ދިވެހިރާއްޖޭގެ ގައުމީ ދިފާއީ ބާރު، އެމްއެންޑީއެފްގެ ހާއްސަ އަސްކަރީ ތަމްރީނެއް ހުޅުމާލޭގައި ބާއްވަން ނިންމައިފިއެވެ.

ދިފާއީ ވުޒާރާއިން ކުރި އިއުލާނެއްގައި ބުނެފައި ވަނީ، އެމްއެންޑީއެފުން ކުރިއަށްގެންދާ އަސްކަރީ ތަމްރީނުތަކެއް އަންނަ އަންގާރަ ދުވަހުން ފެށިގެން ހަތަރު ދުވަހުގެ ނިޔަލަށް ހުޅުމާލޭގައި ކުރިޔަށްދާނޭ ކަމަށެވެ.

މި ތަމްރީނު ކުރިއަށްދާނީ ކޮންމެ ދުވަހެއްގެ ހެނދުނު 06:00 އިން ހަވީރު 06:00 އަށް ހުޅުމާލޭގެ އިރުމަތީ ފަރާތުން ހަތް ނޯޓިކަލް ބޭރުގައި ކަނޑުމަތީގައެވެ.

އެގޮތުން މި ތަމްރީނުތަކުގައި ބޭނުންކުރާ ބަޑީގެ ވަޒަން ދަތުރުކުރާނީ ހުޅުމާލޭގެ އިރުމަތީ ފަރާތުން ހަތް ނޯޓިކަލް މޭލު ބޭރުން 5،000 މީޓަރު ދުރުމިނަށެވެ. އަދި ވަޒަން ދަތުރުކުރާނެ އުސްމިނަކީ 300 މީޓަރެވެ.

އާންމުކޮށްވެސް ސިފައިން މިފަދަ ތަމްރީނުތަކެއް ކުރިއަށްގެންދާ ނަމަ އެ މައުލޫމާތު ހާމަ ކުރެއެވެ.