ދިވެހިރާއްޖެއިން ތައިލެންޑަށް ކަނޑައަޅާފައި ހުންނަވާ ސަފީރުކަމަށް ފުއާދު ތައުފީގު އައްޔަނު ކުރުމަށް ރައްޔިތުންގެ މަޖިލީހުން ރުހުން ދީފި އެވެ.

އިލެކްޝަންސް ކޮމިޝަން (އީސީ)ގެ ކުރީގެ ރައީސްކަންވެސް ކުރައްވާފައިވާ ފުއާދު ތައިލެންޑް ސަފީރުކަމަށް އައްޔަނު ކުރުމަށް މަޖިލީހަށް ފޮނުވާފައިވަނީ މިދިޔަ މަހުގެ 25 ވަނަ ދުވަހު އެވެ.

ރައްޔިތުންގެ މަޖިލީހުން ފުއާދަށް ރުހުން ދީފައިވަނީ މިއަދު މަޖިލީހުގެ ޖަލްސާގައި މިކަމަށް ނެގި ވޯޓުގަ އެވެ. އެގޮތުން ފުއާދުއަށް ރުހުން ދީފައިވަނީ ވޯޓުގައި ބައިވެރިވި 58 މެންބަރުންގެ އިއްތިފާގުންނެވެ.