ރައްޔިތަކަށް ލިބޭ ސަބްސިޑީ، ޕެންޝަން އަދި އާސަންދަ ކުރިއަށް އޮތް ތަނުގައި ނުކަނޑާނެ ކަމަށް ރައީސުލްޖުމްޙޫރިއްޔާ ޑރ. މުހައްމަދު މުއިއްޒު މިރޭ ވިދާޅުވެއްޖެއެވެ.
އއ. މަތިވެރީ ރައްޔިތުންނާ މިރޭ ބައްދަލު ކުރަށްވައި ވާހަކަފުޅުދައްކަވަމުން ރައީސް ޑރ. މުޙައްމަދު މުޢިއްޒު ވިދާޅުވީ، އަސާސީ ޚިދުމަތްތަކަށް ސަރުކާރުން ދޭ އެއްވެސް ސަބްސިޑީއަކަށް އުނިކަމެއް ނާންނާނެ ކަމަށެވެ. އަދި އާސަންދަ އާއި ޕެންޝަން ފަދަ ރައްޔިތުންނަށް ސަރުކާރުން ދޭ އެއްވެސް އެއްޗެއް އުނިނުކުރާނެ ކަމަށް ރައީސް ވިދާޅުވިއެވެ. ރައީސް ވިދާޅުވީ އާސަންދަ ކަނޑާނުލައި ސަރުކާރުން ކުރާނެ ކަމަކީ އެއިން ބަޔަކު ނަގަމުންދާ ނާޖާއިޒު ފައިދާތައް ހުއްޓުވައި އެ ޚަރަދުތަށް އުނިކުރުން ކަމަށެވެ.
"އެއްގޮތަކަށްވެސް އާންމު ރައްޔިތުންގެ އާސަންދައަކުން އެއްވެސް އެއްޗެއް އުންޏެއް ނުވާނެ. އެހެންވީމަ މިގޮތަށް އާސަންދަ ރިފޯމު މި ކުރަނީ. އެހެންވީމަ ވަރަށް ބޮޑުތަނުން އިސްރާފު އެބަ ކުޑަވޭ. އެހެންވީމަ މިކަހަލަ ކަންތައްތައް އަޅުގަނޑުމެން ކުރާނީ،" ރައީސް ވިދާޅުވިއެވެ.
ރައީސް ވިދާޅުވީ ސަރުކާރުން މަސައްކަތް ކުރަމުން ދަނީ ހުރިހާ ނިޒާމެއް ވެސް ހަރުދަނާކޮށް، މިހާރަށް ވުރެ ރަނގަޅު ހިދުމަތެއް ދެވޭނެ ގޮތެއް ހޯދުމަށެވެ.
ރައީސް ވިދާޅުވީ ސަރުކާރުން މަސައްކަތް ކުރަމުން ދަނީ ހުރިހާ ނިޒާމެއް ވެސް ހަރުދަނާކޮށް، މިހާރަށް ވުރެ ރަނގަޅު ހިދުމަތެއް ދެވޭނެ ގޮތެއް ހޯދުމަށެވެ.
ކިޔުންތެރިންގެ ހިޔާލު