ރައީސް ޑރ. މުހައްމަދު މުއިއްޒު އއ. ތޮއްޑޫއަށް ވަޑައިގެންފި އެވެ.

މިއީ ރައީސް މުއިއްޒު އއ. އަދި ކ. އަތޮޅުގެ ބައެއް ރަށްތަކަށް މިއަދު ފެއްޓެވި ދަތުރުފުޅުގެ ތެރެއިން ތޮއްޑޫއަށް ކުރެއްވި ދަތުރުފުޅެކެވެ.

ތޮއްޑޫއިން ވަނީ ރައީސް މުއިއްޒުއަށް ހޫނު މަރުހަބާއެއް ދަންނަވައިފިއެވެ. މިދަތުރުފުޅުގައި އެމަނިކުފާނު ވަނީ ތޮއްޑޫ ކައުންސިލްއާ ވެސް މިއަދު ހެނދުނު ބައްދަލުކުރައްވައިފަ އެވެ.

ރައީސް އޮފީހުން ބުނީ ރައީސްގެ މި ދަތުރުފުޅުގައި ދެ އަތޮޅުގެ ބައެއް ރަށްތަކަށް ޒިޔާރަތްކުރެއްވުމުގެ އިތުރުން، ވަގުތު ލިބިވަޑައިގަތް މިންވަރަކުން ދެ އަތޮޅުގެ ވީހައި ގިނަ ރަށްތަކުގެ ކައުންސިލްތަކާއި އަންހެނުންގެ ތަަރައްގީއާ ބެހޭ ކޮމިޓީތަކާ ބައްދަލުކުރެއްވާނެ ކަމަށެވެ.

މިއީ ރާއްޖޭގެ ހުރިހާ އަތޮޅަކަށް ޒިޔާރަތްކުރެއްވުމަށާ، އަތޮޅުތަކާ ރަށްތަކާ ސިޓީތަކުގެ ލޯކަލް ކައުންސިލުތަކާ އަދި އަންހެނުންގެ ތަރައްގީއާ ބެހޭ ކޮމިޓީތަކާ ބައްދަލުކުރެއްވުމަށް ރައީސުލްޖުމްހޫރިއްޔާ މިއަހަރު ފެއްޓެވި ސިލްސިލާ ދަތުރުގެ ބައެއް ކަމަށް ވެސް ރައީސް އޮފީހުން ބުނެފައި ވެއެވެ.

ރައީސުލްޖުމްހޫރިއްޔާ ކުރިން ވިދާޅުވެފައިވާ ގޮތުގައި އެމަނިކުފާނުގެ އަމާޒަކީ، މި ފަސްއަހަރުގެ ތެރޭގައި ރާއްޖޭގެ ކޮންމެ ރަށަކަށްވެސް މަދުވެގެން ދެ ފަހަރު ޒިޔާރަތްކުރެއްވުމެވެ