ފުލުހުންނާއި ވަކީލުންނާއި ފަނޑިޔާރުންވެސް މަސްތުވާތަކެތީގެ މައްސަލަ ޙައްލު ކުރާން ނޫޅޭ ކަމަށް ވިދާޅުވެ ވެލިދޫ ދާއިރާގެ މެންބަރު މުޙައްމަދު އައްބާސް މަޖިލީހުގެ ތަޅުމުގައި މިއަދު ބޮޑެތި ތުހުމަތުތަކެއް ކުރަށްވައިފިއެވެ.
އައްބާސް މިފަދަ ތުހުމަތުތަކެއް ކުރެއްވީ ސަރުކާރުގެ ފަރާތުން ގަމު ދާއިރާގެ މެމްބަރު ޔޫސުފް ނަޝީދު ހުށަހަޅުއްވާފައިވާ، "މަސްތުވާތަކެއްޗާ ބެހޭ ޤާނޫނަށް" އިސްލާހު ގެނައުމުގެ ބިލުގެ ބަހުސްގައި، މިއަދުގެ މަޖިލީހުގައި ވާހަކަ ދައްކަވަމުންނެވެ.
އެގޮތުން އައްބާސް ވިދާޅުވީ، ކިތައްމެ ރަނގަޅު ގާނޫނެއް ހަދާފައި މަޖިލީހުން ފާސްކޮށް ރައީސް ތަސްދީގު ކުރެއްވިކަމަށް ވިއަސް ތަންފީޒީ ބާރުތަކުން ގާނޫނަށް އަމަލު ނުކުރާހާ ހިނދަކު މި މައްސަލައަށް ދާއިމީ ހައްލެއް ނާންނާނެ ކަމަށެވެ. ހަމައެއާއެކު ރަށްރަށުގެ ޕޮލިސްޓޭޝަންތަކުގައި އުޅޭ ފުލުހުންވެސް މަސްތުވާތަކެތި ބޭނުންކުރާ ކަމަށާއި، އެ ވިޔަފާރި ޒުވާނުން ކުރަނީ ފުލުހުންނާ ގުޅިގެން ކަމަށް އައްބާސް ތުހުމަތު ކުރެއްވިއެވެ.
އައްބާސް މިއަދު ވިދާޅުވީ ރަށްރަށުގައި މަސްތުވާތަކެތީގެ ވިޔަފާރި ކުރާ ދެތިން މީހަކު "ދާދާ" ހެދިގެން ޒުވާނުން ކޮންޓްރޯލްކޮށް މުޅި ޒުވާންޖީލު ހަލާކު ކުރަމުންދާއިރު ފުލުހުންވެސް ތިބެނީ އެމަންޒަރު ނުފެންނަކަމަށް ހެދިގެން ކަމަށެވެ.
"ހަމަ ސީދާ ރަށްރަށުގެ ޕޮލިސްޓޭޝަންތަކުގައި އުޅޭ ޕޮލިހުންވެސް މަސްތުވާތަކެތި ބޭނުންކުރޭ. އެބޭފުޅުންނާ ގުޅިގެން މި ވިޔަފާރިކުރަނީ ވެސް. އެމީހުންނާ ގުޅިގެން މި އެއްޗެހި ބޭނުން ކުރަނީ ވެސް. މިކަމަށް ޕޮލިސް ކޮމިޝަނަރާއި ހޯމް މިނިސްޓަރު އެބަޖެހޭ ސަމާލުވާން." އައްބާސް ވިދާޅުވިއެވެ.
ހަމައެހެންމެ މަސްތުވާތަކެތީގެ މައްސަލަ ހުއްޓުވަން، ރާއްޖޭގެ ފަނޑިޔާރުންނާއި، ބައެއް ގާނޫނީ ވަކީލުންނާއި ފުލުހުންވެސް މަސައްކަތް ނުކުރައްވާ ކަމަށް އައްބާސް ވިދާޅުވިއެވެ. އަދި ފަނޑިޔާރުންވެސް ކަންނެތްވެފައިވާ ކަމަށާއި މަސްތުވާތަކެތީގެ މައްސަލަތައް ކޯޓުތަކުން އަވަހަށް ނިންމަންޖެހޭކަން އައްބާސް ފާހަގަ ކުރެއްވިއެވެ.
"ޚާއްސަކޮށް މި ފަނޑިޔާރުން އެބަޖެހޭ ކަންނެތްކަމުން ސަލާމަތްވާން. ފަނޑިޔާރުން ހަމަ ޖެހޭދޯ ކޮންމެ އަހަރަކު އެއްފަހަރު އެއް މަސް ދުވަސް ދެ މަސް ދުވަސް ޗުއްޓީ ނަންގަވަން؟ ނުޖެހޭ. ނުނިމި ހުރި މައްސަލަތައް ނިންމަންވީ." އައްބާސް މިއަދު ވިދާޅުވިއެވެ.
