދާ ގެވެށި އަނިޔާ ހުއްޓުވުމުގެ ތިން ވަނަ ގައުމީ ސިޔާސަތުގެ ޖޮއިންޓް އެކްޝަން ޕްލޭން ތަންފީޒުކުރުމަށްޓަކައި އެއްބާރުލުން ދެވޭނެ ގޮތްތަކާއި ބެހޭގޮތުންވެސް ވަނީ މަޝްވަރާކުރެވިފައެވެ.
މި މަހާސިންތާއަކީ ސަރުކާރުގެ މުއައްސަސާތަކާއި މަދަނީ ޖަމިއްޔާތަކާއި ގުޅިގެން މަސައްކަތް ކުރުމަށް އެޅުނު މުހިންމު އެއް ފިޔަވަޅެވެ. މި މަހާސިންތާގައި ރާއްޖޭގެ އެކި ކަންކޮޅުތަކުން 15 މަދަނީ ޖަމިއްޔާއެއް ބައިވެރިވެފައިވާކަން ފާހަގަކޮށްލެވެއެވެ.
ކިޔުންތެރިންގެ ހިޔާލު