އޭގެއިތުރުން އައްބާސް ވިދާޅުވީ ރާއްޖޭގެ ޖުޑިޝަރީ ވަނީ ވަރަށް ބޮޑަށް "ފެއިލްވެފައި" ކަމަށެވެ. އެގޮތުން މަސްތުވާތަކެތީގެ ގިނަ މައްސަލަތަކުގައި އެންމެ 15 ނުވަތަ 10 ދުވަހަށް ބަންދުގެ މުއްދަތު ޖަހައި، ދެން އެ ކުށްވެރިން އަނެއްކާވެސް ދޫކޮށްލަނީ މަގުމައްޗަށް ކަމަށް އައްބާސް މިއަދު ވިދާޅުވެފައިވެއެވެ.
އެގޮތުން އައްބާސް ވިދާޅުވީ، ކިތައްމެ ރަނގަޅު ގާނޫނެއް ހަދާފައި މަޖިލީހުން ފާސްކޮށް ރައީސް ތަސްދީގު ކުރެއްވިކަމަށް ވިއަސް ތަންފީޒީ ބާރުތަކުން ގާނޫނަށް އަމަލު ނުކުރާހާ ހިނދަކު މި މައްސަލައަށް ދާއިމީ ހައްލެއް ނާންނާނެ ކަމަށެވެ. ހަމައެއާއެކު ރަށްރަށުގެ ޕޮލިސްޓޭޝަންތަކުގައި އުޅޭ ފުލުހުންވެސް މަސްތުވާތަކެތި ބޭނުންކުރާ ކަމަށާއި، އެ ވިޔަފާރި ޒުވާނުން ކުރަނީ ފުލުހުންނާ ގުޅިގެން ކަމަށް އައްބާސް ތުހުމަތު ކުރެއްވިއެވެ.
އައްބާސް މިއަދު ވިދާޅުވީ ރަށްރަށުގައި މަސްތުވާތަކެތީގެ ވިޔަފާރި ކުރާ ދެތިން މީހަކު "ދާދާ" ހެދިގެން ޒުވާނުން ކޮންޓްރޯލްކޮށް މުޅި ޒުވާންޖީލު ހަލާކު ކުރަމުންދާއިރު ފުލުހުންވެސް ތިބެނީ އެމަންޒަރު ނުފެންނަކަމަށް ހެދިގެން ކަމަށެވެ.
"ހަމަ ސީދާ ރަށްރަށުގެ ޕޮލިސްޓޭޝަންތަކުގައި އުޅޭ ޕޮލިހުންވެސް މަސްތުވާތަކެތި ބޭނުންކުރޭ. އެބޭފުޅުންނާ ގުޅިގެން މި ވިޔަފާރިކުރަނީ ވެސް. އެމީހުންނާ ގުޅިގެން މި އެއްޗެހި ބޭނުން ކުރަނީ ވެސް. މިކަމަށް ޕޮލިސް ކޮމިޝަނަރާއި ހޯމް މިނިސްޓަރު އެބަޖެހޭ ސަމާލުވާން." އައްބާސް ވިދާޅުވިއެވެ.
ހަމައެހެންމެ މަސްތުވާތަކެތީގެ މައްސަލަ ހުއްޓުވަން، ރާއްޖޭގެ ފަނޑިޔާރުންނާއި، ބައެއް ގާނޫނީ ވަކީލުންނާއި ފުލުހުންވެސް މަސައްކަތް ނުކުރައްވާ ކަމަށް އައްބާސް ވިދާޅުވިއެވެ. އަދި ފަނޑިޔާރުންވެސް ކަންނެތްވެފައިވާ ކަމަށާއި މަސްތުވާތަކެތީގެ މައްސަލަތައް ކޯޓުތަކުން އަވަހަށް ނިންމަންޖެހޭކަން އައްބާސް ފާހަގަ ކުރެއްވިއެވެ.
އޭގެއިތުރުން އައްބާސް ވިދާޅުވީ ރާއްޖޭގެ ޖުޑިޝަރީ ވަނީ ވަރަށް ބޮޑަށް "ފެއިލްވެފައި" ކަމަށެވެ. އެގޮތުން މަސްތުވާތަކެތީގެ ގިނަ މައްސަލަތަކުގައި އެންމެ 15 ނުވަތަ 10 ދުވަހަށް ބަންދުގެ މުއްދަތު ޖަހައި، ދެން އެ ކުށްވެރިން އަނެއްކާވެސް ދޫކޮށްލަނީ މަގުމައްޗަށް ކަމަށް އައްބާސް މިއަދު ވިދާޅުވެފައިވެއެވެ.
ކިޔުންތެރިންގެ ހިޔާލު